تغيير زيت القير

7 2

لايمكنك التصويت حتى الحصول على 20 نقطة على الأقل
إضغط هنا للإخفاء

moathyaseen 1393
قبل 9 سنه و 6 شهر

السلام عليكم ورحمة الله وبركاته
تغيير زيت القير
طبعا السيارة مازدا 3 2007
اول شي رحت الوكالة وقلتلهم ابي اعرف نوع زيت القير
قلي الزيت موتركرافت ميكرون وسعره ب 28 ريال والسيارة عند تغيير الزيت مع الفلتر يبيلك 4 علب
طيب والفلتر قالولي على ما اذكر ب150 ريال
المهم واروح الصناعية وادور فيها اسأل عن الزيت الي قالولي عليه الشركة
وطلع فعلا موجود وطابقته بنفس صورة الزيت حقة الوكالة وطلع نفسه
طيب وكم السعر قالولي 19 ريال العلبة ، واشتري 4علب
ورحت عند حقين قطع غيار المازدا وقلتله عن فلتر القير
وقلي موجود وسعره ب 110 ريال وكالة
وكنت مصور صورة السيريال حق فلتر الوكالة وطابقتهم مع بعض وطلع فعلا وكالة
بعدها رحت عالصناعية وفريت عند اكثر من واحد
وارخص واحد حصلته يركبها ب 100 ريال
وانا اشتري علب الزيت حق المكينة جملة واشتري الفلتر من الوكالة
وقلت للي بركبلي فلتر زيت القير موافق على 100 ريال بس بشرط تغيرلي زيت المكينة ووافق
وانا اغير زيت المكينة من عند حقين الزيت ب20 ريال
المهم سالفة تركيب فلتر زيت المكينة طلع علي ب 80 ريال
طيب لو نحسب الشغل كامل طلع علي ب (19*4)+(110)+(80)=266 ريال
لو اني مشتري الاغراض من الوكالة (28*4)+(150)+(80) = 342 ريال
يعني فرقت معي مبلغ 76 ريال – وعلى فكرة معظم الناس قالولي ناخذ على تركيبه 150 ريال
يعني لو مركبه ب 150 ريال كان المبلغ صار 342+(150-80) =412 ريال
يعني مبلغ التوفير 146 ريال
يعني الواحد يتعب شوي ، انا اولى من اللهندي والوكالة بالمبلغ الي رح اوفره
طبعا وقت التركيب الي استغربت من شي
بعد ما فتح سرة الزيت طبعا طلع 4 لتر
قلي فيه جوة القير حاليا 4لتر
بس ما يطلع ابدا الا اذا فكينا القير بالكامل
قلتله طيب ما فيه طريقة ثانية
قلي بعض السيارات فيه مسمار عند القير ينزل كامل الزيت
والطريقة الوحيدة انك تشتري علب كثيرة وتغيرهم بين كل فترة وفترة
المهم سحبت عالموضوع لا بشتري زيت ولا بغير
كل 40 ألف بغير الزيت وبعد 40 الف ثانية بغير فلتر مع زيت
ان شاء الله تكونو استفدتم من الموضوع
وطبعا صورت الزيت والفلتر والفرق بين حق الوكالة والي شريته من المحل


طبعا اخر صورة هي صورة لفلتر حق الوكالة
والي انا شريته

إبلاغ

الردود