أضف سؤال أو موضوع جديد          

ايهم الافضل...والاجدر بالاقتناء...؟

up 4 down 1
الهوكاجي000 156
قبل 7 سنه و 5 شهر



السلام عليكم ورحمة الله تعالى وبركاته...
اخواني الكرام...
الكثير منا عندما يريد شراء سياره من نوع جيب...
يحتار كثيرا في ايهم افضل للاقتناء...
فجميع السيارات من هذه الفئه...لها مميزاتها التي تنفرد بها عن الاخرى...
ولها عيوبها التي تقلل من قيمتها...
نريد من الجميع المشاركه في هذا الاستفتاء البسيط...
لمعرفة ايهم الافضل..
من نواحي عده...ومنها...
السلامه.القوه.المتانه.الانسيابيه والراحه.الفخامه.سعر السياره والقطع.عمر السياره والقطع الافتراضيه..
واتمنى تكون المشاركه بدون عنصريه او حياديه..
وشكرا...
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الـبـاتـرول وكـفـى


up 8 down 5
ابو يزيد 000 8712
قبل 7 سنه و 5 شهر



تاهو 2016 بكل تأكيد ولو تروح للبر كثير خذ باترول 


up 2 down 3
bandara 1134
قبل 7 سنه و 5 شهر



الباترول زعيم اخ ابو يزيد...ولكن اتوقع سبب عدم منافسته ارتفاع سعره وسعر القطع... ننتظر رد الاعظاء الباقين...


up 3 down 4
الهوكاجي000 156
قبل 7 سنه و 5 شهر



من رايي وخيار الاول والافضل بجداره نيسان باترول والخيار الثاني جيب لكزس والثالث لاندركروزر


up 6 down 1
حربي نجدf15 89
قبل 7 سنه و 5 شهر



الاخ bandara ما اتوقع ان التاهو بينافس المجموعه الحلوه الي بالصور.لان ماهو من نفس الفئه..ولا صمموه حتى يتافس هذولي الابطال...


up 1 down 1
الهوكاجي000 156
قبل 7 سنه و 5 شهر



اخ حربي ما تلاحظ ان الانفنتي شوي مظلوم..؟؟اتوقع انو جديد بالمنافسه...واهل الخبره رفعوه كم درجه عن الباترول...


up 1 down 0
الهوكاجي000 156
قبل 7 سنه و 5 شهر



باتروول لديهم درع السلامه وانظمه متعدده للفرامل ونظام نزول المنحدرات بحيث السرعه ماتتعدى 7 كم وانظمه صعود المنحدرات

نظام مانع الاصطدام الامامي , نظام الخروج من المسار , نظام النقطه العمياء , وفيه انظمه اخرى كثيره ناسيها بصراحه

القوه معروفه مكاين النيسان مايحتاج والمكينه 320 طلعت على اغلب سيارات تويوتا حتى الافجي طلعت عنه 

الانسيابيه مايحتاج الباترول مميز جداا خصوصا مع الشبك الجديد والشمعاات الليد والصدام بلايتينوم سيتي 

سعر السياره غااااالي ,

من ناحيه عمر السياره شوف البلد مليانه جيوب باترول بالتسعينات وكلها شغااااله ومحاكيك معنا باترول 96 وعمي معه 91

واقسم بالله لا اعطال ولاهربده ولاحراره واللي يقولك هربده ممكن الديكورات فقط اما بطن الموتر انسى تسمع فيه شئ 


up 4 down 5
منخشق 673
قبل 7 سنه و 5 شهر



لو بختار لنفسي منهم بعيدا الاسعار .. بختار الباترول لون رصاصي 


up 3 down 1
احم...احم -50
قبل 7 سنه و 5 شهر



الاستاندر كان بالوكاله بمرضان ب 169 الف قير عايدي و الاتوماتيك ب 179 الف بالوكاله 

الان بالمعارض استاندر اوتوماتيك داخلي هليوز بالكامل 8 سلندر ب 175 الف وممكن في معارض اقل

ونص فل اس اي تو فتحه سقف وشاشه مع نفقيشن وكاميرا خلفيه و ليد امامي وليد خلفي ومواصفاته حلوه كانه فل ب 195000 ريال 2015

اسعاره مثل سعر اللاندكروزر ولكن لولا اختلاف الاذواق لبارت السلع 

+1


up 2 down 1
ابو يزيد 000 8712
قبل 7 سنه و 5 شهر



الباترول الفل رصاصي الغامق

ياليل خبرني عن امر المعآآآناه ،، 


up 1 down 1
panamira 1906
قبل 7 سنه و 5 شهر



الجيوب ثلاث انواع :

جيب دفع خلفي اساسي - رباعي مع تشغيل الدبل
جيب دفع امامي  - رباعي مستمر بتحكم الكتروني
 و اهم نوع من الجيوب :








الجيب اللي بمخباك ( رصيدك من الفلوس )
لانه هو اللي على اساسه بتقرر وش تشتري سيارة جيب 

انا استغرب من اللي يطلعون جيوب ايجار منتهي  او قرض 300 الف عشان جيب فخم
قسط شهري يوصل 4 الاف شهريا"
و دفعه اخيره 70 ممكن 100 الف
حتى لو راتبك 15 الف
الاولى تقسط شي معقول و الباقي تدخر منه
 تجمع شي على شي ينفع بشي مهو سياره ممكن تروح تالف الله يستر
الافضل جيب ب100 او 120 الف للبر و السفر
 و 60 او 70 سياره سيدان للمشاوير القريبه

الله يديم النعمه علينا و لا يعاقبنا



up 7 down 1
أبو نجوى 2443
قبل 7 سنه و 5 شهر



الباترول دفع رباعي 
تخيل فيش واحد تفصله يصير دفع خلفي 
ابداااع يانيسان


up 1 down 1
منخشق 673
قبل 7 سنه و 5 شهر



لو الخيار لي باترول وكفى مثل ماقال ابويزيد
فخامة قوة شكل. هيبة

لكن ممكن اخذ كخيار ثاني هوندا الجودة ثم الجودة ثم الجودة
والمثل يقول الجودة اولا خخخخ

والباقي صراحة كتاكيت مالهمش لزمة خالص خخخ

الا نسيت الانفنيتي يستاهل بس كانه نسخة مشوهة من بطل الدروب

وفوق هذا سعره عالي



up 2 down 3
في السماء غيم 220
قبل 7 سنه و 5 شهر



الردود كلها جميله جدا...
بس الغريب انو مافي احد ذكر الهمر ولو بكلمه مع انو الي بالصوره همر h1 97...مكينه 6000 وهي الاقوى حتى 2015...
بالنسبه لي وبامانه ارى بان الباترول والانفنتي من ام وحده الي هي نيسان مع ان الافضليه للانفنتي بالرساوه والعزم..
القراند شيروكيايضا منافس قوي جدا بالنسبه للسعر...يعني سياره فخمه وسعر مقبول لكن عيبه الحراره والعمر الافتراضي للسياره قليل جدا...
بالنسبه للاند كروزر شيك بالجيب...هو الوحيد الي يحافض على سعره...
الهوندى فخم ولكن كمكينه فاشل جدا...لا قوه ولا عزم...واتوقع ان شركة الهوندا فشلت في هذي الفئه...
السزوكي مقبول وسعره يابلاش..والقطع تلاقيها في ابو ريالين قريبا...
اللكزس فشخره كذابه...خسارة فلوس على الفاضي...
المتبيشي اخلفو فيه كثير...بالنسبه اشوفه سياره سعرها مقبول وقوته لاباس فيها...


up 1 down 2
الهوكاجي000 156
قبل 7 سنه و 5 شهر



^^ المقارنة اساسا ماهي عادلة موب كلهم جيوب في منهم SUV سيارات عائلية صغيرة 

انا ارشح الباترول طبعااااااا بدون نقاش والمقتدر ياخذ جيب ال Q انفينيتي فيها لمسة فخامة اكثر من الباترول ولكن الباترول مرغوب اكثر 




up 2 down 1
benz lover -74
قبل 7 سنه و 5 شهر



كل جيب يتميز عن الثاني . مثلا :

الباترول تصميم عصري ووسيع وعزمه قوي 
التاهو واليوكن تصميم جديد وعملي جدا وسعره مناسب ومريح وحتى صرفية البنزين تعتبر ممتازه 
اللند كروزر اصبح شكله قديم وقريب يتغير مانصحك حاليا فيه شكله متشبع من ٢٠٠٨ 
الاكسبدشن عملي ومريح اكثر من التاهو لكنه برايي يصرف بنزين داخل المدينه وميزته بعد رخيص 


up 0 down 1
abofarah 1080
قبل 7 سنه و 5 شهر



كل شخص له نظره للسيارات وهو الوحيد اللي يقيم السياره لو كان هاوي سفر
او بر او داخل المدينه . اولا تبدا بقوة السيارات والمواصفات والسلامه.
وبعدها تشوف توفر القطع واسعارها وخدمة الصيانه.
 ثم تعمل مقارنه الاسعاروتشوف الارخص طبعا.
كل سياره تحط لها تقييم لحاله
وبالاخيرتشاور اهل الخبره  راح تطلع بنتيجه مرضيه لك وتستخير وتشتري.




up 2 down 0
zyad321 77
قبل 7 سنه و 5 شهر



كل انسان ونفسه ترغب شي معين ف بما انك استشرت الناس فانت كانك تقول وش تحبون انتم عشان اشتريه ؟ استخر ربك وكان معك قيمة واحد من هالمواتر اللي بالصور  ف شف وش يدلك عليه قلبك وتوكل على الله وانقد دراهمك


up 1 down 0
ي ليل الليل 4
قبل 7 سنه و 5 شهر



اللكزس مقارنه كذابه اجل ههههه
 اللي مايطول العنب حامض عنه يقول ..


up 0 down 0
كلاسيكي1 -46
قبل 7 سنه و 5 شهر