اف جي او باترول او اف 150

باترول وانت مغمض

تسلم ماقصرت
اكثر سياره أفكر فيها الباترول 

دامك تقول عايلة معناها ماينفع الاف جي

انا استخدمته الله حق رساوته حلوة على تويوتا عزمه بطران على الطعس وداخل البلد


لكن ماينفع اشتريه وانا عزوبي فما بالك متزوج


عيوبه ، مراتبه تكسر الظهر ، الرؤية فيه شوي صعبة ، مايخدمك كركوب الصف الثاني صغير وفتحت بابه وسكته قلق وحتى اللي راكبين ورا يتضايقون ، انا الله حق اطربني كطعس غيره لا

ال اف 150 بيك اب ممكن تاخذه غمارتين او غمارة ونص


لكن اذا تبي رأيي خذ باترول لأنه بيخدمك في كل الاحوال ان بغيت بر فهو رفيع وجيب ويعزك ، ان بغيت تمسك خط مهب مثل الاف جي صغير ومراتبه تعور الظهر ولا ينفع خط ، وال اف 150 بيك اب يعني عفشك في الصندوق


من ناحية العملية كلهم الله حق كويسيين


بالتوفيق

اول شئ شيل الاف جي من راسك ما يصلح للعائله والثانية عندك باترول بلاتنيوم يمدحونه والعيسى مسوي عرض عليه والله يكتب لك الخير 

انا مالك اف جي لكن ما انصحك فيه كعائلة لان مثل ما قال الاخ اللي فوقي ضيق من ورا 
و اذا انت منت راعي تحميل و سحب لا تاخذ الفورد لانك ما تستفيد من كامل قوته 
انصحك في الباترول مع انك ما حددت اي نوع (سفاري ولا SE ) 
وخذ في بالك دامك استعمالك نظيف فا سيارة بتطول معاك ان شاء الله 
الباترول ان بغيته بر اعطاك و ان بغيته خط برضو اعطاك 
اسال الله ان يختار لك الافضل 

وعليكم السلام ورحمة الله وبركاته 

حسب إستخدامك اللي ذكرته أفضلهم الباترول كحجم وراحة وكل شيء 
الإف جي جميل جداً لكن غير مريح للعائلة وغير واسع وما يناسب إحتياجك 

موفق :)

الله يعطيكم العافيه ويجزاكم الخير
ماقصرتو ف ردودكم جميع 
بالنسبه للباترول اللي ابغاه الفتك صالون

نتوكل على الله وناخذ الباترول 
البلاتينوم غالي 

الباترول كله مشاكل بعد 6 سنوات من الاستخدام

اشور لك على جيب برادو 6 سلندر..  
يمكن ماجاء على بالك 

الفتك موب مريح لانه حق اوف رود اكثر شي انصحك خذ باترول بطل الدروب استاندر سعره حول١٨٠

و عليكم السلام 
اخوي مالك إلا الباترول هي  أنسب سيارة بالنسبة لعائلتك الكريمة 
و لا الإف جي و f150  ما عليهم خلاف 
الله يختار لك اللي فيه  الخير 

برادو مروح ماجازلي شكله ارشلحك الباترول الكبير حاول عاد تكثر المبلغ اللي معك منا ولا منا وتاخذ لك باترول 11 الشكل الجديد

وعليكم السلام
,,يا العسيري نصيحه لوجه الله استاجر وجرب وجرب وجرب ,,سيارة بتاخذها اقساط وبتكون اغلى من قيمتها وبالاخير تقول ليتني ما اشتريتها ,ولو نجي لل اف ا150 موديل 2015 هذا سعره غمارتين XLT اقل نوع ب 180 الف ريال وقوة 385 حصان والسيارة ما عليها كلام نشيط با الحيل ومن صفر الى 100 ب 6 ثواني وقيادته ممتعه جداا وهو مختلف عن الموديلات السابقه اختلاف جذري ,
نجي للفتك الفتك ما عليها كلام ومن تجربه ,لكن اضع 163 الف ريال بفتك وفرش اسود وضيق من الداخل وراح اهلك يتضايقو من المرتبه الوسطى اي المسافه بين المراتب الاماميه والخلفيه ضيق با الحيل ,,,لذا فكر با الباترول الشكل الجديد ولن تندم وفرقه عن الفتك حول 15 الف وهنا اقصد اقل نوع ,,واللى بدل ما تزنق نفسك با اقساط دور موديل 2010 مستعمل في بحر 110 الاف ,واقلبه ب 12 الف ريال بلاتنيوم موديل 2015 وشخص مع العالم ون بغيت تبيع راح يكسبك ان شاء الله ,وانا متاكد لو جرب الباترول الشكل الجديد ما راح تفكر بغيره,,والله ييسر امرنا وامرك

الاسبكديشن يمدحونه خذ 2014

شوف انا بتكلم معاك بكل صراحة ومجرب المواتر تطعيس 
وسحب و تسييف والعيال اللي معي بالاستراحة سياراتهم 
اف ١٥٠ ١ غمارة ونص 
باترول عدد ٣ 
اف جي ٢ وانا وولد عمي ملاكها
سييرا  غمارة ونص
بالتطعيس الإف ١٥٠ افضل منا بمراحل وبالسحب 
وبالراحة ماشاء الله عليه بطل غيبه القطع ماتتوفر الا 
بالوكالة مع انه مايطلب كثير وصاحبنا جالده جلد ماشاء 
الله عليه 
نجي للباترول الشكل القديم ( السفاري ) قوة قوي بس 
صراحة بالتطعيس والقومات الإف جي أقوى و أنشط 
بحكم ان السفاري راس واحد والإف جي راسين 
لكن جبار بدبله عيوبه أصوات القرقعة بس واسع ومريح 
لو قارنته بالإف جي 
الإف جي يتفوق عليهم بالخفة والنشاط بالنفوذ أنسى
شي أسمه تغريز وبالقومة والعزم افضل من السفاري 
الفتك وبمواصفات الأمان أفضل الفل أوبشن 
عيوبه لايوجد ثلاجة وضيق و الرؤية فيه صعبة بسبب 
زجاجه المستطيل ومراياته الهبله 
باختصار 
بغيت تحميل وراحة وقوة ومتانه وأمان خذ الإف ١٥٠ 
بغيت بر وكشتات وشوية خبال خذ باترول 
بغيت تطعيس وخبال وقومات و بيع وقطع متوفرة 
خذ اف جي 
لو مكانك عائلة بأخذ باترول 
لو شباب بأخذ اف جي 
لو راعي دبابات واستخدم الحوض واجد بأخذ اف 150 
واستحير والله يكتبلك اللي فيه الخير 

بالنسبة السيرا دايم ترتفع حرارة القير بكل طلعه ونوقف 
نستنيه يبرد

ماقصرتو بالردود خاصه اخوي ابو نادر وفصول

والله كلامكم ريحني كثير ان شاءالله احاول ازود المبلغ واخذ الباترول الشكل الجديد 
مع اني ماقد جربت الفتك
اف 150 يمكن ما يناسب مالي ف السحب والشغلات هذي

تحياتي لكم

خذلك جيب باجيرو فل الف سعره رخيص جداً ويخدمك ١٠ سنين ونت مغمض وقطع غيار رخيص و مميزات حلوة دور عن مواصفات باجيرو وان شاء الله تاخذ الافضل

الباترول بدون نقاش هو الان فعلاً بطل الدروب ويجمع كل شي بدون مبالغة

انا املك اف جي قبلها كان معي سفاري فتك ... الاف جي ممتاز ولا غبار عليه اذا العائلة خفيفة وحد الاف جي 3 اشخاص والثالث طفل لان المراتب الخلفية تصلح للصغار فقط .. والا بالسفر والمدينة والبر رهيب ... الفتك حلو لكن فيه بعض المشاكل خلتني اكرهه المكيف والكلتش والقطع الخيالية ... وكل واحد واستخدامه وانصحك بالنيسان الجديد SE