وش رايكم بالي صار معي مع المرور

15 11

لايمكنك التصويت حتى الحصول على 20 نقطة على الأقل
إضغط هنا للإخفاء

شويخ من أرض مكناس 2822
قبل 9 سنه و 5 شهر

السلام عليكم ورحمة الله وبركاته : قبل يومين كنت جاي من الطايف للرياض ووقفني المرور ويوم نزلت اعطاني قسيمة عدم ربط الحزام .. فقلت ليه وانا رابط الحزام عباطه يعني !!! قال انت ماكنت رابط الحزام وطبعا قالها بكل ثقه .. بصراحه خلاني اشك فعلا فحاولت اتذكر هل كنت رابطه او لا لكن اللي افتكره اني ربطته اول ماطلعت من المحطه وبعدها ما ادري هل فكيته مره ثانيه ونسيت ووقفني عليها المرور .. لكن اللي افتكره اني رابط الحزام ووقتها كان اسلوبه اصلا زفت .. فقلت مو مشكله المخالفه ماتهم لكن ان كنت على حق فمال تلام وان كنت ظلمتني فالله يبتليك بمصيبه ماتقوم منها وترى دعوة المظلوم مستجابه وانا في سفر وعطيته ظهري ومشيت ورميت المخالفه .. الحين جاني واحد على الواتس وقلي انه الغى المخالفه حقت الحزام .. قلت انت العسكري اللي سجلت المخالفه ؟ قال لا قلت انت اجل خويه اللي معه ؟ قال لا فقالي انا في ادارة المرور وانه الغى المخالفة لكن سئلته عن السبب ماهو راضي يقول ليه الغى المخالفه؟؟ ومايتكلم كثير ابد كلامه مختصر وانا جالس ابربر عليه فالواتس ههههههههههه المهم اني حاولت اعرف وش السبب الي خلاه يلغي المخالفه واذا كان العسكري اللي سجل المخالفه حس انه ظلمني او صار له شي بعد مادعيت عليه وراح كلم احد من زملائه فادارة المرور وعلمه بالسالفه وقله الغي المخالفه !!! خصوصا ان العسكري الميداني مايعرف رقمي واللي فالاداره اكيد جاب رقمي من الحاسب وجى يبلغني انه كنسل المخالفه بس ... والهدف من هذا التصرف ؟؟

حاولت اعرف لكن ماعطاني مجال وسكت

إبلاغ

الردود