عشرين الف وش اشترى سيارة فيها؟

اذا ميزانيتك بسيطه نصيحتي ابعد عن شفر نهائيا خذ ياباني او كوري و صاحبي معه ماليبو 2010  و الحين ماشي 160 و مواضب على تغيير الزيت و اضطر يغير مخ القير و اصوات القرقعه اللي تحت السيارة ما قدر يصلحها كل شوي تخرب و القطع اصليه 

الله يجزاك خير والله اني متخوف منها
الي اغراني شكلها حلو خصوصا الداخلية

ثاني شي ايش رايك بالالتيما دامك تمدح الياباني

انا ما لي خبره بالياباني لكن انه ارخص من شفر 

انتبه من الالتيما صيانتها زفت بزفت والقير فيه بلا 

خذ لك كامري 2002 بها السعر تحصل نظيف بالذات 4 سلندر سيارة خدومه وإقتصادية وما تطلب قطع وصيانتها سهله وتعيش معاك

حد مبلغك مالك 

الاسيارات صغيره 

بتحصل شيء نظيف بهل الحد 

اما الكامريات والسيارات الفئه المتوسطه بتتعب بتحصل نظيفبهل الحد 

وفيه عندك السوناتات موديل 2009 او 2008 

واحد من ربعنا مطلعها قبل امس من المعارض ب 24 وخمس

ولك الخيار

ولاتستعجل بسوق المستعمل يبيلك تدور على روقان

حتى لو تفترشهر

انتبه من الالتيما وبذات الماليبو الشكل القديم فاشل قيره تعبان

دور لك فيها كورلا 2008 او 2009 نضيفه حتى لو تزيدها شي بسيط
تراها حلوه

ابعد عن الماليبوووو ولا تقربها دورلك النترا 2012 وفوق 

تحصل بالقيمة هذي ألتيما.
سيارة ممتازة أنا مجربها شخصياً وأسافر عليها دائماً من الدمام للرياض.

20 الف ماتجيب لك الا سيارة صغيرررة 

او سيارة وسط بس مهلوكة 

و فكر فيها ترا هنا محد يبيع سيارته الا وهو هلكها 

حتى الكورولا من 2008 و الالنترا من 2011 تراها جدااااا خدومة 

او بتحصل التيما بس دور النظيف

بعطيك خيارات وان شاء الله زينه لك
كامري 2005 /2006 نظيفه
كورلا 2007 نظيف .. ولا تحصل لقطة 2008 /2009
اكسنت 2012 2013 نظيف
عاد الالنترا ماعرف أسعارها ولاعمري سعرتها
ولاتدور بالموقع الموقع يزود عن السوق دايم تحصل سيارته وصلت حدها بالسوق مثلا 30 يقول مسيومه من شريطي والحد 35 لايغرك هالحكي. .
أخذت فتره ادور موتر بالموقع وماش اغلی من السوق. . مابي أدخل بالنوايا اقولك اللي شفته وشفته بالسوق يختلف والمستعمل مو بسرعه بتشتريه يبيلك تتركد ع الموتر النظيف
والله يوفقكك لما يحب ويرضى. .

خذ اوبريس 2008 ولا 2009

احسن لك من الالنترا والماليبو ، مكينتها وقيرها وعضلاتها نفس الازيرا بالظبط

بس ان اسعارها طايحة انا ماخذها فل مابعدها ب 39 الف 2009 وبدي شد بلد

تبي تشوفها وتعرف مواصفاتها ادخل على اسمي وشف تقرير عنها

الاستاندر اسعارها من 22 الى 27 اللي يميزها انك بتاخذ موتر وسيع من جوا بدال الالنترا وكبيرة ومكينة 6 سلندر وقيادتها مثل الازيرا

انا لعلمك ماشريتها الا عشان رخصها لأن ماحول ميزانية والازيرا مبالغين في اسعارها النظيفة بيني وبينك ، ولما شريتها اكتشفت انها تتفوق على الازيرا في اشياء واجد


مكينتها 3.8 حتى الاستاندر ، ومراتبها مريحة ورساوتها لاتشاور ، ومن ناحية العملية صدقني لو فيها بلا نصحتك تبتعد عنها

قطع الغيار نفس الازيرا بالظبط وكلهم رخيصين

بالتوفيق

شاكر لكم يا اخوان

انا كان عندي كامري ٢٠٠٧ 
وكرهت الكامريات من وراها مع انها كانت نظيفة وبعتها

الظاهر اني بدور النترا

السيارة الوحيدة الي مالقيت احد يذمها

اخ ابراهيم الاوبيروس كانت مع واحد من الشباب

صار فيها مشكلة في الكهربا وللان محد عرف يصلحها
ويبي يبيعها تشليح
مع انها نظيفة وممتازة

سوناتا 2009
كورلا
كيا سيراتو نفس فيئة الكورلا والالنترا

خذ اكسنت ٢٠١٣ 
او 
كامري ٢٠٠٧ 

ارشح لك الاكسنت

الكامري كانت عندي فل اوبشن وبعتها
والاكسنت حيل صغيرة