التخصص المناسب ارجوا دخول الجميع مهم

اسهل تخصص اللي تميل له

وعن تجربه اقول لك هالكلام

كل انسان يسهل له تخصص معين

اللي اقدر افيدك فيه

إذا مالك في الانجليزي

لا تدخل التخصص الانجليزي ولا حتى اداره الأعمال

لان حتى تخصص اداره الاعمال كله مصطلحات انجليزيه

وفقك الله

افتح النت واقرأ عن كل تخصص, اش متطلباته وكيف التوظيف فيه وكيف مستقبله.
وشوف نفسك اش الشي اللي تميل له وتقدر تخدم فيه.
بعدين قرّر.
لا تعتمد على الأسهل واللي تتخرج منه منه بسرعة لأنك راح تندم بعدين.

وتذكر انو مافيه شي اسمه صعب.
إختر التخصص اللي يناسبك بعد ما تبحث كويّس عن مستقبله.
بعدين إقتحمه مع الباب مباشرة.

والله يوفقك.

التخصصات اللي كاتبها كلها سهــله واذا تبي وظيفه بسرعه خش انجليزي رغم انها شوي صعبه بس حلووه

انا والله مابفتي من راسي 
لاكن حبيت اقولك شي
اثنين من الشباب اعيال جيرانا
ادخلوا قسم تربية بدنية واحد تعين على طول في بيشة
والثاني تعين في طريف وعلى كلامهم قسم سهل جدا
تخرجوا من جامعة الباحه ولا طولوا الاول تعين بعد شهرين
والثاني توة تعين ويباشر في طريف في شهر11

أنصحك انجليزي والله يوفقك

ادارة اعمال موارد بشرية لها مستقبل 'مطلوبه'
دراستهم كلها انجليزي وحفظ 
ورواتبهم كويسه وعاليه.. 

التسويق مناسب وله مستقبل في الخاص والحكومي.
ثم الموارد البشرية ثم الخدمات الصحية.
والانجليزي اذا ما تعرف انجليزي لا تدخله انا سبق كنت في تخصص انجليزي جامعة عبدالعزيز
وبعدها حولت او بمعنى اصح " هربت " لعلم نفس لان الانجليزي كان صعب.

ياخي نصحناك بالانجليزي عشان تتخرج وتتوظف على طول واستااااااااااااذ يعني راتب وهيبه وراحه وش تبي اكثر تبي تخصص سهل ماتلقى وظيفه بعدين بكيفك

انجليزي مليان ماتضمن تتعين مباشره 
اعرف واحد خريج من الملك سعود وتعتبر اقوى شهادة
والله شغال في بنك له 6 شهور يحاول في التدريس ماقدر 

نصيحة من مجرب
اهررررررررررب عن اي تخصص نهايته تدريس
التدريس اول ما تتخرج اختبار قياس
50% من درجة تخصص المادة
 و 50% بقية الاختبار ( لغة عربية+رياضيات+تربوي)
اذا عديت في مسألة الاحتياج للتعيين
اعرف كم واحد تربية خاصة عدوا و ما تعينوا
ما في احتياج امتلت المدارس
اذا تعينت اول سنة تنشات شووووت من 500 الى 1000 كم عن اهلك
انت و حظك
من ناحية الدوام سهل لكن اذا مدير المدرسة اقشر الله يعين
ما في غياب او تأخر يرفع بك حسم و اليوم ب300 ريال
يرفع فيك غياب بعذر او ينقص من الاداء الوظيفي من 100
و يرفع بياناتك على بوابة التكامل و كل هذا يؤثر على النقل الخارجي
النقل اول سنة تطلب 10 رغبات نقل اكثر شي
لا يمكنك التعديل على ترتيب الرغبات فقط تحذف الرغبة اذا توهقت
كل سنة تطلع ارقامك على كل رغبة
كل ادارة تعليم لها فلسفتها او بربستها برفع الاحتياج و النقل
و يرفعون نصاب الحصص لكل معلم للحد الاعلى 24 حصة اسبوعيا"
و بالتالي تقل فرص النقل
و ان كان في حسنة بالتدريس فهو بالراتب
لكن و الله بيروح نصه قروض و تكاليف
 خصوصا" اذا تعينت بعيد عن اهلك
حتى الزواج بيتأخر منت لاقي ناس يعطونك بنتهم تسكن بعيد عنهم
تشوفهم مرة بالشهر او حتى مرة بالاسبوع تقلب عليك نفسية

الافضل اي تخصص تكون وظيفته قريبة و ممكن تتوفر كم فرصة
لو قطاع خاص
صار في تقديم وظائف ترجمة على جدارة 
و انا تخصصي E جامعي
اول ما ادخلت رقم هويتي منعت من التقديم بحكم اني على رإس العمل
و المشكلة بالتدريس ما في تقاعد الا بعد 20 سنة على الاقل
قبل يعتبر فصل و لا لك شي
اعرف واحد دبر تقرير طبي انه مريض  بعد كم سنة تدريس
و صرفوا له ثلث الراتب وترزق الله اعمال حرة و ارتاح و عنده خير

و المعذرة على الاطالة اللي ساكن بمدينة كبيرة يميه يتوظف اي وظيفة
لو غير حكومية و يتدرج و يجمع خبرة من بدري و الا تروح اغلى سنوات شبابه
ينتظر النقل يجيه التقاعد و هو ما سوى شي

تحياتي

انا اقول شف الدرسات الااسلامية
صح صعبه بس تتعيين ع طول
عندك الااوقاف والمحاكم وديوان المظالم
والهيئة والتدريس 
والله يوفقك

رقم 4
لا يفوتك تعيين على طووول

ادار اعمال موارد بشرية ارسل لي رقمك خاص واتصل بك 

وش رايكم في علاقات عامه 

جزاكم الله خير 

استخرت واخترت العلوم الاداريه