يالربع ناوي ع الالنترا 2013 - شرايكم ؟؟

شوف اخوي اذا الي كانت معك طلعت فيها خرابات طيب زودها شوي وخذلك سوناتا نص فل ومبروك مقدما

والله شوف السيارة كويسة ومنتشرة وفيه الي يمدح وفيه الي يسب ويلعن فيها لاكن المحافظة والسواقة لها دور في عمر السيارة

لاكن نصيحة انك ترضي والدك قبل تشتريها واستخير الله ..

مب شرط ان اللي معك فيها عيب ، يعني كل اللي ٢٠١٢ مليانه عيوب  
 
فليش تاخذ ٢٠١٣ 
وتدفع اكثر والسيارة ماتغيرت ؟ 
 
اما تاخذ ٢٠١٢ وتشيك عليها قبل تستلمها  
 
او تاخذ ٢٠١١ الشكل الاول تراني اشوف ناس تمدحها بالكرف بالحيل 
واسعارها  من ٤٠ 
الى ٥٤

زودها وخذلك سنوتا افضل مع ان الانتر ماشفت كثير يشتكي منها وممكن القياده لها دور للي يشتكون منها واكثر شي طقه في القير ممكن من القومات وادعس بقوه 

انت بنفسك قلت انه فيها عيب تصنيع وانا ولد خالي معاه 2012 لاعن والينها خطوط وكرف وساحب على ام الوكاله ولاعمره دخلها لنه ساكن فالديره وبعيييد عنها مره ويغير زيوتها عند البنشري وكل اللي سواه بنزين وزيت وماشي وكملت 20 الف الحين ... عشان كذه انت سيارتك الاوليه فيها عيب تصنيع ومن المعروف انه كل 50 سياره تصنع لابد يطلع منها كم سياره فيها عيوب تصنيع ... وقدا صارت معي في فيكتوريا 2009 مطلعها وكاله وانواع الخرابات بعتها واخذت ماركيز امريكي ولا شكى من شي فالسيارات حظوظ لكن اللي قاهرني فالانترا انه 63 الف ريال واخرتها مافيها ABS ولاهي سياره عمليه

انا اشوف ان السياره ممتازه
واذا لك حيله على الاكورد تراها سياره جباره

خذلك كورولا 2012 تكد   واحد من اصدقائي معه وحدة 2011 مشت 90 الف وتقول انها 
وكاله 

والله ياذيب أنا كنت بسوي سواتك لكن أنا اللي اشوفه إنك تسمع نصيحة الإخوان الإثنين اللي قبلي وتدبر لك دراهم من هنا ولا من هنا وتاخذ لك يا كورولا ولا اكورد ولا أي سياره ياباني وطع شور الوالد ولا يهونون الجماعه أصحاب الكوري والله يكتب لك الخير..

مدام جربتها وطلعت فيها عيوب .. خذ كورولا فل كامل افضل

صراحة كنت بقولك كل كلمة قالها شاقح 
اذا مرا ممسكة معاك خذ النترا ٢٠١٢ فل 
ياخي الفرق بس الاسم في الاستمارة ولاهيا هيا وشوف الدفعات الاخيرة
او خذ اكورد جبااارة لاكن الله يعينك ععلقطع 
وفي الانترا ٢٠١١ فل جبارة ومرا ماسكة سعرها
واذا مو داخلة مزاجك القديمة شوف الخيارات الي علمتك عليها
ويعطيك خيرها ويكفيك شرها هالمرة

شوووف يالغالي اانا معي الالنترا 2013 حاليآ .. ندددددددمت على شيء واحد بس اني مااخذتها فل كامل غير كذا والله سياره حلوه اقتصاديه شكليآ جدآ ممتازه من الداخل والخآرج مشكلتها خفيفه بالخط بس مب ذاك الزود يعني الطاره تقدر تثبتها بيد وحده والمشكله الثانيه العزل صوت الشارع لك عليه لكن هذه تعتبر مشاكل ثانويه ماهيب اساسيه الا اللي يعانون من الشيء هذا والله اني سافرت عليها للبحرين مرتين مشيت عليها 220 وياكثرهن هنااااااااك والله الى الآن ماشكيت من اي شيء حتى طقة القير ولله الحمد والمنه ماطلعت عندي .. والسياره منتشره كثثثثثثثثثثثثير عندنا بكل مكان تشوفها 

طيب اخوي ياريت تذكر العيوب الي ماقدرت الوكاله تصلحها ؟

عشان الكل يستفيد ؟

السلام عليكم
طبعا كل شخص له ذوقة 
بس في نظري حرام ادفع مبلغ حدود ال60 او اكثر
في سيارة فراملها ما فيهاabs
ولا فيها ارباق للراكب 

ولو تفكر في مازدا 6 تراها جيدة

الحين سار فيها اي بي اس وارباق للراكب..... انا شريت 2014 الشكل الجديد 2.0

سياره عمليه وقويه شوف الموزينات ماشيه 300000و 400000الف وكارفينها ليل نهار ماشتكت من شي بس زيت وبنزين ويكفيك الكرولا ماهي يابنيه مجمعه للمعلوميه بس وبتوفيق.