اعادة موضوعي السابق بخصوص تجربتي مع المازدا

28 29

لايمكنك التصويت حتى الحصول على 20 نقطة على الأقل
إضغط هنا للإخفاء

جون سيلفر -187
قبل 9 سنه و 5 شهر

السلام عليكم ورحمة الله وبركاته

صباح الخير على الجميع
وكل عام وانتو بخير واعانكم الله على صيام وقيام رمضان
الموضوع هذا سبق ونزلته وبعد مده قصيره حذفته وبعض الاخوان على الخاص طلبو مني انزل الموضوع وهذالموضوع مره اخرى بصيغه وصور جديده عشان تعم الفائده ان شاءالله

موضوعي تجربتي مع المازدا 6 2014 لمدة سنه و8شهور ماشيه للان مشاءالله لاقوة الابالله 80الف كيلو طلعت عيونها
هههههه

راح اتكلم عن مميزات واجابيات السياره واتكلم عن بعض النقاط واقيمها من 10 مثل مافعلت في موضوعي السابق عن الكلايزلر
بسم الله نبداء
كلكم عارفين مواصفات الاستندر تقريبا (بصمه - 6ايرباجات جنووط 17 )

راح اتكلم بالاول عن قوة السياره
وراح اعطيها 7.5 / 10
السياره محركها اربعه سليندر 2000cc يولد قوه 158حصان مع ناقل حركه 6سرعات
عزم السياره ليس سيئ لهذالحد قوتها معقوله وقد تكون غير مرضيه للبعض مع انو حبيت لورفعو قوة الاحصنه شوي كان افضل ولكن تبقى مرضيه لحد ما . قد لاتناسب شخص كان معاه قبلها سياره 6سليندر او8سليندر
الي متعود على 4سليندر راح تكون كافيه بالنسبه له
مميزات هذالمحرك اقتصادي جدا في الوقود مشاءالله الفل 33ريال احمر يمشيك 600كيلو داخل البلد بالراحه
ولكن ملاحظه عليه صوته مرتفع مثل سيارات الديزل ! هذي ملاحظه بسيطه انوه عليها رغم انه لاتعتبر عيب
الراحه 8/10
السياره جنووطه 17 ومريحه بشكل معقول واشوفها اكثر ليونه من الكلايزلر الي معي لان جنووطه كبيره ومقاس الكفر منخفض
اماالمازدا جنط 17 ارتفاع 55 يعطيك راحه وليونه بالخط
الامان 8.5/ 10
السياره مشاءالله ثابته في الطريق وشخصيا اول سياره يابانيه اسوقها تعجبني فيها رساوتها بشكل مقنع في الملفات
وفي الفرمله المفاجئه ممتازه القير يسوي معاك داون شفت حتى تفرمل السياره بسرعه حتى انه لدرجة فراملها تعجبني اكثر من الكلايزلر بشكل عام انامااثق في فرامل الامريكي كثير يعني لك عليه شوي
العزل والهدواء هذي مشكله صراحه وانااشوفها نسبيا تختلف من شخص الى شخص
وراح اعطيها 7/ 10
يعني شخص معاه مثلا بي ام ولامرسيدس بشوف عزلها سيئ وشخص قبلها كان معاه جيب شراع ههههههههههه اكيد بيشوف انوعزلها رهيب بالنسبه له
العزل مثله مثل السيارات الاخرى لايوجد هذاك الفرق مع الافضليه للعزل الارضي عن الكوري بكثير صراحه عندنا النترا صوت الكفرات تحسه عندك عزل المازدا الارضي جيد جدا وانعم من بعض سيارات وبالطريق في صوت هواء
لكن محبب ومعقول غير مزعج
التكييف مشاءالله حدث ولاحرج اسكريم الظهر
اماالسلبيات الي اشوفها
لايوجد حساسات بالخلف
لايوجد زرار من الداخل لفتح الشنطه يعني تفتحها بالريموت اومن الخلف
لايوجد بصمه من الخارج فقط تشغيل المحرك بالزرار
المحرك المفروض يكون 2400سي سي بدل 2000سي سي
الايجابيات بشكل سريع
راسيه مريحه سياره متماسكه للحين ماشاءالله ماشي80الف لايوجد اصوات في الديكور رغم انوشوارعنا مكسره ولااصوات بالاسفل السياره تشعر انو جودتها مرتفعه وفي مقارنات بينها وبين المنافسين في مواقع اجنبيه المازدا حصلت نفس النقاط هي والهوندا مع فارق بسيط للهوندا في تفوقها في التشطيبات الداخليه وباقي المنافسين سوناتا كامري فيوجن...الخ اخذت المراتب الي من بعدها
وسائل امان لاتوجد الافي الفئات الفل كامل 6ايرباجات وabsوجميع انظمة المانع للانغلاق والانزلاق موجوده كامله
اقتصاديه في الوقود
هذي المميزات والسلبيات في وجهت نظري مع مدة استخدام طويله وان شاءالله كافيه لاستخراج جميع العيوب
حقيقه الحمدلله لم تواجهني مشاكل فنيه الحمدلله رب العالمين كل شي على مايرام الى الان
وفي الاخير اشهد رب العالمين اني ان شاءالله اني مازودة في حق السياره بشي ولانقصة منها شي هذا كل راي وبكل حياديه والرائي الاخير هو للمقبل على الشراء
وبالختام نختم كلامنا بالحمدلله رب العالمين واصلي واسلم على اشرف الانبياء والمرسلين
نراكم في موضوع اخر ان شاءالله ولاتنسونا من الدعم بالاليكات عشان اجبلكم سياره اخرى ان شاءالله راح تكون كامري 2016 انتظرونا

إبلاغ

الردود