خارج السيارات كيف ابني بيتي بنفسي

اذا بنيت بيت اجور العماله ما بين 110 الى 160 .
مالك الا تنقل كفاله عماله ماهره عندها خبره .
------------------------------------------------
اذا جبت عماله جديدة = تحتاج معدات وصقالات واخشاب +سكن+سياره+استجار محل+تاشيرات+اقامات
تكلفك فوق 80 الف . اضف الى ذلك انت نفسك لا تملك الخبره في البناء والانشاء وفي النهاية لا يملكون خبره . بدل ما تصير مشكلتك البناء +المؤسسة الجديدة وفي النهايه تنقل كفالاتهم يعني خساير في خساره .
-----------------------------------------------
القريشات اللي عندك ابداء البناء فيها شوي شوي

ماتدري من وين تبدأ ؟؟ عز الله جبت العيد

صعبه تحصل

لان المؤسسه مابتمسك لك شغل البيت الا بعقد دورين فما فوق 

واصلا حتى لو حصلت مؤسسه تقبل تكمل لك نص الشغل وبعدين تكمل ما انصحك لان البناء  كل ماكثروا العمال كل ماكان بيكون الشغل سيء

وانا اخوؤك انا لما بنيت البيت . اخذت بنغالي مقاول من عنده العمال بس .. لكن مؤاد البنا انا اجيبها له من الاساس لين المفتاح . والمستشار الوالد الله يحفظه . هؤ كل شي من الصبه للاعمده للجسوؤر لكل شي ...
انا اشوف تسوي نفس الشي على الاقل شوف لك زميل لك بناء بيته واعطيه لين 20 الف وهو يشرف علي البيت  . والمواد عليك . بس العماله جيب لك مقاول وسوي زيي . اقل شي توفره حول 150 الى 200 الف اللي هي حق مكتب المقاوله .. 

الي فهمته تبي تبني البيت من خلال مؤسستك  اول خطوه تطلع سجل تجاري ورخصة محل ولازم يكون عندك محل  هذا اولا
بالنسبه للعماله افضل استقدامهم عن طريق مكاتب معتمده ومعروفه تجبللك عماله ماهره او تنقل كفالة عمال على مؤسستك
الشي الاخر مواد البناء هل عندك القدره على توفيرها ادوات كهرباء سباكه مواد بناء اخشاب حديد بلوك ...الخ لان  عندك مؤسسه انت وتقدر تعمر لحسابك الشخصي ولغيرك للمتاجره
اناحاس انك ماعندك عدم المؤخذه الخبره الكافيه والمشروع موبسيط احسن شي انقل عمال على كفاللتك وانت وفر  مواد البناء  راح تبني باقل تكلفه ان شاءالله

ما انصحك تتخذ هذي الخطوه الكبيره الا بمستشارين وخبراء وهذا يحتاج مبلغ ضخم 
اغلب الشركات في السعوديه وحتى في العالم تبدأ بدايه ضعيفه وصغيره 
وبدون رأي مال 
رجال مجمع له كم قرش ودخل في هذا المجال 
وكل ماله يتطور ويكسب خبره وشركته او مؤسسته تكبر وتكبر
لكن فجأه تضخ مبلغ كبير وبدون خبره في هذا المجال لا اتوقع النجاح لهذا المشروع
انصحك في الاستثمارات البسيطه الان وثم فكر بالكبيره
مثل حلاق ولا مطعم ولا فوال 

جيب لك مقاول واتفق معاه شغل يد بس والمواد عليك واتفق معاه 
كل ما دبرت فلوس اشتغل في البيت 
والتشطيبات انته تتقاول مع المليس لوحده والمبلط لوحده وتتسهل 
انشاء الله 

انا اشوف انك تشري بيت جاهز جديد ازين لك واريح لك 
لان بناء البيت وانا اخوك متعب 

شكرا لمروركم  وتفاعلكم
اراكم فتحت علي امور مغلقه 

بغير الفكره

ههههههههههههه خذها قاعده .... العمار دمار ..  مثلا حاط ميزانيه 300 . راح تجيك امور ثانيه وتطلع عليك 500 .. وثاني شي االكلام اللي قلته لك فوق امشي عليه .. يعني خذلك شخص واحد له خبره واعطيه فكرتك بتصميم البيت  . وهو عليه الاشراف فقط .. لانك لو تسمع لفلان او علان . راح تكثر عليك الافكار وهذا يقولك سوي كذا وسوي كذا وبتضييع معاهم   . والله يوفقك

شف اخوي انا لسى مخلص بيتي 
وابني بيت لاختي 
المهم سعر العظم مصنعيه يعني ( المقاول عليه النجار والحداد والبناء) ب110 ويشييل بعض الصبات 
انت عليك المواد سعر الحديد نازل ب2300 لجميع المقاسات حتى ال16 ملم 
البلك نازل 
ددور لك مقاول فاهم ولاتبدأ الا بعد ماتختار المخطط بشكل نهائي واتكل على الله 
اتفق مع السباك والكهرباءي وغالبا اسعارهم ب14 الف للكهرباء او السباكه والافضل تاخد واحد يعرف للاثنين كهربا وسباكه 
السباكه حط المواصير الثقيله للمجاري عزكم الله والتمديدات خضراء مع ضمان الشركه تختبرها قبل اللياسه وتضمنها لك 
ابعد عن المقاول المصري والسباك المصري ثم الباكستاني 
عليك بالمقاول السوري والسباك هندي ثم بنغالي 
وبالتوفيق

صديقي استخسر الفايدة للمقاول و قال انا اولى بها

بنا بيته بنفسه و اخذ بناء خمس سنوات و نص بدل سنة 

و صديقي الثاني قاعد يبني بيته و صار له أكثر من 3 سنوات و بعده ما خلص


نصيحة عط الخبز خبازه 

نصيحة من مجرب نقلها لي وتوفير لك مبلغ لذا انت جديد ب البناء عطرالمقاول ب العظم فقط مو على  المفتاح وتكلفة المتر للعظم 400-500 ريال  والتشطيب انت تجيب عمالتها وحبة حبة زي ما قلت 

شوف الاعلان هذا وان شاء الله يفيدك فيه معلومات ممتازة جدا 
رقم الاعلان   6445833