أضف سؤال أو موضوع جديد          

تعالوا نتكلم عن نصبات الورش

up 7 down 7
cobrax -83
قبل 6 سنه و 10 شهر



سلام عليكم و رحمة الله و بركاته 




نبي نتكلم عن اكثر نصبات الورش اللي يضحكون
فيها على الناس في هذا الموضوع عشان نفيد
و نستفيد .. 

شخصيا قد انصب علي اكثر من مره رغم اني حريص
و اروح اكثر من ورشه قبل ما اقرر اصلح اي عطل 
في سيارتي .. لكن للاسف الخيانه و الغش هو طبع 
اصيل في اغلبية من يعملون بالورش 

ابدأ : 

- عطل ان السياره يصير تعشيق القير العادي صعب
و عزمها ضعيف .. اول شيء تشك فيه هو علبة زيت
الكلتش قبل اي شيء .. و كثير من الورش ممكن 
يقولون بدل صحن الكلتش 

- عزم السياره ميت .. تبدل البواجي و اسلاك البواجي
ايضا قبل ما يشككونك باي شيء ثاني .. و اتذكر مره
كان عزم السياره ميت و احد الورش طلع البواجي
و نظفها و رجع العزم 

- اذا خرب عليك الدينمو اغلب الاحوال انها فحمات
الديمنو و كثير من الورش ينصبون على الناس و 
بطلبون تغيير الدينمو كامل 

- في عطل بالسلف ما يكلف تصليحه 20 ريال اغلب
الورش يطلبون فيه تغيير السلف لانه خرب وهم 
نصابين .. صراحه نسيت اسم العطل


شاركونا تجاربكم .. 










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


في عطل ببكرة الكمبروسر تبع المكيف ويطلبوا تغيير الكمبروسر كامل


up 3 down 2
hazemnabil 69
قبل 6 سنه و 10 شهر



كل النصب هذا بسبب انعدام الرقابة

والمسؤولين طال عمرهم اذا سياراتهم خربت ما يشيلون همها. عندهم الوكالة او تلقاه عنده بدل السيارة ١٠ سيارات

بينما لو خرب عليه شي واضطر يروح الصناعية وقتها بياكل تبن ويعرف ان الله حق وبعدها يتم تطبيق رقابة على الميكانكيين في الورش

وسلامتكم


up 2 down 4
tareq_talli1 1539
قبل 6 سنه و 10 شهر



 تجربتي في وزن انوار الزينون 
معي كامري 2001 شمعاتها معدومة شريتلها من التشليح شبه جديدة المهم قلت بركب زينون وعدسات عشان تكون افضل إنارة المهم رحت الغرابي وشفت النصب: 
1- يوم عرفوا اني انا بركب الزينون قالوا ما نضمنه لك لازم حنا اللي نركبه وركبتها بنفسي 
2- ركبت العدسات والزينون وبعد ما ركبته صار النور مايل بشكل كبير رجعت للبائع قال هذي مشكلة بعض السيارات ما اسويها ما فيه اللى واحد يعرف لها متخصص وزن رحت له شيك على اللمبة قال راكبه صح وطلع ان المشكلة في خانات لمبة الشمعة اللي على شكل ثلاثي شكلها مايل ويبيلها فك ونحت وبرد حتى تلف العدسة وتصير بشكل أفقي ويضبط النور يبيلها شغل ساعتين وبتكلفك 400 ريال 
قلت اي هين كلمته لصقت في راسي والله واروح البيت وافك الشمعات وابدا افكر كيف أوسع الخانات وأقوم وأجيب سكين خضرة وأبدأ أقص الفتحات وشوي شوي وأركبها بدون قزازة وأوزنها على الجدار لين ضبطت معي

والحمدلله لا 400 ريال ولا يحزنون.  
 


up 11 down 0
ابو عبدالله الأول 260
قبل 6 سنه و 10 شهر



ياخي والله العظيم غبنة يجي واحد يستهبل عليك معروفة اجاباتهم ياتوضيب يادينمو ياكمبرسر جديد وياخذ قطعك الاصلية ويبيعها حلوة ذي انا انصحكم اي قطعة في موترك تغيرها لاتخليها عند العامل على الاقل بعها حديد استفد منها


up 2 down 1
ahamd9477 119
قبل 6 سنه و 10 شهر



ياخي والله العظيم غبنة يجي واحد يستهبل عليك معروفة اجاباتهم ياتوضيب يادينمو ياكمبرسر جديد وياخذ قطعك الاصلية ويبيعها حلوة ذي انا انصحكم اي قطعة في موترك تغيرها لاتخليها عند العامل على الاقل بعها حديد استفد منها


up 3 down 1
ahamd9477 119
قبل 6 سنه و 10 شهر



الورش كلها ورش نصب و احتيال على المواطن انا رحت بشيك على ميزان سيارتي فرفع المكنيكي السيارة و بعدها بلش يعد جلد مقصات و جلد بدي و عمود توازن و جلد توازن و ذراع شاص و ذراع دركسيون و ..... الى اخره و الحمدلله رحت لعند واحد ثاني و ما طلع فيها شي غير مساعدات و مسامير توازن 


up 1 down 1
001 يحيى الخطيب 136
قبل 6 سنه و 10 شهر



هذا الموقف حصل امامي في شخص من جنسيه عربيه جالس يصلح فورد متعطل على الطريق واشوف يحوس بالكبوت فاقلتله يابو علي في زر بالكبوت للفوردات اضغطه وتشتغل السياره قالي اسكت خلني اترزق فابعض الحراميه لاعندهم لاذمه ولاضمير


up 2 down 1
عاش بو علي 500
قبل 6 سنه و 10 شهر



كان معي ماركيز 2003 وفيه نفضه خفيفه  في القير في بعض التغييرات

رحت لأكثر من ورشة وكلهم قالوا بثقة : توضيب قير

بعدها فحصت كمبيوتر وقالي توضيب

غيرت زيت القير مع الفلتر واختفت النفضه

طلع كل الموضوع اني حاط زيت قير نوعه مايناسب قير سيارتي

وبعد ماحطيت الزيت المناسب انحلت المشكلة

للأسف الورش عندنا يستغلون جهل المواطنين بالميكانيكا

ويوهمك ان الشغلة كبيرة ومكلفة وفي الحقيقه يكون شي بسيط


up 1 down 1
محمد الشريف 03 206
قبل 6 سنه و 10 شهر



المكيف ما يبرد هذي حليتها بالفريون الأصلي فقط .. 


up 0 down 1
cobrax -83
قبل 6 سنه و 10 شهر



عندي صابونه خرب القيروصارمايعشق لاقدام ولا ورا رحت 
لمحلات الجربوكس زي تستاروشبيهاتها وكلهم يقولون القيرجاوب
لازم تغيرولاعندهم الا تجاري بعدها نصحني جاري وقالي 
جرب تغيرالفلتروالزيت ًغيرتها والحمدلله له رجع زي اول وأحسن 
وله الان أكثرمن سنه


up 1 down 0
القنه -1
قبل 6 سنه و 10 شهر