قصتي مع مماطلة التامين التعاوني سايكو

10 10

لايمكنك التصويت حتى الحصول على 20 نقطة على الأقل
إضغط هنا للإخفاء

sarrar 130
قبل 9 سنه و 5 شهر

السلام عليكم ورحمة الله وبركاته

في البداية أشكر الأخ ابراهيم التركي , استشرته بكذا شغلة بداية الحادث ولا قصر 

الحادث صار قبل 46 يوم وتسعيرته 48 الف قطع وشغل وكاله
 وبيومها سطحة شالت السياره ودتها للوكالة وهناك بنفس الليلة تشلحت الوجهية كاملة ومثبته بمحظر شرطه
 بقيمه 13 الف قطع وكاله وشغل وكاله

السياره  2015 مملوكة للبنك الأهلي والخطأ علي 0 %  

سلمت الوراق للتامين سايكو تاريخ 25/05/2015

يعني قبل اكثر من شهر ومن يوم سلمت الأوراق لين اليوم لاعاينوا السيارة ولا فتحوا اوراق السيارة ..؟

راجعتهم كذا مره والمدير كلام عسل وهالاسبوع تخلص اوراقها واخر شي ماشفنا شي . كلمت البنك الأهلي وقلت الاقساط ماشية والحين علي قسطين والسياره واقفه ؟ 

قلت السياره مملوكه قانونياً لكم والتأمين انتوا الي مختارينه موب انا .. واخر شي التامين مايبي يشتغل موب مشكلتي ولاني مطراش شهر كامل اراجع لكم ؟؟؟

اخر شي قدمت شكوى لمؤسسة النقد sama على التامين انه مماطل . وشكوى ثانيه على البنك انه ماتابع مع التامين الي مختاره وفي نفس الوقت ماوقف الأقساط دام الشغله خذت اكثر من وقتها بزياده

ولاول مره اتصل المكتب الرئيسي للتامين علي يستفسر ليه مشتكي ووعد خير ؟ 

ملاحظه /

في بنود عقد التأمين . 

1- الزاماً يتم معاينة السياره خلال اول 3 ايام عمل  والحين لهم 32 يوم محد راح الوكاله يعاينها !!

2- يتم انهاء المطالبه خلال 15 يوم هجري وبعدها يحق للعميل المطالبة بجميع التكاليف والخسائر التي تكبدتها بسبب تأخر انهاء الاوراق 


الحاجه الأخيره السرقه الاولى مثبته بتقرير شرطة . لكن اخر زياره لي اكتشفت سرقات ثانيه ومكلفه ومابلغت لأن السياره بعهدة الوكاله بورق رسمي 

التكاليف الي خسرتها لحد الآن من ورا مماطلتهم ( قسطين + قيمة سيارات اجار ) 

وقت التعويض ان حصل بيندفع بسكات ولا بيكاسروني وينزلون منه ؟؟ مع ان كل شي بفواتير رسميه

وسلامتكم

إبلاغ

الردود