الفحص الدوري والورش الخارجيه

11 3

لايمكنك التصويت حتى الحصول على 20 نقطة على الأقل
إضغط هنا للإخفاء

ابو سعود629 4707
قبل 9 سنه و 4 شهر

اسعد الله مسآآكم بكل خير .. والله يبلغنا واياكم العشر الاواخر وحنا بأتم صحه وعافيه .. 



ندخل بالموضوع .. اشوف كثير ينزلون مواضيع عن الفحص الدوري وش يهتمون فيه علشان تنجح السياره .. 



دآآيم لمن تجي بتدخل سيارتك الفحص حاول انك تروح لهم على آخر دوامهم يكون دآآيخ ويمشيك سريع سريع ولا يدقق كثير 



وغير كذا مايكون فيه زحمه .. فيه حاجات بديهيه ومعروفه انها ترسبك بالفحص لكن انا ابتكلم عن اهم الاشياء اللي كثير يغفل عنها وقد حصلت معي منها : 



- صواميل الكفرات لو كانت وحده ناقصه راح يرسبك .. وقد صارت معي بكابرس 2008 كل حاجه نجح فيها والمشكله اني نافض السياره نفض قبل اوديها الفحص لكن بسبب هالصاموله رسبوني .. 


طبعا رحت للمحلات ماعندهم ورحت للبناشر اللي بجنب الفحص وماعندهم نفس الصاموله ياتجي كبيره او صغيره وماتدخل .. قلت مالك الا تركب الكبير وتحط بداخلها كلينكس تثبتها مؤقت ههههههههه 


وفعلا دخلتها ثانيه ونجحت على طول بس عاين الصاموله وقال توكل .. 



- بعض العماله الفلبينيه اذا ماشاف شيء يرسبك فيه يقوم يبخ على المساعد حتى لو كان فيه نص عمر ويمشيك بس كذا عباطه فالحل انك تروح للورش الخارجيه وتلمع مساعداتك عندهم وترجع جديده وبكذا تمشي بالفحص بس انتبه لاتروح لنفس المسار اللي رحت له من اول 



- بعضهم يسأل يقول انا مركب زنن ومركب عدسات هل ترسب ؟؟ لا بهذي الحاله تمشي ولا فيها اي اشكالية ..



- الجلنط ثم الجلنط .. هو اكثر شيء جاب فيني العيد يكون ضعيف ومايمسك صح ودايم يرسبوني فيه حاول تشده قبل تروح يعني بالكثير 4 طقات وهو موقف السياره صح 



- احيانا يدقرون لك على المراتب يشوف فيها شق ويرسبك لذلك حاول تشوف لك تلبيسه او ترقعه المهم انها ماتبان .. 



- التظليل مايقولون عليه شيء وحتى  لو كان 02 .. وكذا سياره افحصها وهي مظلله ولا قد رسبوني عليها ..


- البوري وما ادراك مالبوري اغبى حاجه ترسب فيها السياره وكثير يغفلون عنها احيانا لو شاف صوت البوري مزكم يرسبك وقد حصلت مع واحد شفته عند الورش الخارجيه يقول رسبني علشان البوري مكتوم !!!! 



- احيانا يدقر لك على انوار اللوحات , طبعا اذا كان مروق بيستعبط عليك فيها وبيرسبك .. :)



طبعا اول ماتطلع من الفحص الدوري بتلاقي فريق مكون من 30 لاعب والطقم حقهم الوان واشكال تحس نفسك داخل ملعب كلهم يجتمعون حواليك يبغون يصلحون سيارتك ههههههههههههه 



طبعا انا فيني عاده من يقول لي تصليحها ب 100 اقول له ب 20 تبغى ولا اشوف غيرك .. واللي ب 200 اقول له 50 وهكذا .. وهذا حقهم بالاساس لذلك لاتعطيه السعر اللي يقول لك عليه ابدا ابدا .. واغلب العاملين بهذي الورش غير نظاميين علشان كذا تشوفه يرضى بأقل القليل .. كلامي هذا ماهو استحقار او حسد لرزقهم لكن حدث العاقل بما يعقل :)7


واذا فيه حاجه نسيتها يذكروني فيها الشباب 

إبلاغ

الردود