وصول دفعه باجيرو سياحي 2016للعيسائي

يليت تكمل معروفك وتكتب سعره

الى الان مانزل سعره بالجهاز عندهم توه واصل المستودعات باقي حتى 
ماعرضوه

ماتغير الشكل
لكن جميل القير العادي على المكينة الكبيرة 

نبي الأسعار ضروري 

اتوقع سعره ما يزيد عن ال 90 الف 
خسارة هالسياره ما لها سوق بسبب وكيلها التعبان و الفورشنر 
المخيس تجده بكل شارع وهو هايلكس مصندق و مكينه خياس

Cobrax ماعليك الفتره هاذي الباجيرو انتشر بشكل واضح 

ولو تركز فالشوارع بتحصله

من شكل جنوطه و اظن الكلمه اللي جنب الاستبنه GLS
يعني مكينه 3.5 و هو كان ينزل قير عادي بالمكينه هذي
موديلات 07 - 08
على كل حال انتظروا باجيرو سبورت 2016
لعل و عسى انه يكون بالشكل و الصرفيه افضل

يابو نجوى في قطر ينزل 3.8 استاندر واعتقد هذا نفس الكلام

ألحين بعرف وش هي الستارة الخلفية

خلاص يا معالم 
اذا كان مثل كلامك
ابشري لك واحد هههههه
 للحين ودك ترجع للباجيرو و ذكريات الباجيرو
ما ارتحت مع غيره من السيارات

يابو نجوى ترا سيارتي باجيرو ههههه وناوي على 2016 ان شاء الله

ابو صالح555 

الستارة الخلفيه يقصدون فيها الستارة الي فوق الاغراض فالشنطه

غالبا تشوفها فالرنج مدري اذا فهمت علي او لا

ياسلام 
على كم الاسعار 

الله يسعد صبااحكم وجميع اوقاتكم 
انا اول ما قريت الخبر والله انبسطت ..كنت من مستخدمي باجيرو 2006 3.8 لمدة 3 سنوات
والله انه سياره جباره وعمليه.ولكن بعته وحاليا ادور لواحد قير عايدي. بس للاسف تواصلت مع مدير المبيعات ف عسير بوكالة العيسائي
وقالي مانزل مننه قير عايدي من موديل 2008 صح فيه سووح يسمونه "بوليسي" بس كلها قير تماتيك.
وبتجيهم دفعه بعد رمضان خاصه بالاتصالات والبلديه سوح قير تماتيك.
واتمنى ينزل منه قير عايدي والله لأطقلي بواحد .
فحبيت ابينلكم الموضوع.وسلامتكم.
وكل عام ونتم بخير.

جزاك الله خير يا معالم التقنية
ايه نعم فهمت

لازم نعرف السعر اتمنى اي احد يعرفه يبلغنا

خلوها تصدي 3800 موديل 2016 فل كامل ب 125 الف العسائي و عند الحبتور ب 102 و بمعارض الرياض 118 تقريبا 
السياحي المفترض هذا سعره 55 بالكثير 60 

ماشاء الله الصور ذي من تصويري ... وانتشرت ... شكل السياحي له محبين واجد وعقبال ماتجيبه المعارض من الخليج

وللمعلوميه والتصحيح الجير تماتيك وليس عايدي