أختبار القيادة على خلق الله

صدقت ..... ديننا يحثنا على الاحترام وعدم الاضرار بالغير واحترام الوقت والجار والحقوق وحفظ النفس ونسمع ونتطبق ونصوم ونصلي ومع ذلك كله نشوف الغرب هم من يقومون باحترام القانون والجار والانفس .... وين المشكلة بالضبط..... لاننا ماخذين الدين عادة وليس عبادة ولابد من التطبيق على ارض الواقع ونظام المحاكاة والتلقين مايفيد ابد

الشوارع عندنا صارت زي ساحات الحرب القوي ياكل الضعيف 
وتطور الوضع اكثر وصار نسبة كبيرةجدا من الناس يسقط عليك في اي لحظة بون مايتعب عينه يشوف المرايات و اذا كلمته زعل عليك وعصب 
والبعض ينتحر بمعنى ان حياته تكون في يد الله ثم في يدك اما توخر عنه ويعبر او تتجاهله وتصير مجزرة 
هذا غير اللي يقفلون عليك الطريق اقصى يمين صار يعتبرون نفسهم نظاميين والمرور مطنشهم 
يعني باختصار شوارعنا ساحات ارهاب وتطبيق الأنظمة والمرور معدوم

اكره شيء تتخيله عندي وهو المطبات غير المرئيه ، تمشي بأمان الله  وسط حاره او حتى بعض الاحيان شارع عام ما تدري الا انت طاير انت وسيارتك وضرب الوجهيه بالشارع بسبب هالمطبات غيرت عكوس والمساعدات والان المساعد يسار مندمر يشهد الله اني لي ٣ شهور وانا ادفع قيمت العكوس والمساعدات ، الله يجعل من يحطهن وخاصه الكبيره وسط الحواري المظلمه لشلل اللهم لا تجعل له رايه واجعله لمن خلفه عبره وايه اللهم امين بشهر الفضيل 

ههههههه اما ابو عبدالله شكله منقهر

موضوع تشكر عليه فجزاك الله خير وأنا دائما أعاني من حقين الكابرس التسعين والموديلات القديمه إذا شفتهم أنحاش عنهم هههههه الله يهدي الجميع

عندنا بمكة خصوصا هالفترة شيء اسمه ارهاااب وحرب شوراع
من الباصات او من السيارات الصغيرة 
الناس متصربعة على ايش ماتدري 
بيطيرون يالله ياكافي ولافيه اي اخلاق 
مدري الصلاة والصوم المفروض يهذب اخلاقهم لكن صلاة بعضهم وصيامه لم يؤثر فيه لأنه لم يؤديه على الوجه الصحيح
همسة " اخوكم في الله مايحب السرعة وسواقتي مثل سواقة الشياب رغم اني شاب وهذا فضل من الله وله الحمد 

يارجال والله اني كاره القيادة خلاص من الناس عديمة الاخلاق 
حفر مطبات ورعان تسوق تريلات متهورة شوارع مقفلة تحويلات حفريات غشامة السواقين الجدد 
الزحام كثرة الناس التخطيط اللي ما ادري وش يبي للشوارع المواقف الخاطئة التجمهر لاتفه الاسباب مما يؤدي لاختناقات مرورية 
توقف في محلات عامة ترجع تلقى فيها حكه من الغشم
و المروووور الراقد اللي يجيك ما يتقوى الا على التظليل 

للأسف فيه عندنا بالشوارع ناس تقول يهود , وخاصه بالخطوط . يعني يشوف معك سياره صغيره ويالله يالله تشيل نفسها وتجي انت بتتجاوز 




ويجيك هو طااااير ومقلع ولا يحسب حساب هالشيء ولو ماوخرت عنه اتوقع بيعدمك انت وسيارتك .. طيب تخيل ان اللي تكشح له من بعيد اخوك او ابوك او قريب لك وتسببت في وفته بتهورك بيرضيك !!!



انا معي اكسنت للامانه احيانا اكون ماشي بالخط 170 رغم ان السياره ماتساعد وفوق كذا اشوف ددسن قديم او كورولا قديمه تبع عمال بيتجاوزون ما اكبس لهم ولا شيء افك رجلي عن البنزين لحد ما اوصل عنده اخليه على راحته لاني مجرب هالشيء 



قد استخدمت كابرس من فتره ومعروفه مكينته تطربك تدعس وماتحس انك ماشي .. فيه سيارات اشوفها تتجاوز ورغم اني مسرع لكن اخليه يتجاوز على راحته ولا ازعجه .. لانك ماتدري اللي يسوق فيه ضغط او سكر او كبير سن او مايشوف زين .. لاتفكر الناس كلها مثلك بصحه وعافيه 



والله كلامي ماهو ادعاء للمثاليه لكن اللي اشوفه يوميا بالخط شيء غريب عجيب وكأن اللي قدامه يهودي ماهو مسلم !!

من صار التأمين إلزامي ما شفنا خير، حتى الأجانب صاروا مستهترين

انا من جيزان صح تعبتنا المطبات ولكن اصحاب الهلي والكوامري هنا تقول مضمار سباق والله والله والله ماتدري عنه الا شاطفكـ على 200 وانت تحس قلبك طاح من القزاز ...


اما لما انزل جده عند اهلي السيارة ماتتحركـ الا في النادر السبب اصحاب السيارات القديمة ( البعض ) وخاصة في الدوارات والسبب الاكبر لهذه المشكلة الاهل واصدقاء السوء المعززين للورع

ياشيخ قلبت مواجع قسم بالله ان جاك مشوار بعد العشاء او في العصر هذي الوقتين بالذات تكره نفسك فيها زحمة وناس معصبة وناس بس مستعجلين ماتدري على ايش وقرف,, انا اقول لو فيه مترو قسم بالله اوقف السيارة وما احركها إلا وقت الضرورة بس وش لي بالهم بس مافي لا مترو ولا فيه بديل لازم سيارتك ولا تاخذ تكسي والسالفة نفسها سواء بسيارتك ولا بالتكسي واقف بالزحمة واقف ومرتفع ضغطك مرتفع

تدري وش القهر بعضهم اذا سيارته قديمه يوقف جنب سيارتك لو يحصل جنبك موقف جحر نمله وطير بويه جنب موترك واذا مشى بالشارع عاث بالارض فساد يدور الخطأ لاجل ياخذ تعويض او حقد واذا مشى وراك ملزق ماعنده مشكله يصدمك راس مالها يطلع البطاقه حقت التامين وانت تقديرات وورش وشموس وبهذله وملعون الرقبه ماعليه ودك التامين بنسبه يعني اكثر من 2000 ريال تدفع الشركه ومااقل تدفعه انت يخلي الشعب يعقل شوي مثلا حادث قيمته 5000 الاف انت تدفع 2000 والشركه تكمل المبلغ الباقي