أضف سؤال أو موضوع جديد          

ظلم المرور لي .. حسبي الله و نعم الوكيل

up 21 down 11
cobrax -83
قبل 6 سنه و 10 شهر



السلام عليكم و رحمة الله 

قبل فتره صدمتني سيارة من الخلف و كنت واقف 

عند اشارة في مدينة ابها .. سيارتي اكسنت 2004 

و سيارة الطرف الاخر فورنر قديمه يسوقها هندي 

.. و بسبب انه كان مسرع رفضت اسامح و العسكري

في قسم الحوادث في مرور ابها يبي يصرفني يقول 

سامح و السياره قديمه رفضت اسامح و قال جيب ورقة

تقييم اصلاح و طلعت ورقتين و التصليح يكلف اقل 

شيء 4000 ريال و العسكري بدا يتملعن علي يقول 

سيارتك ما تسوى 4000 ريال و سامح و مدري وش 

المهم انه بالنهاية اتفق مع الهندي على 2000 ريال 

و قال اذا ما تاخذها ترى قضيتك بتطول و تاخذ 

وقت و بعد اخذ و رد اخذت 2000 ريال و وقفت 

السيارة لان الفلوس ما تكفي تصليح و ما اقول الا 

حسبي الله عليهم في اخذ فلوسنا بالباطل و ساهر 

شغالين صح لكن اي شيء في حق لي تبدا المماطله 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احس جهاز المرور عندنا من افشل الاجهزة،،،،،لا الشوارع منظمة ولا رادع للمتهورين اللي يفحطون ويقطعون الاشارات،،،،،ماغير ماسكينا على تظليل ودعاميات وستيكرات زينة

واذا راجعتهم القسم اخلاقهم تخليك تكره السيارة والسواقه وتكره نفسك


up 26 down 4
tareq_talli1 1539
قبل 6 سنه و 10 شهر



ليش تتنازل؟؟؟ كان مارضيت 


up 15 down 1
bandara 1134
قبل 6 سنه و 10 شهر



ما يقدر يغصبك تتنازل 
كان قلت ما عندي فلوس اصلحها


up 10 down 1
theadaaq 287
قبل 6 سنه و 10 شهر



طيب وش دخل المرور تقول ظلمك كان ما وافقت واصريت علی المبلغ الخطا منك


up 8 down 3
ابوخلوودي1 5070
قبل 6 سنه و 10 شهر



يتضح لي من كلامك ان العسكري ضغط عليك وخلاك تتنازل وقد يكون ذلك بسبب معرفه مع كفيل الهندي
واسمح لي اقولك انت غلطان ليش تتنازل وماراح يقدر يسوي لك شي الا انه ممكن يأخر معاملتك شي بسيط
مايأثر عليك
نحن في زمن لايحترم فيه الا الاقوياء
خلك قوي وطيب في نفس الوقت وبكذا تكون مهذب وفي نفس الوقت تحصل على حقك كامل


up 19 down 0
أأبو نوااف 1641
قبل 6 سنه و 10 شهر



عفواً هل الحادث قوي عشان تتأثر السيارة بالقوة هذي؟
يعني تبي تقنعني أن 2000 ريال ما تكفي تصليح سيارتك؟ خويي صدم من على جنب راحت الرفرف وبابين على اكسنت 2010 كلفه تصليحها 2300 وبابين من التشليح وطلعت السيارة من أفضل ما يكون...
وكيف عرفت أن السيارة ما تكفي التصليح؟؟


up 3 down 17
acura 3755
قبل 6 سنه و 10 شهر



عاد المرور كله الله يصلحك هههههه 
انت متنازل برضاك .. 
شخص واحد ضغط عليك .. 
صار المرور كله 
الله يعين على هالشعب المتحلطم بالليل والنهار


up 6 down 18
faisal_fahd -66
قبل 6 سنه و 10 شهر



نعم الحادث قوي عدم الشنطه كامل مع الصدام 


up 6 down 1
cobrax -83
قبل 6 سنه و 10 شهر



الحمدلله ع السلامه اخوي 

اشتر القطع تشليح وركب ورشها م تكلف شي اذا شنطه وصدام بس

وبالتوفيق 


up 1 down 1
ابوسعــــود 233
قبل 6 سنه و 10 شهر



نزل صورة للسيارة بعد الحادث حتى يكون النقاش بوضوح لأن الاكسنت من هذا الموديل متوفرة في التشاليح خصوصا الضربة من الخلف واكيد بتلاقي ربع خلفي ومع التركيب بيكون السعر مقبول


up 1 down 1
أبو عبادة 4852
قبل 6 سنه و 10 شهر



الله يعوضك اخوي انت تتازلت لو صبرت شوي صدقني بتاحذ حقك كامل ولو وقفت قدامك اقوى واسطة ارفع يدك لرب العالمين ما راح يرد مظلوم

كنت شغال في نجم المهم الحادث اللي الطرف الغلطان فيها ما عنده تأمين و الطرف المتضرر لم يتنازل يعمل لهم تقرير و يحولو للمرور 
الغالبية كانو يتفقو و اسوي لهم تنازل كله عشان لا احولهم ع المرور يعرفو تعامل المرور و مماطلتهم 
يعني رحت مره اطلع برنت عشان رفعت حادث ونسيت معلومات بسيطة المهم جاء واحد متضرر و العسكري تعابط معاه المهم قالي شوف الحادث التخطيط و احكم 
طلع ما عنده سالفة الحادث تقاطع و فيه افضلية بحكم الشارع يعني مو فاهم ولا عارف نظام المرور نفسه وليته جندي بل رقيب اول و قديم مبين عليه 
المرور غير مؤهل و غير ملم فكيف تبيه يكون في افضل حالاته اسؤا قطاع في الدولة بلا منازع طبعا هم ة همج المخدرات و المباحث مع بعض اللي يداهمون الناس كنا في العراق حسبي الله

انا من الناس اللي اوراقي كامله و مالي اي احتكاك بالمرور 
و اغلب حياتي سفريات بحكم اني مخلص دراسه ولا اعمل للاسف 
و فوق ذا تهرب منهم تطب في همج امن الطرق و كلهم سواء 

يعني يدخل دورة الامن العام 11 شهر يوقفونه في شمس و يا لوح و يا بوسطار هذا تعليمهم 
و يطلعون يوزعونهم لا تعليم و لا تطوير ولا تقبيم اداء 
دولة ماشيه بالدف




up 15 down 3
rraammooss 965
قبل 6 سنه و 10 شهر



وين الضلم انت متنازل ورضيت باالاالفين ريال
الااذا هم موقعينكً باالغصب



up 3 down 3
باترول 2020 2623
قبل 6 سنه و 10 شهر



والله يابن الحلال ... ودي اتعاطف معك بس غلطك وانا اخوك
مين هو علشان يتفق مع الهندي ويحطك قدام الامر الواقع !!!
انت راعي الحق يتكلم نيابه عنك ويتفق مع الهندي ليه !!


قالك شغلتك بتطول خلها تطول التعب ولا الغبينه

معوض خير واذا صارلك موقف زي كذا ثاني صور الحادث وخذ رقم الدوريه وخذ رقم تقرير الحادث
وبتاخذ حقك بالنظام





up 3 down 1
als7aimy 1176
قبل 6 سنه و 10 شهر



الحمد لله على سلامتك
 وبالنسبة للمرور المفروض ما تتنازل وتقول للعسكري مالك دخل اتنازل او لا
واذا قل ادبه عليك
      اخرج من المكتب واطلع على الضابط وقله السالفه
صدقني راح تاخذ حقك قدامك من العسكري الخايس


up 2 down 0
t o m a h a w k 761
قبل 6 سنه و 10 شهر



المفروض في مثل هذه الحالة تتصل على حقوق الانسان بمكتب مدير الأمن العام ورقمهم (0112928888) وتعلمهم السالفة 

كاملة وهم يطلبونك تكتب ملخص ما حدث وترسله لهم على رقم فاكس بيزودك به وهم يتواصلون معك فيما بعد ، وإذا لك 

حق بتاخذه إنشاء الله ، وهم بدورهم يتصرفون مع العسكري التصرف المناسب ، والله أعلم . 


up 4 down 0
رعد 4 3254
قبل 6 سنه و 10 شهر



المفروض ماتنازلت اللي يهديك كان طالبت بتعويض بعد اذا كان القانون يسمح اصلخه بالتعويض


up 1 down 0
ahamd9477 119
قبل 6 سنه و 10 شهر



ب ٢٠٠٠ ريال يمديك تصلحها انشاء الله 
دور خلفية بالتشاليح وروح عند اي ورشة
اهم شي عندها فرن اذا يهمك
ولا بيعها تشليح وبتجيب لك حول ٢٠٠٠ - ٣٠٠٠ 
او قطع غيار انت فك القير والماكينة والواجهه وبيعهم 

أسعار النظيف من هذا الموديل ماتوصل ٧٠٠٠ 
اذا كان فيه نظيف 

بس معليش هم ما ضلموك انت اللي وافقت من نفسك 
الله يعوضك خيرا منها 


up 2 down 2
fasool95 317
قبل 6 سنه و 10 شهر



وش دخل قيمة السيارة ٤الاف و الا ٥٠٠ ريال..المهم اسعار القطع وشغل اليد او التسعيرة تبعك و اذا ماطل معك اشتكي عند مدير المرور


up 0 down 0
chevrolet zr1 610
قبل 6 سنه و 10 شهر