ظلم المرور لي .. حسبي الله و نعم الوكيل

احس جهاز المرور عندنا من افشل الاجهزة،،،،،لا الشوارع منظمة ولا رادع للمتهورين اللي يفحطون ويقطعون الاشارات،،،،،ماغير ماسكينا على تظليل ودعاميات وستيكرات زينة

واذا راجعتهم القسم اخلاقهم تخليك تكره السيارة والسواقه وتكره نفسك

ليش تتنازل؟؟؟ كان مارضيت 

ما يقدر يغصبك تتنازل 
كان قلت ما عندي فلوس اصلحها

طيب وش دخل المرور تقول ظلمك كان ما وافقت واصريت علی المبلغ الخطا منك

يتضح لي من كلامك ان العسكري ضغط عليك وخلاك تتنازل وقد يكون ذلك بسبب معرفه مع كفيل الهندي
واسمح لي اقولك انت غلطان ليش تتنازل وماراح يقدر يسوي لك شي الا انه ممكن يأخر معاملتك شي بسيط
مايأثر عليك
نحن في زمن لايحترم فيه الا الاقوياء
خلك قوي وطيب في نفس الوقت وبكذا تكون مهذب وفي نفس الوقت تحصل على حقك كامل

عفواً هل الحادث قوي عشان تتأثر السيارة بالقوة هذي؟
يعني تبي تقنعني أن 2000 ريال ما تكفي تصليح سيارتك؟ خويي صدم من على جنب راحت الرفرف وبابين على اكسنت 2010 كلفه تصليحها 2300 وبابين من التشليح وطلعت السيارة من أفضل ما يكون...
وكيف عرفت أن السيارة ما تكفي التصليح؟؟

عاد المرور كله الله يصلحك هههههه 
انت متنازل برضاك .. 
شخص واحد ضغط عليك .. 
صار المرور كله 
الله يعين على هالشعب المتحلطم بالليل والنهار

نعم الحادث قوي عدم الشنطه كامل مع الصدام 

الحمدلله ع السلامه اخوي 

اشتر القطع تشليح وركب ورشها م تكلف شي اذا شنطه وصدام بس

وبالتوفيق 

نزل صورة للسيارة بعد الحادث حتى يكون النقاش بوضوح لأن الاكسنت من هذا الموديل متوفرة في التشاليح خصوصا الضربة من الخلف واكيد بتلاقي ربع خلفي ومع التركيب بيكون السعر مقبول

الله يعوضك اخوي انت تتازلت لو صبرت شوي صدقني بتاحذ حقك كامل ولو وقفت قدامك اقوى واسطة ارفع يدك لرب العالمين ما راح يرد مظلوم

كنت شغال في نجم المهم الحادث اللي الطرف الغلطان فيها ما عنده تأمين و الطرف المتضرر لم يتنازل يعمل لهم تقرير و يحولو للمرور 
الغالبية كانو يتفقو و اسوي لهم تنازل كله عشان لا احولهم ع المرور يعرفو تعامل المرور و مماطلتهم 
يعني رحت مره اطلع برنت عشان رفعت حادث ونسيت معلومات بسيطة المهم جاء واحد متضرر و العسكري تعابط معاه المهم قالي شوف الحادث التخطيط و احكم 
طلع ما عنده سالفة الحادث تقاطع و فيه افضلية بحكم الشارع يعني مو فاهم ولا عارف نظام المرور نفسه وليته جندي بل رقيب اول و قديم مبين عليه 
المرور غير مؤهل و غير ملم فكيف تبيه يكون في افضل حالاته اسؤا قطاع في الدولة بلا منازع طبعا هم ة همج المخدرات و المباحث مع بعض اللي يداهمون الناس كنا في العراق حسبي الله

انا من الناس اللي اوراقي كامله و مالي اي احتكاك بالمرور 
و اغلب حياتي سفريات بحكم اني مخلص دراسه ولا اعمل للاسف 
و فوق ذا تهرب منهم تطب في همج امن الطرق و كلهم سواء 

يعني يدخل دورة الامن العام 11 شهر يوقفونه في شمس و يا لوح و يا بوسطار هذا تعليمهم 
و يطلعون يوزعونهم لا تعليم و لا تطوير ولا تقبيم اداء 
دولة ماشيه بالدف

وين الضلم انت متنازل ورضيت باالاالفين ريال
الااذا هم موقعينكً باالغصب

والله يابن الحلال ... ودي اتعاطف معك بس غلطك وانا اخوك
مين هو علشان يتفق مع الهندي ويحطك قدام الامر الواقع !!!
انت راعي الحق يتكلم نيابه عنك ويتفق مع الهندي ليه !!


قالك شغلتك بتطول خلها تطول التعب ولا الغبينه

معوض خير واذا صارلك موقف زي كذا ثاني صور الحادث وخذ رقم الدوريه وخذ رقم تقرير الحادث
وبتاخذ حقك بالنظام

الحمد لله على سلامتك
 وبالنسبة للمرور المفروض ما تتنازل وتقول للعسكري مالك دخل اتنازل او لا
واذا قل ادبه عليك
      اخرج من المكتب واطلع على الضابط وقله السالفه
صدقني راح تاخذ حقك قدامك من العسكري الخايس

المفروض في مثل هذه الحالة تتصل على حقوق الانسان بمكتب مدير الأمن العام ورقمهم (0112928888) وتعلمهم السالفة 

كاملة وهم يطلبونك تكتب ملخص ما حدث وترسله لهم على رقم فاكس بيزودك به وهم يتواصلون معك فيما بعد ، وإذا لك 

حق بتاخذه إنشاء الله ، وهم بدورهم يتصرفون مع العسكري التصرف المناسب ، والله أعلم . 

المفروض ماتنازلت اللي يهديك كان طالبت بتعويض بعد اذا كان القانون يسمح اصلخه بالتعويض

ب ٢٠٠٠ ريال يمديك تصلحها انشاء الله 
دور خلفية بالتشاليح وروح عند اي ورشة
اهم شي عندها فرن اذا يهمك
ولا بيعها تشليح وبتجيب لك حول ٢٠٠٠ - ٣٠٠٠ 
او قطع غيار انت فك القير والماكينة والواجهه وبيعهم 

أسعار النظيف من هذا الموديل ماتوصل ٧٠٠٠ 
اذا كان فيه نظيف 

بس معليش هم ما ضلموك انت اللي وافقت من نفسك 
الله يعوضك خيرا منها 

وش دخل قيمة السيارة ٤الاف و الا ٥٠٠ ريال..المهم اسعار القطع وشغل اليد او التسعيرة تبعك و اذا ماطل معك اشتكي عند مدير المرور