أضف سؤال أو موضوع جديد          

حلال ضائع في الطائف

up 34 down 2
ahmed1402 311
قبل 10 سنه



اخواني زوار المنتدئ
السلام عليكم ورحمة الله وبركاته
معليش موضوعي خارج عن السيارات
انا عندي مزرعه واليوم العصر رحت للمزرعه يقولو العمال
من امس يشوفو معزاء حول ٢٠ راس جمب المزرعه 
رسلت العامل وجابها وحطيتها في الشبك  طبعا هي رعة الين شبعت بس مشكلة الماء
اول ملدخلتها الشبك رحت للحوض شربت الين خلصته مشاالله
ورحت سالت كل الي حولينا 
مافيه احد مضيع حلال
قلت بعلن وبروح بكره القسم الشرطه استفسر اذا احد جاء بلغ
الحين وش السوات 
تبقي في ذمتي او افكها 
واذا فيه احد يعرف احد عنده حلال في الخالديه في الطائف قريب من حديقة الملك فهد
يساله ويستفسر
وهاذا جوالي ٠٥٠١٦٣٧٧٧٦
وسامحوني على الاطاله
اخوكم احمد







إبلاغ إبلاغ



سيارات للبيع

الردود


جزاك الله خير على أمانك .. 

والله يردها لصاحبها


up 3 down 1
نويطل -33
قبل 10 سنه



بيض الله وجهك وهاذي من شيم الرجال 
خلها عندك وباذن الله تلقى راعيها وترى المعزى ماتجي من بعيد
واكيد صاحبها ماهو بعيد عنك المسافه اقل من 3 كيلو
لاكن خلها عندك
قبل سنتين خالي جاة حلال ضايع حول 15 راس
وسئل وسئل مالقى صاحبها ماخلى احد يعني زي ماتقول سوى الي علية وزيادة
وجلست عنده سنه كاملة وتكاثرت وصل عددها 30 راس
وتصدق من الطليان 10 روس وبين فترة وفترة يتصدق منها


up 7 down 0
الرفاعي33 13918
قبل 10 سنه



جزاك الله خيراخوي وكثر الله من امثاالك ورحم الله من جاابك


up 2 down 0
أبونواف00 803
قبل 10 سنه



ما شاء الله شكلهم فاهمين كلهم يناظرون للكاميرا وانت تصور ههههههههههه


ههههههه
الله يجزاكم خير
والله الواحد ماوده يحط شي بذمته ورحت اشتريلها شعير وبرسيم 

اخوي ابراهيم ماهي صورهم هاذي اخذتها من النت بس يقربولهم اكيد


up 4 down 0
ahmed1402 311
قبل 10 سنه



ابراهيم شوف هاذا الاعلان 8101968
اشوف فية اسم انيق 
وهاذا العضو يقول هو الي كتب الموضوع
بالله شوف هالموضوع اتوقع الي كتب الموضوع انت او شاقح


up 0 down 0
الرفاعي33 13918
قبل 10 سنه



اهم شي احمد لاجاك احد يقول لي قلة وش اوصافها
بعضهم يقول لي كثروا عيال الحرام والي مايخافون الله


up 4 down 0
الرفاعي33 13918
قبل 10 سنه



اخوي انا ما احب افتي والكلام هذا لو سمعته مني أتمنى منك تتاكد منه قبل لا تسوي الشيء اللي بقلك ..

شوف المعز اللي عندك هذول لازم تسال عن صاحبهم وكذا ولو جا صاحبهم وتاكدت منه لازم يعوضك عن كل ريال دفعته سواء من شعير او ماء او اي شيء لازم تحسب اللي تدفعه عشان لما يجي صاحبها يعوضك عن الفلوس اللي دفعتها


up 0 down 0
ابو ياسر ammar 322
قبل 10 سنه



السلام عليكم 
التيس الضائع او خروف او اي حيوان يجوز لك اكله اذا دورت صاحبه بعد مده قليله من الزمن ولا لقيت صاحبه لحديث الرسول صلى الله عليه وسلم عن البهيمه الضائعه ( هي لك ، او لأخيك ، او لذئب ) 
يجوز لك بيعه او اكله بشرط ان تعطي ثمنه كاملا بقيمة السوق او بما يرضى صاحبها اذا جاء اليك يطلبها  ، يحق لك حفظها حتى يجي صاحبها ولك اجر امانتك بأذن الله ويحق لك بيعها ويحق لك اكلها كما قلت بشرط ان تعطي ثمنه صاحبها اذا جاء كاملا او تعطي بدل منه تيس اخر اذا ما كان معك مال ، الا الابل الضائع لا يجوز اخذه كم ورد عن الرسول  لان الابل تصبر عن الماء والطعام ايام وقد يجدها صاحبها ، بالتوفيق ان شاء الله


up 0 down 0
ابوعابدالله 81
قبل 10 سنه



حلال سايب انا زيك  قد شفت غنم هربانه  كان اول فيه استراحه لنا وشفتها عند الباب  ماعندها والي  ودخلتها استراحه  وصرت افرفر لين لقيت شايب  مسرع  بسياره  ولحقته وقال هذي لي وشكرني 


up 0 down 0
سكودر 14929
قبل 10 سنه



حط اعلان عنها في هذا الموقع موقع كل الي فيه حقين حلال
http://www.aghnam.com.sa/vb/forumdisplay.php?s=&securitytoken=guest&daysprune=&f=229


up 1 down 0
Pro rare 448
قبل 10 سنه



انزل سوق الغنم وباذن الله واسال عنه وبتلاقيه باذن الله
وجزاك الله خير 


up 1 down 1
رعد 61
قبل 10 سنه



الغنم وين في الطايف


up 0 down 0



الله يكثر من امثالك انتم يا نشامه فئة نادره الوجود بالوقت الحاضر 


up 1 down 0
slimansa 30
قبل 10 سنه



رحم الله والديكم كل من رد وشرفني بمروره


up 1 down 0
ahmed1402 311
قبل 10 سنه