أضف سؤال أو موضوع جديد          

الطريق من الرياض إلى مكة استفسارات عدة

up 3 down 1
ابن الأحساء 129
قبل 7 سنه و 7 شهر



السلام عليكم ورحمة الله وبركاته








اخواني بسألكم عن الطريق من الرياض إلى المكة




اولا كم المسافة ؟




ماهي المدن او المحافظات اللي يمكن الوقوف عندها والراحه فيها يعني يكون فيها شقق مفروشه ؟




او بمعنى اصح وش المدن اللي بمر عليها بالطريق




هل الطريق امن وكله محطات ؟




هل هو خطين يعني سريع رايح جاي ولا خط واحد ؟ 




ختاما هل تتصحون خصوصا كون مافي حجز وتكلفة التذاكر غالية اساسا اقصد هل تنصحون براً ؟








بالنسبه لمكة لو وصلت بسيارتي وين ممكن اوقفها لمدة يومين مثلاً وهل ايقاف السيارة في مكة بفلوس ام مجانا ؟






وش وضع ساهر هل الطريق ملغم بساهر ؟

ارجوا الإجابة على جميع الاستفسارات قدر الإمكان بارك الله فيكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

اول شيء المسافة تقريبا 850 كيلو

من الرياض للطايف 720 او حولها خط سريع وكله محطات ولا يحتاج توقف دعسة وحده

ممكن توقف بمحطة ساسكو وسط الطريق بعد الرياض يعني بحوالي 400 كيلو 

بعد كذا قبل الطايف بحوالي 20 كيلو فيه مخرج لمكة مع طريق السيل وهو خط سريع يعتبر

ولكن ملفات واسع ولا فيه مشاكل 

الطريق طبعا كله ساهر خلك مثبت على 130 طيبه

بمكه فيه تفتيش مدخل مكه عشان المحرمين ممنوع تدخل بالسياره ولكن احيانا تفلت منهم كم سياره ما ينتبهون لها

ولو وقفوك يكون فيه ساحه كبيرة توقف السياره فيها وهو الافضل لك طالما ما تعرف مكه

حتى لو ما وقفوك اوقف من نفسك افضل وفيه سيارات توصلك للحرم

بعد ما تخلص عمره يصير ترجع لسيارتك لو تحتاجها ولو اني افضل تبقى واقفه مكانها بالحجز بس تاخذ

اغراضك اللي تحتاجها والفنادق عند الحرم طبعا غاليه من 1000 وطالع اللي قريب من الحرم

واللي عند الحرم من 3000 وطالع الليله طبعا

مالك الا تاخذ بالعزيزية او منطقه شوي مسافة ربع ساعه او اكثر عن الحرم تحصل على 400 ريال



up 9 down 0
ابراهيم التركـي 1067
قبل 7 سنه و 7 شهر



من الرياض اللين تجي هجرة حلبان على الخط نفسه صغيره من بعدها اللين تقول سلام يالطايف مافي ساهر 


up 1 down 1
فيصل المغيري 561
قبل 7 سنه و 7 شهر



الله يتمم عمرتك على خير 
الطريق سهل و يسير 
من العريجا الى مدخل مكة الشرائع 810 كيلو 
المحطات متوفرة على الخط لكن اذا وصلت الرويضة او القويعية فلل التانكي لانه من الخاصرة الى الحوميات مقطعة ممكن حول 120 كيلو و منعطفات بسيطه 
الممشى في النهار افضل لكونك غير ملم بالطريق 
الاستراحات اغلبها سيئة و لا انصح بالمأكل منها نهائيا 
الا اذا ارهقت و اردت الراحة لفترة بسيطة فيه جهة ظلم اظنها ساسكو لا بأس بها 
ستمر من خروجك من الرياض الى مكة بالآتي 
ديراب المزاحمية مزعل القويعية الرويضة حلبان الخاصرة الحوميات ظلم الموية الحفيرة رضوان العطيف عشيرة عرفاء الطائف
اذا بتوقف تريح وقف في القويعية او ظلم او رضوان فقط 
الخط 3 رايح 3 جاي 
الى ان توصل السيل الصغير 20 كيلو 2 رايح 2 جاي 
توصل السيل الكبير ووتحرم من هناك و يصير الخط 3 رايح 3 جاي 
الى توصل مكة حجز الشرائع تحجز سيارتك هناك اجباري مجانا 
حاول تستأجر في العزيزية او الغسالة او الششة اسأل عنها لانها ارخص بكثير 
و اذا خلصت سالما ان شاء الله ترجع للحجز تاخذ موترك و الله يسهل لك 

الخط من الرياض الى بعد حلبان ب 50 كيلو فيه ساهر 
بعدها ينقطع ساهر لانك تدخل محافظات تبع الطائف و الطائف ليست مغطية بنظام ساهر 
و انا دائما اطلع و عارف الخط 
و لا تسرع على هونك السرعة مابها خير


up 13 down 0
rraammooss 965
قبل 7 سنه و 7 شهر



الله يبيض وجهكم 

اخوي راموس يعني الخط كله مابه ساهر إلا بعد حلبان ؟


up 1 down 0
ابن الأحساء 129
قبل 7 سنه و 7 شهر



الخط من الرياض الى حلبان فيه ساهر 

بعد حلبان بحوالي 30-50 كيلو مافي ساهر 

الى ان توصل كبري غير المسلمين في السيل الكبير بعد الميقات ب 30 كيلو تقريبا يجيك ساهر و مكة ايضا كلها ساهر


up 7 down 1
rraammooss 965
قبل 7 سنه و 7 شهر



تروح وترجع بالسلامة والله يتقبل 

افضل طريقة للعمرة .. تمشي من ديرتك الين توصل الطايف وتستأجر وتريح ومتى ما صحصحت 
وروقت تغسل وتحرم وعلى مكة .. توقف سيارتك وتروح تكسي للحرم 


up 2 down 0
شرقااااااوي 653
قبل 7 سنه و 7 شهر



انزل من الهدا ليش تروح من السيل
لا تفوت الهدا في النهار
وعموما حاول تستاجر فندق قريب من الحرم تروح على رجليك لانك لو استاجرت بعيد التكاسي بيصلخوك

وشف
اذا تبي فندق نظيف وقريب من الحرم بس لازم سيارة سعره 250 لليله <ممكن يزيد في العشر الاواخر>
والله يوفقك وعمرة مقبولة ان شاء الله


up 0 down 2
التاجر البسيط 78
قبل 7 سنه و 7 شهر



بارك الله فيكم

اخوي التاجر بسيط دلني على الفندق 


up 0 down 0
ابن الأحساء 129
قبل 7 سنه و 7 شهر



AID 
عبدالله ..؟


up 0 down 0
ابو يزن 09 512
قبل 7 سنه و 7 شهر



سم




فندق التيسير




http://goo.gl/maps/5nMEb




قريب من الحرم
غرفة ب 250
ونظافتهم كويسه
والفندق ضخم وكبير وفيه مواقف في البدروم
 


up 0 down 0
التاجر البسيط 78
قبل 7 سنه و 7 شهر



في مكة توقف سيارتك في محبس الجن أو العزيزية و قريبة من الحرم .. كنت أقدر أروح من العزيزة الجنوبية من طريق الهدى للحرم مباشرة و لكن 
المداخل من الجهات الأخرى مقفله ..
و السكن عن طريق بوكنق هو أفضل شيء و منه تعرف الأسعار و بعد الفندق عن الحرم 
و لو سيارتك جديده مهم تغبرها عشان تحافظ على البويه من رمل الطريق 





up 0 down 0
cobrax -83
قبل 7 سنه و 7 شهر



بارك الله فيكم وجزاكم الله خير
بالنسبه للطائرة صحيح اريح لكن التكلفة لشخصين من الرياض 1300 بالإضافة ل400 ريال ذهاب لمكه وعوده لمطار جده هذه التكلفة تجلسني بمكه 4 أيام ببعض الفنادق الجيده وايضا انا رايح الرياض رايح عندي شغله


up 0 down 0
ابن الأحساء 129
قبل 7 سنه و 7 شهر



لو تسمع شوري استاجر سكن بالطايف وانزل مكه اعتمر وارجع الطايف ياما سويتها اريح وافضل وابرد انزل مع الجبل وسيدااااا لين يقابلني الحرم اخلص عمرتي وع نفس الخط واكون بالطايف


up 0 down 0
ابومحمد4800 138
قبل 7 سنه و 7 شهر