الطريق من الرياض إلى مكة استفسارات عدة

وعليكم السلام ورحمة الله وبركاته

اول شيء المسافة تقريبا 850 كيلو

من الرياض للطايف 720 او حولها خط سريع وكله محطات ولا يحتاج توقف دعسة وحده

ممكن توقف بمحطة ساسكو وسط الطريق بعد الرياض يعني بحوالي 400 كيلو 

بعد كذا قبل الطايف بحوالي 20 كيلو فيه مخرج لمكة مع طريق السيل وهو خط سريع يعتبر

ولكن ملفات واسع ولا فيه مشاكل 

الطريق طبعا كله ساهر خلك مثبت على 130 طيبه

بمكه فيه تفتيش مدخل مكه عشان المحرمين ممنوع تدخل بالسياره ولكن احيانا تفلت منهم كم سياره ما ينتبهون لها

ولو وقفوك يكون فيه ساحه كبيرة توقف السياره فيها وهو الافضل لك طالما ما تعرف مكه

حتى لو ما وقفوك اوقف من نفسك افضل وفيه سيارات توصلك للحرم

بعد ما تخلص عمره يصير ترجع لسيارتك لو تحتاجها ولو اني افضل تبقى واقفه مكانها بالحجز بس تاخذ

اغراضك اللي تحتاجها والفنادق عند الحرم طبعا غاليه من 1000 وطالع اللي قريب من الحرم

واللي عند الحرم من 3000 وطالع الليله طبعا

مالك الا تاخذ بالعزيزية او منطقه شوي مسافة ربع ساعه او اكثر عن الحرم تحصل على 400 ريال

من الرياض اللين تجي هجرة حلبان على الخط نفسه صغيره من بعدها اللين تقول سلام يالطايف مافي ساهر 

الله يتمم عمرتك على خير 
الطريق سهل و يسير 
من العريجا الى مدخل مكة الشرائع 810 كيلو 
المحطات متوفرة على الخط لكن اذا وصلت الرويضة او القويعية فلل التانكي لانه من الخاصرة الى الحوميات مقطعة ممكن حول 120 كيلو و منعطفات بسيطه 
الممشى في النهار افضل لكونك غير ملم بالطريق 
الاستراحات اغلبها سيئة و لا انصح بالمأكل منها نهائيا 
الا اذا ارهقت و اردت الراحة لفترة بسيطة فيه جهة ظلم اظنها ساسكو لا بأس بها 
ستمر من خروجك من الرياض الى مكة بالآتي 
ديراب المزاحمية مزعل القويعية الرويضة حلبان الخاصرة الحوميات ظلم الموية الحفيرة رضوان العطيف عشيرة عرفاء الطائف
اذا بتوقف تريح وقف في القويعية او ظلم او رضوان فقط 
الخط 3 رايح 3 جاي 
الى ان توصل السيل الصغير 20 كيلو 2 رايح 2 جاي 
توصل السيل الكبير ووتحرم من هناك و يصير الخط 3 رايح 3 جاي 
الى توصل مكة حجز الشرائع تحجز سيارتك هناك اجباري مجانا 
حاول تستأجر في العزيزية او الغسالة او الششة اسأل عنها لانها ارخص بكثير 
و اذا خلصت سالما ان شاء الله ترجع للحجز تاخذ موترك و الله يسهل لك 

الخط من الرياض الى بعد حلبان ب 50 كيلو فيه ساهر 
بعدها ينقطع ساهر لانك تدخل محافظات تبع الطائف و الطائف ليست مغطية بنظام ساهر 
و انا دائما اطلع و عارف الخط 
و لا تسرع على هونك السرعة مابها خير

الله يبيض وجهكم 

اخوي راموس يعني الخط كله مابه ساهر إلا بعد حلبان ؟

الخط من الرياض الى حلبان فيه ساهر 

بعد حلبان بحوالي 30-50 كيلو مافي ساهر 

الى ان توصل كبري غير المسلمين في السيل الكبير بعد الميقات ب 30 كيلو تقريبا يجيك ساهر و مكة ايضا كلها ساهر

تروح وترجع بالسلامة والله يتقبل 

افضل طريقة للعمرة .. تمشي من ديرتك الين توصل الطايف وتستأجر وتريح ومتى ما صحصحت 
وروقت تغسل وتحرم وعلى مكة .. توقف سيارتك وتروح تكسي للحرم 

انزل من الهدا ليش تروح من السيل
لا تفوت الهدا في النهار
وعموما حاول تستاجر فندق قريب من الحرم تروح على رجليك لانك لو استاجرت بعيد التكاسي بيصلخوك

وشف
اذا تبي فندق نظيف وقريب من الحرم بس لازم سيارة سعره 250 لليله <ممكن يزيد في العشر الاواخر>
والله يوفقك وعمرة مقبولة ان شاء الله

بارك الله فيكم

اخوي التاجر بسيط دلني على الفندق 

AID 
عبدالله ..؟

سم




فندق التيسير




http://goo.gl/maps/5nMEb




قريب من الحرم
غرفة ب 250
ونظافتهم كويسه
والفندق ضخم وكبير وفيه مواقف في البدروم
 

في مكة توقف سيارتك في محبس الجن أو العزيزية و قريبة من الحرم .. كنت أقدر أروح من العزيزة الجنوبية من طريق الهدى للحرم مباشرة و لكن 
المداخل من الجهات الأخرى مقفله ..
و السكن عن طريق بوكنق هو أفضل شيء و منه تعرف الأسعار و بعد الفندق عن الحرم 
و لو سيارتك جديده مهم تغبرها عشان تحافظ على البويه من رمل الطريق 

بارك الله فيكم وجزاكم الله خير
بالنسبه للطائرة صحيح اريح لكن التكلفة لشخصين من الرياض 1300 بالإضافة ل400 ريال ذهاب لمكه وعوده لمطار جده هذه التكلفة تجلسني بمكه 4 أيام ببعض الفنادق الجيده وايضا انا رايح الرياض رايح عندي شغله

لو تسمع شوري استاجر سكن بالطايف وانزل مكه اعتمر وارجع الطايف ياما سويتها اريح وافضل وابرد انزل مع الجبل وسيدااااا لين يقابلني الحرم اخلص عمرتي وع نفس الخط واكون بالطايف