أضف سؤال أو موضوع جديد          

تعلم كيف تبرمج قزاز المازدا 2014 بنفسك

up 26 down 28
جون سيلفر -187
قبل 6 سنه و 6 شهر



السلام عليكم ورحمة الله وبركاته

كيف حالكم شخباركم ان شاءالله بخير

اليوم جبتلكم موضوع خفيف وبسيط وان شاءالله انه مفيد
الي هو برمجة القزاز الاوتو في المازدا 2014

اول شي وش هو القزاز الاوتو؟

المازاد سلمكم الله قزازها الاربعه اتو يعني بضغطه وحده ينزل بالكامل اويطلع بالكامل للأربعه القزازات وهذي ميزه حلوه صراحه ومريحه
اليوم بقلكم كيف طريقة برمجت القزاز الاوتو في حال فقدتها
البرمجه تروح سلمكم الله في حالة تغير البطاريه يعني فكيت اصباع البطاريه او لأي سبب اخر
اش الي راح يصير ؟؟ راح تروح البرمجه حقت القزاز ويصير يطلع وينزل بشكل عادي يعني تضغط للاخير حتى يطلع اوينزل القزاز يعني راح تبطل خاصية الاوتو



وفي الحاله ذي راح يخش المستخدم في دوامه يمكن يروح للوكاله ويقلهم برمجوها لي اويروح لكهربائي ويقله برمجها لي
وهي اصلا تافهه جدا وماتاخذ الا20ثانيه فقط!!

البرمجه سلمكم الله تضغط على كل زرار لمدة 20 ثانيه االازارير الي عند باب السواق فقط ماتحتاج تروح لكل باب وتضغط زراره
تضغط على زرار باب السواق لمدة 20ثانيه للأعلى وليس للأسفل وجرب بعدها على طول راح يشتغل معاك الاوتو
وكمان باقي القزازات الاربعه قزاز باب المعاون والقزاز الخلفي الايمن والايسر بنفس الطريقه تضغط لمدة 20ثانيه كل قزاز على حده
وبكذا راح تشتغل معاك خاصية الاوتو
هذي معلومه خفيفه بسيطه ويمكن البعض يجهلها ا وانت تقدر تسويها بنفسك بدل ماتدخل في دوامة برمجه وكمبيوتر وهوالموضوع ابسط من كذا!!

طبعا اناجربتها مره فكيت اصباع البطاريه على 20الف وراحة الخاصيه و عرفت المعلومه من مواقع اجنبيه وسويتها وزبطت

واليوم سويتها كمان لني غيرت البطاريه وزبطت الحمدلله100%

حبينا نشاركم بمعلومه بسيطه وخفيفه واي استفسار اناحاظر

دمتم في رعاية الله








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخبرها من عام 2006 الى 2013 

كانت تضغط الزر لتحت او لفوق حسب وضع الزجاج

لو كان مقفل يصير تفتحه ضغطه وحده مستمرة حتى يفتح كامل

و تكون تبرمجت تما حركتهم الغبية 20 ثانية مالها داعي


up 8 down 18
ابرااهيم التركي 12
قبل 6 سنه و 6 شهر



جزاك الله خير الجزاء علی ه المعلومات
والله يوفقكك لما يحب ويرضى


up 5 down 1
سلطان_28 269
قبل 6 سنه و 6 شهر



كذا مره فصلت البطارية و غيرتها مرة 
ما يشتغل الاوتو كنه خرب 
بعدها بساعات او اقل يضبط من حاله 


up 1 down 2
rraammooss 965
قبل 6 سنه و 6 شهر



هلا بكم

الاخ رمووس صحيح احيانن تضبط اوتوماتكيا بعد فتره واحاينن لازم تبرمجها انافصلت اصباع البطاريه على 20الف كيلو وبطلت تشتغل وقعدت يومين وانااحوس واسأل الين لقيت المعلومه هذي في احد المواقع الاجنبيه


up 2 down 2
جون سيلفر -187
قبل 6 سنه و 6 شهر



الله رايح مواقع أجنبية 

طيب الكتالوج وش يسوي عندك لا تقول ماهي موجودة المعلومة


up 4 down 11
ابرااهيم التركي 12
قبل 6 سنه و 6 شهر



حياك ياسلطان


ابراهيم شكرا للاضافه اناجربتها في حالة رفع الزر للاعلى ويبدو ايضا تقدر تسويها بالعكس تضغط الزر للاسفل وبكل الطريقتين تتبرمج تم تقيمكم جميعا+1


up 1 down 1
جون سيلفر -187
قبل 6 سنه و 6 شهر



الكتلوج ضاع من اول يوم راح فيها هههههه ولاادري عنه


up 1 down 5
جون سيلفر -187
قبل 6 سنه و 6 شهر



متعب نفسك ورايح تبحث وكل شي 

واخر معلومة غلط 
لو ما عندي مازدا ما كان قلت غلط 
الطريقة 
تتزل القزاز وترفعة كامل مرة وحدة وخلاص يشتغل الاوتو 
بلا تعلق ٢٠ ثانية او ٢٠ سنة 
ونفس الطريقة لاغلب السيارات 
ونفس الطريقة بعد للفتحة في اغلب السيارات عشان يشتغل فيها الاوتو 



up 4 down 15
ابو فرح مازدا 538
قبل 6 سنه و 6 شهر



اعصابك  طيب لايطق فيك عرق باين انك شخص متحامل وفي قلبك شي ضدي 
ماعليه عساني ذابحك بس من القهر ويارب زود
وطريقتك ذي ماعرفها وماجربتها
انا لقيت الطريقه هذي وجربتها وضبطت وعن تجربه بنفسي  واذاعندك طريقه ثانيه روح هناك بعيد خثرد لحاللك لاتجي عندي سو موضوع مع نفسك لاتجي عندي احسن وديني واناصايم ماابي افطر على اشكاللك عشان ماامسح فيك الارض واعلمك الادب   


up 3 down 10
جون سيلفر -187
قبل 6 سنه و 6 شهر



جزاك الله خير ومعلومه اول مره اسمع فيها ولك اطنخ لايك والله يعينك ع الحاقدين


up 2 down 1
منخشق 674
قبل 6 سنه و 6 شهر



يعطيك العافية معلومة جديدة ,, الا قولي وش نوع المازدا الي معك ؟


up 2 down 1
انور بن علي 92
قبل 6 سنه و 6 شهر



ههههههههههههههه
فيه ناس حاقده على جون سيلفر
اشوف ردودهم استفزازيه

طيب ماعجبكم الموضوع اتركوه ولاتردون !!


up 5 down 0
شويخ من أرض مكناس 2823
قبل 6 سنه و 6 شهر



بيض الله وجهك يا جون سيلفر


up 1 down 0
محمد علي القحطاني505 55
قبل 6 سنه و 6 شهر



هلا والله . هلا بالعيال


المازدا 6 2014
ووجهك ابيض يالقحطاني منووورين +1 لايك للجميع



up 0 down 1
جون سيلفر -187
قبل 6 سنه و 6 شهر