غير زيت تويوتا وفلتر اصلي رقم 1 زيت تويوتا الاصلي العبلة الفضية تحصلة بقطع الغيار تويوتا الاصلي وسعر العلبه 90 ريال  وش تبي في زيت بترومين ركب زيت حق الوكاله متخصص برقم القير 

ياخوان كفايه وسوسه الله يهديكم انا كان. معاي كامري 2007 قبل سنه وزيت القير مره معدوم وشريت زيت تويوتا وفلتر اصلي من النهدي وغيرته عند ميكانيكي اعرفه من زمان ونظفو لي الكارتير وصبينا الزيت ومشيت عليها فوق 50 الف واحلى مايكون وبعت السياره ولا شفت منها شر الحمدلله شغل يد 100 ريال اخذ بس

كم ماشي موترك واخر تغييرة كم مشيت عليها اتبع الخطوات التالية وان شاءالله مايحصل لموترك اي شي
1/الشغلة بسيطه واي ميكانيكي يسويها بس فية شغل ترتاحلة ومرتب مايحوس الشغلة  يعني شفلك ميكانيكي ممتاز واذا انت في جدة ابدلك على واحد تركي ياخذ شغل يد 200 ريال بس شغل نضيف
2/ فلتر تاخذة من الوكالة وزيت تويوتا الجديد توة نازل علبته رمادي فاتح العلبة السوداء لاتاخذها مايصلح ووجه كارتير اصلي

3/اذا غيرت الزيت وانتهيت عشق الموتر على جميع الاوضاع كرر العملية 3 مرات
4/ اول 100 كيلو بعد ماتغير الزيت لاتعطيه دعسات قويه وخلك على 80 الى 100 الى 120 لاتعديها
5/ قبل ماتمشي بعد نغيير الزيت سجل كيلوات العداد واحسب حسابك كل 60 الف بالكثير 70 الف يتم تغيير زيت القير
باذن الله بعد هالخطوات مايجي موترك اي خلل 

وش رايك تتركه ما تغير شيء وانا اضمنه لك بيخدم 5 سنوات قدام بدون مشاكل

لكن تغيره ما تضمنه ولا 5 شهور

اذا تعديت 100 الف كيلو بدون ما تغيره لا تغيره ابد لانه 
راح يخبط عليك و يتعبك 

و الزيت مهم جدا انك تاخذ اللزوجه اللي تناسب سيارتك 
لان اللزوجه المختلفه راح تخرب القير .. ابحث بالنت او 
اسال الوكاله او شوف الكتالوج لو باقي عندك 

المشكله اني توني شاري الموتر وهو ماشي حول ال 300 ولا ادري عن راعيه الاول هو كان يغيره ولا لا 

قبل يومين واحد هنا باالمنتدئ معه كامري 2008
يقول غيرت زيت القير وخبط 
واذا انت ناوي ودها الوكاله وخل يعطونك ضمان واذا ارفضو
خل موترك لاتعبث فيه

2011 و ماشيه 300 الف !!!!!!!!!!!!!
دامها وصلت لها الممشى لا عاد تغيره لانه في خوف 
بإذن الله امورك طيبة

اذا تعديل المسافه حقت التغيير لا تغير لانك ما تضمن حل راح يضبط و لا يخبط و استخدم الزيت المناسب بالكتااوج مع الفلتر 

ي رجال شوف الي يصلح لك 
انا اعرف لي واحد غير زيت قير كامري ١٠
على ٨٠ والحين ماشيه ٢٦٠ الف والى غيره 
والأمور طيبه 

أشور عليك ياخوي
زيت وفلتر الجير لا بد من تغييره
وأنصحك بضرورة تغييره (في الوكالة)
فقط لا غير ، والمعروف أن الوكالة تعطيك
ضماناً على المواد وشغل اليد لمسافة 3000 كلم .
(في وكالة تويوتا عندنا .. أي شغل يتمّ في ورشة الوكالة
عليه ضمان لمسافة 3000 كلم) .
ومهما يكون النظام في الوكالة بالسعودية ، فلا شكّ
أن الشغل عليه ضمان بشكل أو بآخر .. وإلا فما الفرق
بينها وبين غيرها؟
بالذات زيت القير مع الفلتر ، لا ترضى بغير شغل الوكالة
لمصلحتك ، والأمر لك طبعاً .

نصيحتي يا الغالي كان معي كامري 2008 توني مشتريها ومن لقافتي قلت بغير زيت الغير مع الفلتر شاري القطع من الوكاله وبعدها ابتدات المشاكل عندي في التبديلات والله المستعان

اسمع مني انا راح علي قير كامري  ٢٠١٠. تماتيك وهي ماشيه ٨٠ بس مو بسبب الزيت لا انفجر اللديتر ودخلت مويه على القير 
نصيحتي شيك اولا على اللديتر اذا قديم غيره حتى لو تجاري يمشيك سنتين قدام  وانت مطمن ورخيص ب ٢٥٠ ريال وعليه ضمان سنه والاصلي ب ١٨٠٠   يعني لو كل سنتين تغير تجاري اوفر لك من الاصلي 

الشي الثاني من خلال خبرتي  لاتغير الزيت كامل غير نصه فقط مع الفلتر  وعلى ضمانتي  هو يجي اربعه لتر في الكارتير غير اثنين لتر. 
وكامل الزيت في القير ٧ لتر بس ٣ لتر ماتقدر تغيرها موجوده في الطنجره والهدف منه اذا غيرت زيت جديد يعمل مؤامه وتوالف مع الزيت الجديد لكن مشكلتك انت الممشى كثير. اذن غير نص فقط ٢ لتر وراح يختلط مع ال٥ لتر الباقيه ولايأثر على القير فقط يعطيه نوع من اللزوجه وبعد شهر غير ايضا ٢ لتر واستخدم كم سنه راح يمشيك ان شاء الله. 

دخلت ف سيل ومن بعدها صار عندي مشكله ف القير 
فما ادري ايش المشكله 

كامري ٢٠١٠