دوج او شفروليه او كيا

يا اخي خذ الدودج تشالنجر لانها دفع خلفي وريح نفسك وعزم وقوه جبارة 

اخوي اناا باخذ موتر اكد وامد عليه ما ني ماخذ موتر اقعد ادرفت فيه وازعج الناس يقعدون يدعون علي 

السوناتا  هي الاكثر شعبية بينهم  والوكيل ممتاز  شف لو تبي

السرعة والهيبة :تشالنجر

سيارة عملية ومنتشرة :السوناتا 

الفخامة : كادينز  

بس لو الراي  لي  باخذ   كرايسلر c300 تحسها تجمع بين كل ذي النقاط

الكرايسلر صحيح تجمع بين كل ذولي بس سعر النص فل ب 16000 تقريبا 

تبي الراي
خلك على السوناتا

السوناتا مكينتها اقل من الثلاث السيارات ذولي وسعرهم قريبا لبعض 
واغلب الشباب قالو خذ امبالا 

وش تبي بقوة المحركات ,, الخطوط كلها ساهر

ومكينه السوناتا ما يعيبها شي ,, كويسه 
وشكل السياره جديد وحلو ,, ولها شعبيه في السوق ,, يعني لو جيت تبيع تلقى زبونها
السياره بتخدمك ان شاءالله

صحيح الشوارع كلها ساهر 
بس اذا مسكت خط لازم الرساوه والعزل 
والسياره الي باخذها بتقعد معي 5 سنوات بلقليل لازم اخذ شي نشيط

تبي نصيحتي ..
أنت إللي بتدفع وتخسر فلوس وكلام الناس مابينفعك ..
لا تشتري شيء وأنت نفسك تبي شيء ثاني .. 
خذ الموتر إللي تحس نفسك مالت له حتى لو إنه اكسنت
لأنك أنت إللي بترتاح ... وألف ألف مبروك مقدما والله يعطيك من خيرها ويكف عنك شرها يالغالي

دام معك دراهم تجيب لك موتر دفع خلفي خذه بدون تردد أيا كان
ترى فرق بين الأمامي والخلفي

طيب ما فكرت في الفورد تورس حنا معنا واحد 2011 ليمتد سيارة روعة بمعنى الكلمة القي نظرة على السيارة منت خسران شي واذا انت مصمم على وحده من الخيارات ذي ارشحلك الامبالا شكل روعه و6 سلندر دامك تبيها للخطوط او خلك عالسوناتا السوناتا روعه وانا شفتها ومعي وحده 2012 وفي النهاية القرار لك 

بالتوفيق 

التشالنجر سيارة رياضية بحته مافيها من الفخامة مثل السيارات الثانية ، وانا وجهة نظري السيارة الرياضية ماتنفع موتر رئيسي الواحد وراه مشاوير وبيركبون معه علم والتشالنجر طريقة الدخول والطلوع منها صعب



لو انها موتر ثاني اقول لك مايخالف ، وثانيا اعتقد بسعرك هذا بتاخذ ستة سلندر وسياحي وبيني وبينك شكله قبيح مع احترامي ويمكن تمله مع الايام


الامبالا مدري عنه


السوناتا سيارة عملية وشبابية وممتازة بمواصفاتها لكن انا وجهة نظري الكادينزا تتفوق عليها في راحة الركوب في تناسق حجم المكينة مع البدي ، السوناتا الجديدة حول 50% منها فولاذ وعزمها مهب على حجمها


صحيح انك ماراح تسابق العالم بس تحتاج برضوه مكينة شوي كبيرة تنفعك في الخط يكون الموتر مرتاح لاجيت تسقط ما تتكلف وانت داعس

وايضا الكادينزا تتفوق على السوناتا في عزلها الارضي وعزل الهواء ايضا بالاضافة الى ثباتها


وفي الاول والاخير الراي لك صحيح السوناتا فيها نقطة عمياء ورادر لكن اشوفها مواصفات ثانوية اهم ماعلي عزل الشارع وثبات الموتر وايضا نوعا ما احتاج الى قوة مكينة تريحني وانا داعس


هذي وجهة نظري بالتوفيق

انا من وجهه نظري تحصر المقارنه بين سوناتا و الكادينزا افضل لك من ناحيه البنزين و الانتشار و قله طلب القطع الاستهلاكيه 

طيب هذا انت قاعد تجارب عليهم
قالولك تشارجر قلت ماتبي تزعج خلق الله .. سواناتا ماتنفع للخطوط
خلك على الامبالا والكادينزا وسوي حقره بقرة

تجاوب **

أرشح لك الكادينزا <<< بس وكيلها سيئ

لا عادي يا طارق الواحد اذا صار عنده فلوس فعلا يتوهق ويطلع لنفسه اسباب لين يتشري سيارة مو مقتنع فيها ويندم 

الحمدلله ما فيني الا العافيه 
وكل واحد يشوف الناس بعين طبعه 
التشارجر ما اخترته الا لرساوتها وعزمها 
بس الرجال الي فوق يقول خذها عشان الدفع الخلفي يعني وش معنا كلامه اكيد لدرفت والازعاج 

صحيح كلامك اخوي العريني يعني حرام استعجل واخذ سياره سعرها ما يقارب ال100 الف 
واتحسف فيها لازم اشاور واشوف