أضف سؤال أو موضوع جديد          

تفتفة الهايلوكس من 2006 الى 2012 بعد فصل البطارية الحل عندي

up 17 down 2
ماكسيما 2008 6730
قبل 6 سنه و 6 شهر



السلام عليكم ورحمة الله وبركاتة


اخواني الاعزاء كانت عندي مشكلة بهايلوكس 2008 وهي انها اتتفتف


وعداد الضغط نازل واذا اسرعت ماتتعدى 140 وتصرف بنزين


والمشكلة هذي حصلت لي بعد ان قمت


بفصل البطارية


والحل


رحت لفلبيني بورشة بتبوك وقال لي هذي لازم اسوي لها برمجة وبـ250 ريال


وقال اذا كانت المشكلة هذي لها اقل من يومين او ثلاث ايام نبرمجها


واذا كانت لها فتره وهي تتفتف اكثر من 3 ايام فلازم ننظف البخاخات


((وراح يكلفك تنظيف البخاخ مع البرمجة 400 ريال))


قلت له
خلاص برمجها ونشوف وش يصير


ويوم بدا يبرمج السيارات قمت اراقبه واشوف وش هالبرمجة الي طالب عليها 250 ريال
7
7
اول شي فتح السوتش بدون مايشغل السياره


ثم قام بفصل فيش دعسة البنزين وثم شبكه >> الفيش يجي فوق دعاسة البنزين



وبعدها شغل السيارة وبقى داعس على البنزين وعداد الضغط على رقم 3


حوالي 5 دقائق تقريباً


وبعدها رفع رجله( وانتم بكرامة) عن دعاسة البنزين وراح يناظر بالمكينه حوالي دقيقة


وانا اطالع فيه واقول شكله يقرا على المكينه


وقال باقي ماتبرمجة


ورجع وسوى نفس الطريقة مره ثانية


وقال باقي ماتبرمجة


هذي يبي لها تنظيف بخاخات


المهم نظف البخاخات وضبطها واليوم جيت اخذتها من عنده والى السيارة


ماشاء الله تبارك الله


رجعت وكاله لاتفتفه ولا صرف بنزين وعزمها 100%


والتكلفة 400 ريال تنظيف بخاخات مع برمجة


طبعا البواجي قال لي لازم تغيرهن قبل البرمجة


لاكن ماغيرتهن لاني مركبهن قبل اسبوع ب60 ريال > البوجي الواحد بـ15 ريال


والبنزين يقول لاتعبي الى بنزين احمر 95 لان الاخضر 91 فيه كلس والكلس هذا


يتجمع على رؤس البخاخات ويخربهن عليك


ادري اني طولت عليكم لكن اهم شي تستفيدون


لاني احب لكم الخير مثل مااحبه لنفسي منقول للفائدة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافيه وما قصرت 

موفق يارب 


up 0 down 0
camry grandi 99 7272
قبل 6 سنه و 6 شهر



شكرا على النصائح الحلوه


up 0 down 0
pjlcjl jljjj 320
قبل 6 سنه و 6 شهر



وعليكم السلام ورحمة الله وبركاته

معلومة طيبة من رجال طيب




up 0 down 0
الفارس المميز 2633
قبل 6 سنه و 6 شهر



كـلـس؟؟.
.

.
.


up 1 down 2
w1w1 2196
قبل 6 سنه و 6 شهر



الله لا يهينك ياخوي على هالمعلومة المهمة ، ما قالك ابو فلب وشلون نتحاشى هالمشكلة عند تغيير البطارية؟


up 1 down 0
بليله بلبلوكي 819
قبل 6 سنه و 6 شهر



غير البطارية والسيارة شغالة طال عمرك واكبر غلط ان الواحد يغير البطارية والسيارة طافية لكن قليل يعرفون هالمعلومة


up 4 down 1
ماكسيما 2008 6730
قبل 6 سنه و 6 شهر



على حسب السيارات وكل سياره لها برمجه وسيارات حت لو تغير البطاريه عادي بس اكثر مشاكل البرمجه تايوتا 


up 0 down 0
princ 18867
قبل 6 سنه و 6 شهر



جزاك الله خير معلومه مفيده لان اغلب الناس يشتكون من ذا التفتفه وخصوصا الي يركبون فلاتر لانه يفصل حساس الهواء


up 0 down 0
ابوابراهيم .ع 75
قبل 5 سنه و 2 شهر



السلام عليكم ورحمة الله وبركاته 
اخي العزيز يعلم الله اني اول مره ادخل المنتدى بس حبيت افيدكم بطريقة مضمونة وببلاش لان صراحة خسارة ٤٠٠ 
الطريقة علمني عليها واحد من الشباب الله يجزاه خير والطريقة كالاتي : 

اذا فصلت اصابع البطاريه والموتر طافي شي طبيعي يجيك تفتة بالموتر المهم اذا رجعت اصابع البطارية وشبكتهن قبل لاتشغل اتبع الخطوات :

- تفك السويت ٤ مرات لين تخلص الطنطنه ثم تطفي على طول واسحب المفتاح 
المره الخامسه دخل المفتاح وشغل الموتر ع طول بدون ماتحتري الطنطنه وهالطريقة مجربها ومضمونة ١٠٠٪ وكذا واحد من الشباب اعلمه وتزبط معه 

تحياتي ...


up 0 down 1
ابو-سعديه -1
قبل 4 سنه و 4 شهر



ابوسعديه كلامك غير صحيح سويت طريقتك اكثرمن مره ولاتغيرشي


up 0 down 0
ابوناصر2000 57
قبل 4 سنه و 3 شهر



صار نفس المشكله لقريب لي بعد فصل البطاريه وصارت السياره تشتغل دقيقة وتطفي معد تشتغل وهي واقفه ابد 

راح للوكاله قالوا موضوعها سهل نضفو حاجه في الكبوت ببخاخ وانتهت المشكله 

وابشركم وما اخذوا شي ولا دخلولها صيانة 


up 0 down 0
rakkan123
قبل 2 سنه و 4 شهر



صارت معي في الهايلوكس
غيرت البطارية وصارت السيارة إذا رفعت رجلي عن البنزين طفت، والحل انك تشغل السيارة وتشغل المكيف حتى يعطيها كهربا وما تطفي،
خلها واقفة شغالة والمكيف شغال لمدة نصف ساعة وإن شاء الله تمام، المهم تكون السيارة واقفة بدون ما تحركها ولا تدوس بنزين.
هذي الطريقة مجربها مرتين




up 0 down 0
mohmmed11
قبل 4 شهر و 2 أسبوع