إضبط مواعيد تغيير الزيت والفلاتر لأن جميع سيارات التيربو تحرق الزيت بسرعة إذا صاحبها يستعمل الدعسه الثانية كل يوم.
* زيت تخليقي كامل 
* فلتر زيت أصلي

كان معاي اودي بلشتاء خذ عزم و قوة أما بالصيف تنبشر للاعزم ولا قوة
 بسبب الحرارة عندنا شف الاكسبدشن آخر موديل قل الاقبال عليه

المشكله موفي التيربو المشكله في الجو عندنا

التيربو في الجو البارد يلعلع يعطيك كامل قوته لانه ماتستفيد اذالهواء الي يسحبه حار لازم يكون بارد وجونا مشاءالله شي جهنم حمراء من وين التيربو بالله يشفط هواء بارد لانه لويسحب حار ماراح يعطيك القوه الكامله ولاحتى نصها

الوالد معاه فولفو توربو 2010

اخوي معاه فولفو توربو 2008

و كلهم بالقصيم و الصيف هناك ما يحتاج فرن

العزم ممتاز ما فيه اي مشاكل

ممكن هالكلام انه يضعف بالصيف قبل سنوات طويلة

جون سلفر انا معك وضدك في نفس الوقت
صحيح التيربو يعطيك كامل قوته في الاجواء الباردة
لكن الحين فيه مبردات ومراوح تبريد للكولر الي هو مبرد التيربو
التيربو تبيه يعيش معك لا تجلد السيارة كل شوي قومات ومطارحات
تبي تطارح طارح مره وحده في اليوم موب كل شوي تبي تطارح السيارات لانه راح يعطيك كامل قوته في المطارحة الاولى
والثانية راح يخم فيك ويضعف
وسبب ثاني لانلاف التيربو اذا جيت من مشوار وطفيت السيارة بسرعه هذي الحركة تقتل التيربو وراح يهرب زيت من مروحة التيربو وراح يطلعلك دخان ابيض من الاقزوز
الحل خلها ٥ دقائق ترتاح السيارة والتيربو وبعدها طفي الموتر تقولي ما عندي وقت انتظر الين ما يبرد
الجواب فيه تيمر يخلي السيارة تطفي بعد المدة الي انت تحددها 

بحكم ان مع الوالد اكسبدشن تيربو 
المراوح شغاله بسرعه عاليه في اوقات كثير ولتيربو مبرد كبير و لا اشوف فيه مشكله بالعزم ابدا ما شاء الله 

اي سياة تربو حقيقي  تحتاج شاحن تربيني  هو مبرد هواء  . مثل رديتر مويه ومكيف . عشان لما  يشتغل  تربو   تربينات  تصبح حارة  وتسخن هواء  أكثر من حرة اضعاف  الأستشوار حار . مع حرارة جونا في صيف . حمد لله الأمور طيبه    

ما لك و وجع الرأس
التيربو معقد و اتوقع صرفية البنزين زائدة
خلك على التنفس الطبيعي

الاكسبدشن الجديد اقل صرفيه بنزين ابشرك يا اخوي مخاوي الطرقة 

ودي اعرف ليه الدسلايكات على الموضوع 
الاداره طيروا رصيدي و الباقي كملوه بتوع الدسلايك 

المنتدی فيه نفسيات و همج موضوع عادي ديسلايك موضوع مفيد ديسلايك 
مشكله في السيارة يعطونه ديسلايك وهو ما قال شي غلط قبل فتره واحد داخل علی مواضيعي و معطيني ديسلايك 



مدري وش فايده التقييم هذا اصلا 

اللي يقول اكسبدشن الجديد اقل صرفيه من القديم اقوله مالك لوا ..

انا شايف ورقه استهلاك الوقوده ع الاثنين .. كلها 9.5 

يعني ما استفادو شي يوم نزلو المكينه الئ 6 سلندر ..


اخوي نصيحه ابتعد عن الاكسبدششن الجديد .. واذا تبي تتاكد ادخل قوقل واكتب 

ecoopost problem

اذا صر فية ال ٦ سلندر مثل ال ٨ سلندر
هذا يدل انها تصرف بنزين

انا عن نفسي افضل 8 سلندر

يامخاوي التقييم هذا اعتقد انه مضروب وغير دقيق 
ميزه سيارات التيربو تعطيك اداء الثمان سلندر بمكينه سته سلندر يعنى استهلاك وقود وزيت وخلافه  للسته سلندر 
لكن صحيح التيربو عدوه الحراره والغبار  . 
في سيارة لكزس جديده nx نزلت اربع سلندر تيربو وسمعت كلام لا اعلم صحته ان عبداللطيف موقف حجز عليها لان ظهر فيها مشكله في التيربو