أضف سؤال أو موضوع جديد          

قصتي مع احد الحملات النصابين ومساعدتكم في رفع شكوى عليهم

up 6 down 5
tareq_talli1 1539
قبل 6 سنه و 4 شهر



السلام عليكم يا شباب تحية طيبة




الموضوع طويل شوي سامحوني




اود تقديم شكوى على مكتب (حملة الاسلام للحج والعمرة) الواقع في الرياض في شارع البطحاء العام خلف مطعم الطازج؛ ولذلك لمخالفتهم العقد الذي بيني وبينهم، حيث كان عقدي معهم اداء عمرة لمدة ٥ ايام في العشر الاواخر من شهر رمضان سنه ١٤٣٦هوبفندق ٣ نجوم وغرفة لشخصين مع دورة مياه داخلية(اعزكم الله) بتكلفة ١٠٠٠ ريال




عندما توجهت للنقل الجماعي من الرياض تفاجأت ان اسمي ليس مسجلا على باص الحملة! ورفض سائق الباص ادخالي بالرغم من السند الذي احمله، وتواصلت مع صاحب المكتب (مصري الجنسية واسمه ربيع) وتدبر امر ادخالي للباص.




والباص كان جدا سيء واخلاق السائق سيئة ، وكان التكييف سيء لابعد الحدود




عندما وصلنا الى مكة توقف الباص عند الفندق ذو ال٣ نجوم، وذهبنا للاستقبال ونادى على اسمائنا انا واخي وقال لنا انتم لستم عندي في هذا الفندق! انتم في فندق اخر على بعد شارع من هنا! ذهبت لسائق الباص وطلبت منه ان يوصلنا للفندق ورفض ذلك بحجة انه ليس له علاقة بحملة(الاسلام) وليس مسؤولا عن ايصالنا!!!




ذهبت مشيا الى ذلك الفندق وتفاجئت بانه دون المستوى ولا حتى نصف نجمة! ، وعندما ذهبت للاستقبال واريته السند قال لي انه لا يوجد اي حجز باسمك!




اتصلت على مكتب الحملة في الرياض وقالي ان اخاه يدير هذا الفندق وهو سيتدبر اموركم، بعد ١٠ دقائق جاء اخوه واعطاني مفتاح الغرفة، ذهبت الى الغرفة واذا هي غرفة قذرة عبارة عن ٢x3 ومليئة بالحشرات والوزغ! ودورة المياه مشتركة مع الغرفة المجاورة!




رجعت واتصلت على المكتب وقالي اصبر الى بكرة وبعدها بشوفلك غرفة احسن،،،رفضت ذلك وقلتله ساشتكيك للشرطة،،،،واتصلت على شرطة مكة وياليتني ما اتصلت! قالولي حنرسلك دورية،ومرت ٤٥ دقيقه والشرطة كل شوي يتصلو يطلبو اسم الشارع والفندق! ،وبعد ساعه انا طفشت وجاني مدير الفندق(اخو المكتب اللي في الرياض) وقالي هات السند وخذ فلوسك،،،،واضطريت اوافق لاني جاي من سفر ومرت ساعتين وانا في الشارع،،،،رجعلي ٧٥٠ لانه خصم منها تكاليف الباص من الرياض لمكة




واخذت الفلوس ورحت استاجرت غرفة ب١٥٠ في اليوم (شقق مفروشة تمشي الحال) والباص تحملت تكلفة العودة من مكة للرياض




ياليت تساعدوني يا اخوان في رفع شكوى على هذا المكتب




تحياتي لكم وحسبي الله ونعم الوكيل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام
الله يعينك يارب وهذي حركات الحملات ماهي جديدة عليهم وان شاء الله هالبهذلة أجر لك الي اخبره مرجع الحملات وزارة الحج جرب تشتكي عليهم عندهم .. يازين البوكينق يفكك من هالحملات النصابة
بس على أي اساس رجعو لك 750 فقط ؟؟ يعني الباص الي يكسر الظهر وكل شوي يوقف ب 250 ريال !!!! الباص سعره 30 ريال وبالمواسم مايزيد عن 100 ريال


up 4 down 1
ahoh 178
قبل 6 سنه و 4 شهر



وزارة التجارة والله تاخذ حقك كامل وتغرم الحملة وأحتمال تقفلها




up 0 down 3
grshp 245
قبل 6 سنه و 4 شهر



الحمدلله على السلامة . تقبل الله منا و منكم 
في المرات القادمة إن شاء الله إذا ماكان فيه إمكانية تروح بسيارتك أو طيارة 
احجز سكن من بوكينق و اطلع بالنقل الجماعي ابرك من هالحملات 



up 1 down 1
أبو راشد 33 979
قبل 6 سنه و 4 شهر



احتسب الاجر فالعباده اذاكان فيها مشقه عضيم اجرها 


up 2 down 2
saadko 105
قبل 6 سنه و 4 شهر



الحمدلله على السلامة
كان من بدايتها ما لقيت اسمك على لائحة الباص المتجه لمكة
كان هونت عن الموضوع و انسحبت
لانه واضح من اول اسمك مهو موجود و لا معبرينك
حسبي الله عليهم


up 2 down 3
أبو نجوى 2442
قبل 6 سنه و 4 شهر



وزاره الحج حذرت اكثر من مره خلال موسم العمره (رمضان) من الحملات الي مثل هذي وقالت بالحرف الواحد انها
نصب وهدفها جيوب المسلمين
الله يعوضك 


up 2 down 1
ابو كاس 137
قبل 6 سنه و 4 شهر



الغريب كيف تحجز بحملة للعمرة !! 
لو رايح بنفسك بتلقى انظف واوفر لك 


up 0 down 1
faisal_fahd -66
قبل 6 سنه و 4 شهر



اجل الشرطه مافادتك !!
يابلادي واصلي 


up 4 down 8
eng.mob 127
قبل 6 سنه و 4 شهر



اهم شي اخوي  لو انك مصور الفندق  حقهم  وترفعه بالصور 

لوزارة التجارة   انا سويت  زي عمرتك قبل سنة كانت التكلفة 

130 للشخص  مع السكن  والسكن كان متوسط 

اخوي انا كني  عرفت المكتب ذا  


up 2 down 2
سبحان الله201 57
قبل 6 سنه و 4 شهر



ENG.MOB

وش دخل الشرطة في الموضوع وان جو هم راح يحولونك لجهة الاختصاص

الشرطة جهاز ضبط ما عنده صلاحيات


up 0 down 1
تبادل مصالح 101
قبل 6 سنه و 4 شهر



اخوي اعتقد ماراح تقدر تسوي شي لان ماعندك الاثبات 
السند رجعته لهم 


up 0 down 1
ابو عطيه 409
قبل 6 سنه و 4 شهر



لو السند معاك تجيب رووسهم 

لكن دامك فكيت السند وش ما يثبت عندك ...؟ 

الشكوى لازم بإثبات يا صاحبي 


up 1 down 1
xxxthegiantxxx 366
قبل 6 سنه و 4 شهر



يارجال من شفتك قلت ١٠٠٠ ريال عرفت ان ماعندهم سالفة


ياخوك كان دخلت البوكينق قبل رمضان بشهر 
واخترت الفندق اللي تبيه برخيص 

وحجزت طيران قبل الموعد بشهر تطلع عليك التذكرة ذهاب واياب ٥٦٠ ريال
خلك تخسر ٣٠٠٠ ريال مع الفندق واجار سيارة 

ولاتدفع الف ريال وتتمرمط وشكاوي وقلة حيا ومسخره 


up 5 down 1
xpoldx 1432
قبل 6 سنه و 4 شهر



كل دقة بتعليمة



..


up 0 down 3
شرقااااااوي 653
قبل 6 سنه و 4 شهر



قل

حسبي الله ونعم الوكيل

ما رح تقدر تشتكي طالما السند معهم والمشكلة أن الوضوع ضاع بين المكتب الي بالرياض والفندق الي بمكة ورح يضيع وقتك في مطالبات بدون نتيجة

اتصل على المصري الي بالمكتب وسمعه شوية دعاوي تخليه ما ينام الليل


up 1 down 1
أبو عبادة 4852
قبل 6 سنه و 4 شهر