العيسائي ولعبه بقوانين وزارة التجارة ولاحسيب ولارقيب
14
2
إضغط هنا للإخفاء
السلام عليكم ورحمة الله وبركاته
انا لدي سيارة باجيرو وللاسف سمعة الوكيل على ماهي ماتحسنت رغم ارتفاع مبيعات الباجيرو الفترة الي راحت
حصل معاي موقفين وراح اذكرهم
الاول اول ماشريت السيارة وديتها صيانة 5000 الاف لهم المهم قلت للموظف ابي صيانة وكذا
قالي بالحرف الواحد : تبي صيانة ولاغيار زيت ! انا عندي سيارات كثر وياما رحت وكالات مايوم احد قال صيانة ولاغيارزيت !
المتعارف عليه الصيانه هي كل شي غيار زيت وسيفون وتشييك السيارة هذا ان شيكو !
المهم قلت وش الفرق قالي غيار زيت ب350 واذا تبي صيانه ونشيك لك السيارة تدفع 150 زيادة واحتمال نعمل لك خصم عليها !
قلت بما ان ضارب مشوار بعيد خلهم يسونها مع اني ماكنت مقتنع نهائيا والورشه حقتهم ماكانت تطمن ابد كانك في صناعية مو وكاله
المهم دخلو السيارة وربي اني اشوف الي شغال عليها تحس مغصوب يشتغل ولاله نفس يشتغل بذمه وضمير استلمت السيارة فتحت الكبوت
موية الراديتر والمساحات والزيوت من بريك وخلافه كلها ناقصه ولاشيكو اي شي فيهم
شيكة هوا الكفرات بعد ناقص قلت توووبة ماعاد اجيهم مدام نظام وزراة التجارة يسمح لي اغير في مكان شرط يكون معتمد مثل بترومين او فوكس اوريدكاب
مالكم بالطويلة الان السيارة مشت 50 الف ومريتهم اليوم ابي اغير زيت القير بحكم مابغى اغيره بره اضمن
يقولي الفني مدامك ماجبتها التشيكات الي راحت ولاجبتها تشييك 40 الف الي فيه تغيير زيوت القير والدبل والدفرنش مانضمن لك القير بعد تغيير زيته !
قلت سلامات على كيف من ؟ قالي هذا الموجود تبي بنغير لك زيت فقط من غير فلتر ب300 ريال وبدون ضمان اي مشكله تحصل بعدها انت تتحملها !
قلت هذا وانت وكالة وتتهرب من السيارة ؟ كيف برا انا ماجيتك الا انك وكيل السيارة واضمن لي مايصير شي !
المهم تلانست معه قلت ابي سعودي اكلمه قالي مافي كلهم مشو تلقى واحد فوق رح تفاهم معه ! طريقة الكلام والرد يحسسك وكالة لها مبيعات بالاف تبي ولا بكيفك
طبعا انا خرجت من عندهم وقدمت بلاغ لوزارة التجارة على هذا الموضوع وكلموني مشكورين وشرحة لهم المشكلة وسيتم الرد علي قريبا
خلاصة الموضوع : العيسائي حرام يكون وكيل لهاذي السيارة الجبارة ! كل مامدحت السيارة لواحد قالي وكيلها محد يمدحه
راح اوافيكم باللي راح يصير بعد البلاغ ان شاء الله
شكرا وكل عام وانتم بخير مقدما
إبلاغ
سيارات للبيع
الردود
وربي انك كفو
9
0
ووكالات كثيرة ظلموا سيارات جبّارة !!
سواءًا حرمونا منها وما جابوها للملكة أو سيارات جبّارة كانت فريسة "لصيانتهم" وكرهوا العالم بها
7
0
شيك على الالف و 5 الاف و اسحب على ابو الضمان
طلعت افالون 11 ايامها ما عمري طبيت وكالة الا مرة وحده عشان حادث و تندمت على رشتهم التعبانة
تعامل مع مكانيكي محترم اذا زيت القير من تحت مثل الافالون
و اذا عادي اقرب بنشري و القطع الاستهلاكية اي واحد يركبها
اجل زيت و فلتر ب 350 سلامات
تاخذها بالجملة و تغير عند بنشر تعرفه او غيره توقف معه
ما تكلفك كحد اقصى 100 او 120 شوف الفرق
6
0
بس الباجيروا لو تحط القير اسمنت عادي ما يخبط القير .
5
0
3
0
بالسودان هناك يحبونة ومرغوب حييل هو والبرادو ولا تشيل هم شيء حط ررجلك ووتابع سيارتك بنفسك
والله لا يعوزك لهم الوكالة وخرابيطها
0
0
اظن رقم الوزارة
راسلهم
ويجيونك يحبون راسك
0
0
لكن زيت القير عدى عليه 10 الاف كل الوكالات معروف اذا ماغيرت زيت القير في الوقت المحدد يسقط الضمان على القير ومايتبعه
انا ضد تعاملهم.. لكن انت غلطان صراحه
4
6
0
0
0
0
0
0
0
0
0
0
0
0
0
0
قبل 7 سنه و 10 شهر