السياره وسيله وليست غااااااااااااااااااايه

جزاك الله خير
كلامك صحيح
الله يوفقك يارب
ولك احلى لايك

يا اخي هي بالعقل قال لك كل من ركب سياره فخمه شيخ السياره ماهي مقياس الشخص وهي زي ما قلت وسيله

السياره وسيله وليست غايه 
والفخر للصانع وليس للمستهلك

المصيبة ان الشباب بعضهم وليس كلهم اول مايتوظف على طول يروح يطلع سيارة اقساط او تاجير بمبلغ يفوق طاقتة كلة لاجل يكشخ وما يفكر لبعدين ان باقي وراه زواج وسكن وغيرها المفروض ياخذ سيارة على قد فلوسة ودخلة واذا الله رزقة يغيرها وكلنى شفنى من بدى بصفر وانتهى بستة اصفار على اليمين.

كلامك وكلام اللي علقوا على الموضوع صحيح وليس هناك اي شك




ولكن ياخوان هناك فئة لاتفكر مثلنا بل بالعكس اصبحت لديهم السيارة مقياس اساسي ومن الدرجة الاولى نحمد الله عزوجل على نعمه اللتي لاتعد ولاتحصى

يابرنس يا امير 

كلامك لا غبار عليه 

بس ابغاك تقنعني ان راعي ميرسيدس اخر موديل لون اسود ملكي قيمته350 الف= فورد 2001 قيمته 20الف 

^ 
ماتركب وكل الناس بمافيهم حراس البوابات + اي تفتيش + اي احد يمشي وراك ويخاف يدقك + الجنس الناعم 

هذولا كلهم ينظرون لاصحاب السيارتين هذي بنظره مختلفه 

ياخي خل اللوم على المجتمع وفكره موب علينا 

شايب متقاعد من ارامكوا مر عليه واحد في ارامكوا شاب له 7 سنوات موظف 

قال لو فيه خير ما هذي سيارته 

الشايب ترجم حاله الشاب من حاله سيارته لا اراديا وانه لو انه يعرف يصرف دراهمه صح كان اشترى سياره زينه ,

شفت كيف الدنيا 

واحد من اجدادي الله يرحمه املاكه مزارع وخيول وكم مليون + سيارته هايلوكس 71 

واحد ثاني متقاعد من ارامكوا رئيس مصنع + سيارته لاندكروزر 92 

واحد موظف براتب 8500 ونصه اقساط  سيارته ميرسيدس بـ 200 الف

^ 

حالات حقيقيه وقس عليها 

المجتمع يفرض عليك حياتك للمعلوميه 

صح ان السياره وسيله وليست غايه 
ولكن علمني اذا مسكت خط طويل 1400 كيلو كل اسبوعين ... مثل حالتي , هل بتفرق معك اذا سافرت ع ددسن 90 
او مرسدس 2006 ع سبيل المثال ؟

سبحااااااان الله

مو قبل يومين تقول كرهت سيارتك عشانها محكوكه ؟؟؟


سبحان مغير الاحوال ههههههههههههه

فعلاً السيارة وسيلة لكن مو معناها انك تاخذ شي مكسر وكل يوم بالصناعية ..!!

خذ شيء قديم ورخيص لكن يكون سليم من الاعطال ويمشيك هنا تكون الوسيله صح



لكن ياخي فيه شريطية مايخافون الله يخوفونك من السيارات وماترتاح لهم وتتسلف عشان تشتري جديد وكذا عرفت كيف ؟؟؟

الموضوع أخذ منحى أخر ، الرجل يقصد الفئة التي تتباهي وتتفاخر بالسيارات وتعتبرها جزء لا يتجزء من شخصيته وإبراز هيبته !! وقس على ذلك النساء أيضا في تباهيهن بالمنازل والأثات وحتى الأواني المنزلية ( الشوك والملاعق والفناجين !! ) ونوعيات الأكل ! وصلنا إلى حال صعب لا أدري كيف سيكون حالنا بعد 10 أو 20 سنة من الآن ! الله المستعان

مشكورررررررررررين

نعم صحيح السياره وسيله وليست غايه ويعطيك العافيه اخوي 

الله يعطيك العافية يابرنس والله ان اهم شي عندي في السيارة هي انها توصلني من مكان الى مكان من غير تعطيل وتكون مكيفة

ولاهمني شكلها أو موديلها أهم شي توصلني بالسلامة ......... تستاهل لايك

أنا سمعت بواحد معه سيدريك

باع له ارض ب١٠٠مليون 

شرى بيوك على عزها ههههه