السيارة القديمه والجديدة

كل شي في الجديد افظل طبعا من كل النواحي 
الميزه في القديم صناعة قطع الغيار اطول عمرا فقط الجديد تحس عمرها الافتراضي اقصر 

أمان ورساوة وحتى قوة ...للجديد
الاربعه سلندر بتيربو من الجديد أقوى من سته سلندر كربريتور سنة الف واربعمية وخشبه
التحمل والأعطال للقديم ... زمان يصنع لك سيارة تعيش ثلاثين سنه وتخدم 
بس اكتشفت شركات السيارات ان ثلاثين سنه خدمة تضر المبيعات والمكسب
خلاص الحين عاشت معك عشر سنين جمل الله حال الموتر

كل له ميزاته وسيأته
القديم اعطاله اقل
بدي اقوى
يدزم اطول
يتحمل اكثربعض قطعه تتصلح يعني تشتري بدل التالف فقط ولاتشتري كامل بسبب جزء بسيط .
راسية بسبب الوزن.
اما الجديد بعكس ماذكر ولكن يفرق انه يحتوي على انظمة سلامة وتكنولوجيا متطورة

اخوي iadnuyh اختلف معك في اخر نقطة....في سيارات قديمة فيها انظمة سلامه غير موجوده ب  سيارات 2015 عندك الفياقرا وعندك المايباخ 2004 وغيرها من الاوروبي 

السيارات القديمة آآمن من ناحية الصدم الجانبي و الخلفي لكن الصدم الأمام أقل لأن الصدمة ياكلها الركاب بدلا عن السياره 

 الرساوة القديمة 

التحمل القديمة 

و كذلك ميزة السيارة القديمة أن حجمها يعطيك حقيقتها عكس الجديد منفوخ على الفاضي تشوفه من بره تقول كبير

تركب تتضايق من الحجم و هذي فلسفة تصميمية هدفها رفع السعر و غش الزبون 

اخوي علي عبد المحسن العنزي
انا اتكلم عن اغلب السيارات وليس تحديدا وكلامي عن القديم عامة دون تحديد الموديل او الاسم.
يعني موديلات السبعينات مثلا الياباني حتى حزام سلامة بعضهم مافيهم لكن تخدم السيارة وعطالها نادر مش مثل الان حتى الصدام احيانا ينفك من المطبات في بعض السيارات.
ومشكور على ردك وكسبت معلومة منك

سيارات زمان اعطالها قليلة عشان انعدام التقنيات فيها محرك وقير ودركسون وكفرات
لافيها حساسات ولاكمبيوتر

لكن من ناحية المكينة حتى سيارات اليوم تقدر تصل ممشى مقارب لسيارات زمان

وجهة نظري ان الوضع يختلف من شركة لشركة يعني مانقدر نحكم على كل السيارات بنفس الحكم

ونضعهم بسلة وحدة

بعدين ياراعي الموضوع انت ماحددت أي السيارات القديمة تقصد؟

موديلات السبعينات والثمانينات ؟ أو حتى الموديلات القريبة من الموديلات الجديدة مثل 2003 و2004 ؟

لأنه فيه ناس تعتبرالموديل القديم هو موديلات السبعينات والثمانينات

  وموديلات قبل ال10 سنوات لاهي قديمة ولاحديثة

وفيه ناس تعتبر موديل 2008 قديم! يعني على حسب نظرة كل شخص فماادري انت وش تقصد بالضبط

 اقصد من موديل الثمانينات  

يبن الحلال الجديد اطلق في كل شي


بلا قديم بلا خراط انا معاشر القديم والجديد ، القدام وش فيها بتقول لي رساوة اقول لك تسمع بها واقرب مثال ابشوف واحد معه كابرس ولا جمس قديم موديلات الثمانين او حتى التسعين يمشي 160 وياخذ المنعطف بكل ثقة وبيد وحدة ولو يهوز الموتر ماراح


ناهيك عن الفرامل المخيسة لو تزيد شوي تزحلق


الناس ماخذه فكرة عن الجديد عشانه لين صدم انكسرت شمعته ولا انعفط بابه قال كرتون طيب رح اشتر كابرس 90 وانفضه من الى واقعد به كم شهر ان ماجيت تزحف للجديد


القديم ولى زمانه خلاص انتهى ولا ينفع لعصرنا ذا ، انت تخليها مجرد تخيل ان على خبال شبابنا ذا معهم كوابرس قدام على هبالهم ان ما تسدحوا كل يوم الالف الرجاجيل ميتين


الحين الجديد وبانظمته abs وارباق وطواعين ويالله يسلمون بتعطونهم كوابرس ولا مواتر قدام