أضف سؤال أو موضوع جديد          

ايهم افضل 335i او M3 الموديل 2009؟

up 5 down 3
تمساح في رحلة 9
قبل 6 سنه و 4 شهر



السلام عليكم 



انا ناوي اطلع قرض واخذ بي ام الفئه الثالثه وحاير مابين 335i موديل 2011 ماشيه 80 الف كيلو سعرها بـ 95 الف
 او M3 ماشيه حول الميه الف موديل 2009 بمبلغ وقدره 110 الاف ريال سعودي
السيارتين مستعمله تحت الميه الف وابي نصيحه مجرب بالنسبه لتوفر القطع والصيانه والتحمل للاستخدام اليومي
وقدرتها على الكرف في الحر.

واذا احد يقدر يفيدني بخصوص الافضل ما بين الكشف والفتحه يفيديني الله يوعده الجنه.

نيتي اكرفها من 5 الى 10 سنين قدام وانا رجال محافظ بالصيانه بس رجلي ثقيله.
الي عنده نصيحه بخصوص طلبي لا يبخل علي الله يجزاكم خير.


جزاكم الله الف خير مقدما واتمنى منكم المشاركه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله ياخوي قرض على بي ام مستخدم ماتجي 
يبغالك قرض ثاني للصيانه وقطع الغيار للسنين الجايه
وبعدين هذي السيارات للناس الي ماعندها التزامات وتشريها بالكاش 
اما قرض والله نصيحه ابعد عنها وعن الالماني كله 
والمستخدم هذا الموديل يبدا يطلب وعاد سيارة كوبيه ماتدري عن استخدامها


up 11 down 1
al_orainy 56
قبل 6 سنه و 4 شهر



اكييييد M3 افضل واقوى 
وقطعها متوفرة في الوكالة لكن تقولي تبي تكرفها ؟؟
وش شايفها كامري ولا هوندا !!!
البي ام يكررف مااقول لا 
لكن مع الكررف راح يسلخك في قطع الغيار
اذا تبي هذي النوعية من السيارات خذلك سيارة ثانية جمبها كورلا كامري هوندا 


up 5 down 0
t o m a h a w k 761
قبل 6 سنه و 4 شهر



وجهة نظري

تبي تاخذ قرض يعني صيانتها بتكون صعبة عليك

فيه سيارات تاخذها قطعها صحيح غاليه ولكن ما تحتاج صيانة دورية متى ما خربت تصلحها

اما البي ام خصوصا الموديلات المذكورة لابد من صيانة بشكل مستمر 

وكل قطعه تركبها لازم برمجه يعني صيانة مضاعفة 

اشوف انك تبعد عنها تبيها 10 سنين قدام انسى شرط من ثاني سنه نحصلها واقفه بالشارع ومغبرة

ما عاد قدرت على صيانتها وتوقف حتى تشيلها البلدية


up 3 down 5
ابراهيم التركـي 1067
قبل 6 سنه و 4 شهر



رجلك حارة يبيلك ميزانية حارة مهما كانت السيارة بالنسبة للفرق اشوف 335 تجي تون تيربو خيار مناسب وقطعه متوفرة ولكن التيربو له مشاكل من تهريب الصوفة وكذا 

اما M3 ابتعد عنهااااااااااا مالها قطع الا طلبية بالوكالة وغالية جدااا جدا 


up 0 down 0
benz lover -79
قبل 6 سنه و 4 شهر



اذا تكرفها  تراها رراح تكرفك بالورش 
وحده بوحده يعني هههههه


up 3 down 0
صوت العزاوي 523
قبل 6 سنه و 4 شهر



M3 قطعها مختلفة وماتحصل الا طلبية خذلك 335i احسن 


up 1 down 1



M3 أفضل وأقوى سيارة ممكن انك تقتنيها لكن المشكلة في انك تحافظ عليها
 بمعنى انك تحترم قوتها وتغيير الزيت بالوقت مع الفلتر 
العناية الدائمة المستمرة وعدم اهمال اي عطل او اشتباه عطل
لأنك كل ما اسرعت لأكتشاف الخلل كل ما ساهمت بتقليل التكلفة.
وانا شخصيا عندي وحدة أم3 وما اشتكيت منها وعارضها للبيع لأنها اصبحت صغيرة
وانا نلت منها الأحساس بالصدارة والتقدم في صناعة السيارات فعلا مالها مثيل
 الا اذا بتقارنها بالبورش والامبو والفراري وام جيه


up 1 down 1
بارلامنت 4
قبل 6 سنه و 4 شهر



اخوي نصيحه عندنا وحده مع اخوي m3 والثانيه مع صديقه 335  وكلهم صيانتهم مرتفعه ودامك ماخذ قرض ابحث عن سبور عملي مثل موستانج تجلد فيه ليل نهار مايبي شي ورخيص بالمبلغ اللي معاك تشتري موديل احدث من البي ام او فكر بانفنتي سبور G37 


up 2 down 0
abofarah 1080
قبل 6 سنه و 4 شهر



البي أم تصلح إذا ما عليك ولا دين و أنت كاش و راتبك ما يقل عن 25 ألف ريال 
غير كذا أطلب الله 


up 0 down 0
cobrax -83
قبل 6 سنه و 4 شهر



والله يابعد راسي دامك بتاخذ قرض فانصحك اصرف النظر عن الالماني كله 

ماننكر فخامته وقوته وراحته وهيبته ورزتة 

لكن اللي ننكره اسعار قطع غياره وصيانته

يعني كل العز اللي انت راكبه لاتنسى انك محسوب عليه وبتدفع ضرائب راحتك


up 1 down 1
ابووسحر 134
قبل 6 سنه و 4 شهر



اذا بتخربها دام بتاخذ قرض وسياره مستعمله خذ M بس لازم تعرف انه قطعها غاليه زي طرنبة القير smg قيمتها 9000الف ومستعمل ارخص وزي كلتشات القير كلها غاليه
اهم شي تاخذ سياره مصينه حتى ترتاح كلتشاتها وطرنبتها جديده لان هذي تتغير بشكل دوري كل كم الف  
لكن نصيحتي النهائيه دام بتاخذها بدين لاتشتريها معروف البي ام الي يستخدمه بيخسر عليه وبوضعك ذا خسارتك واجد اذاهاوي سياره رياضيه خذ كورفت اوتشالنجر اوكومارو اهون عليك في الصيانه


up 0 down 1
جون سيلفر -187
قبل 6 سنه و 4 شهر



الزبده انحاش عن الاسود الكشف اللي ببالك بس ودام تبى اقلاع خذلك ام5 او ام6 مكينه 10 سلندر ممشاه اقل من 80 وتحصل نضيف لكن تذكر ان القير smg لاخرب قطعه ناار والله الموفق


up 0 down 0
camaro28 812
قبل 6 سنه و 4 شهر



الله يبيض وجيهكم جميع.. ونعم الرأي وشوركم على العين والراس.

دام هذي اسعارها للأسف ماقدر اخليها سيارتي الاساسيه. لازم شي مرن واكثر من كذا اقتصاديه.

الله لا يضيع لكم غالي.. وكل عام وانتم بخير بعد الزحمه


up 1 down 0
تمساح في رحلة 9
قبل 6 سنه و 4 شهر



لخوي اذا استخدام اخر الاسبوع خذ الام 3 لكن راح تتعبك كثير بالقطع ! ال 335 اخف مصروف وعزمها مو زي ام 3 لكن رائع  .... وبالنهاية الك الخيار والذوق ... الله يوفقك


up 0 down 0
eng_smart 12
قبل 6 سنه و 3 شهر