سويت حادث ارجوا الافاده

والله ودي افيدك لكن مالي علم , كان الله في عونك ويسر امرك

يعني الغلط عليه هو مو عليك , اذا عنده تامين شامل فهذا زين واذا ماعنده الله يعينه

حمد لله على السلامه و الغلط عليه هو مو عليك

+1 لايك للجميع

الغلط عليه موب عليك ، ونصيحة مني حتى لو عندك تأمين شامل ، خله يصلحها لك على تأمينه  ، لأنك لو صلحتها على تأمينك راح يأخذون عليك فلوس ، على ما أظن إنه إسمها نسبة تحمل  ولله يجعلها آخر الحوادث والمشاكل لك وللمسلمين أجمعين 

الله يجزاكم خير ياشباب بالنسبة لموظف نجم قال لي راجع شيخ المعارض وقيم موترك فالورش المعتمده 
اللي اعرفه انا ما اقيم السياره فالورش اقيمها فالوكاله بحكم سيارتي موديلها 2015 

شيخ المعارض هو اللي يحولك للوكالة ، يعني لازم تروح له 

شيخ المعارض هو اللي يحولك للوكالة ، يعني لازم تروح له 

انصحك لا تدخل تامينك الشامل في الموضوع،،،،اجراءاتها طويلة ومملة ولازم يستلمو السيارة ويصلحوها في ورشهم، وغير كذا حتدفع نسبة تحمل ١٥٠٠ تقريبا

خلك على تامينه،

راجع تقديرات المرور وقدر قيمة الاصلاحات، وبعدها روح لشركته التامين حق الطرف الثاني وقدم اوراقك وانتظر اسبوعين ويصرفولك شيك او يحولولك الفلوس على حسابك

ودمتم سالمين

نسبة التحمل اذا كان هو المخطي لكن دامه ما اخطى عادي مايدفع ولا ريال

المفروض تاخذ مخالفة وقوف خاطئ الوقوف وراء سيارة مخالفة صريحة والغلط عليه 100% هذي مافيها نقاش المفروض يناظر خلفه 

انا بعطيك تجربتي شخصيا انا قد صدمني واحد وانا ماشي بخط سريع بالوسط خش علي وضربني في الصدام الخلفي مع الزاوية معاه تامين شامل اعطوني نجم تقرير المرور تروح ياطويل العمر للتقديرات وتاخذ 3 تسعيرات من ورش والموتر معاك طبعا ويقدرونها لك بيعطوك سعر ممتاز ماعليك ويختمها لك الضابط من الخلف وتروح تراجع شركة التامين بعد 5 ايام طبعا شركة التامين للي صدمك موب تامينك انت 

وتعطيهم  الاوراق يقولون لك الشيك يبيله اسبوعين هم كذابين اعمل حسابك 25 يوم الى شهر تاخذه وتصرفه كاش وتصلحها بمزاجك 

اصلا تأمينك ما يتدخل في الموضوع وماتستفيد من الشامل الا اذا انت زورت الحادث وحطيت الغلط عليك


اذا كان خصمك عنده تأمين   فالأمور ساهالات   واذا ماعنده تأمين   بتتعب معه

 ناظر وش سويت 
وقفت وقوف خاطيء
أخرت الرجال على فرض ينتظرك 
تسببت بتلف بسيارته 
تحميله مالايطيق من مراجعات هو بغنى عنها 
البعض يداري سيارته واشتراها بجمع ريال على ريال واخرتها تطيب نفسه منها بسبب طقات حتى لو بسيطة 

ياخي خافوا الله الزحمة بليا تقرف تجون تزفتونها بزيادة بوقوف خاطيء!!! 
وقف جنب المحل وريح راسك 
خذ لك فره ثانية وثالثة ومالقيت موقف وقف بعيد او لاتوقف او حط رقم جوال واترك الناعس شغال 

والله أحيانا اوقف بعيد مع انه فيه موقف لـكن زحمه ويالقموقف ضيق ياتخاف يسكرون عليك ولا يحكك واحد , عاد من كثر ما تبلون الناس ما أنلام

الحمدلله ع السلامه ويعينكم ربي