رأيكم بالارضية تلبيس بلاستيك

والله انا ما انصح بالاكياس للمراتب والموترربشكل عام 

لبس الدعاسات ويكفي 

لاتحرق موتري وتخلي شكله قبيح عشان تخليه يلق للشخص اللي بعدك

حلل فلوسك ياخي واستمتع بموترك عيد عن القراطيس

بعيد عن القراطيس*

على حسب السياره اذا مقاعدها كهرباء وايرباجاتها كثيره ماافظل
امااذا سياره استاندر عادي تلبيس الارضيه بشرط تفصيل شغل مرتب  و5ملم النايلون ببطلع ممتاز يكلفك حول 250ريال
المقاعد نهائيا لاتحط عليها اكياس استمتع فيها خصوص اذا جلد وفيها ايرباجات بالجنب لاتحط لها نايلون سلامتك اولى من نظافة المقاعد

انا ضد التكييس انا مشتري موتر بمبلغ وقدره علشان استمتع
بكل تفاصيل الموتر ليش اكيسه ويجي اللي بعدي ياخذه مني بنص
القيمة ويستمتع في شي انا احق منه فيه 

اذا سياره عائله واطفال وتكبب انواع السؤائل والعصائر فالافضل تلبيس الارضيه فقط

اما الاسيات فيمكت تلبيس قماش فقط وليست تكييس

اما السياره السيدان وشخصيه للشباب او واحد وزوجته وطفل صغير ماتصلح لانها تجمع غبار بدون فايده

+1 لايك للجميع

انا ضد تكييس اي شي بالسيارة خصوصا الدعاسات لانها قطعة استهلاكية .

و اذا تبي تحافظ خل معك بخاخ max cleaner تحصله عند الزينة ب 20 ريال و خله بالسيارة و اذا صار شي بخ عليه و امسح و ترتاح 

 التلبيس وخاصة اكياس
اصوات مزعجة 
الغبار يعشق الاكياس 
ماتحس براحة الكرسي واذا فيه رطوبة ماتقدر تثبت نفسك 

نصيجة لاي شخص يبغى يلبس اكياس 

فقط الارضية اما المراتب تلبيس جلد فقط 

تلبيس اكياس ما انصح فيه ابد .. ركبته و شلته انواع 
الازعاج و يرفع حرارة داخلية السيارة 

الارضيه ممكن عشان دائما الجزم وانتم بكرامه توطي عليها وتكون مليانه وسخ وتراب وطين وقرف واااااااااااااااع

اما المراتب ما يحتاج
واذا على الحر

ما اعتقد انها تجيب حراره لان مكانها تحت مرره والشمس ما تضرب فيها مباشره

ولا انسى

والله دعسات الارضيه ضروري تلبسها

لان والله انا ندمان مرره اني ما لبستها اول ما اشتريت السياره

تخيل كانت نظيفه مررره تلق لق

ومع السنين واجهتني مواقف
اولها لما اروح صناعيه ولا ورشه اسلمهم السياره ارجع احصل مكان الدعسات كله زيوت وشحوم
اتهاوش انا واياهم
وحاولت انظفها كثير وخسرت عليها مبلغ والله مافي فايده
وبعضها كان ينكب عليها سوائل حلويات او مادري اشياء غريبه المهم ان فيها بقع زرقا وتركوازي
يا رجل الوان قوس قزح تحت رجلي

والله قلت ليتني لبستها اول ما اشتريتها

لأن النايلون مهما جاء عليه وسخ تقدر تغسله او بالكثير تغيره وانتهينه

لكن الفرش ما يتنظف ابدا اذا وسخ قوي زي زيوت ولا شحوم

البلاستيك اسألني عنه مفيد انه سهل تنظيف السياره من داخل ويحمي من التراب والطين 
ولبس المراتب اذا عندك اطفال 
المشكله انه يطلع ريحه بالسياره ويحشر الديكورات اللي حول الجلب وبعضها ينفك