افضل _ الشراء_ من _ النت _ أو_ من _ المعارض

لا ذا ولا ذاك 
افضل شيء تاخذ سياة عن طريق معارفك
صحيح بتطول بس تاخذ شيء مضمون
سعر و نظافة 
طبعا في المعارض وفي النت
الاسعار مبالغ فيها وبقوة 
ولو بتشتري سيارة من النت او المعارض
فاضمن انك راح تخسر 10 الف على الاقل
اذا بغيت تبيع 

الحنيشي الحارثي مشكور اخوي ..

لكن والله بالغت يا خوي 10000 ريال ههههههههههههههههه 

حرام عليك انا اصلان معي 15000 ريال بكم السيارة وبكم الصيانة ههههههههههه

من موقع حراج أفضل شيء هههههههههه 

ادخل على إسمي تاهو 2007 للبيع هههههههههه 

تسويق

اذا بتاخذ من المعارض او النت 
ما بتحصل ب15 الف سيارة نظيفة
 الا كرسيدا 80 

ابراهيم التركي 
كم تبي في التاهو 2007 

مسيوم 65 ألف لحد الآن 

الشراء اشتر من أي مكان ما يضر لأنك بتفحص في النهاية وبتشتري بدراهمك وأنت عارف سعر اللي بتشريه
أما البيع هو اللي يفضل انك تبيع في المعارض حتى لو طاح 3000 من قيمة السيارة لأن اللي في المعارض ناس تسوم وتدفع ودراهمها جاهزة والجدية حاضرة حتى لو كان البخس موجود
بعكس المواقع اللي مليانة ممبزرة وشريطية متخفين وناس غير جادين

ياحبيي اكلمك من واقع تجربة
السيارات اللي موقفة بالمعرض معناته صاحبها مو مستعجل
على بيعتها يا إنه شريطي او معه سيارة غيرها هاذي سعرها
خرافي قريب من سعر الجديد لأنه مايهمه متى تنباع اليوم
او بعد سنة
والموقع نفس الشي اللي مو مستعجل ع البيع سعرها غالي جدا

والانسب تتابع الموقع وتشوف الرجال البياع اليوم او بكرة تاخذ

السيارة بقيمتها المستحقة او تنزل المعارض كل عصرية 

وتشوف الناس الجلابة اللي ينزلوا سياراتهم للسوق يبي 

يبيع اليوم او بكرة وتحصله طالب فيها سعرها المناسب

أأبو نوااف ،، مشكور والله انك جبت الزبدة والمفيد ،،

يعطيك الف عافية :) 

والله على حسب البائع بعضهم عنده ذمه وضمير
وبعضهم مايخاف الله
تجربتي انا اشتريت كامري امريكي 2009 6 سلندر
وافالون 2009 امريكي كلها بطايق جمرك وما عليها كلام ونضيفه
واخذتها من الموقع 
وكمان اشتريت يوكن 2008 بطاقه امريكي من خارج الموقع 
اخذته من صاله ونضيف ويطربك
الي بياخذ صالة امريكي من الموقع او خارجه بيحصل مطلوبه وبسعر اقل
من الاستخدام السعودي

من المعارض طبعاً . الموقع اغلبه شريطيه 
لكن ما يمنع أن فيه سيارات لقطه في الموقع 

اذا بتشتري مستخدم من المعارض يبغالك اسبوعين على الاقل الين تحصل السيارة الي على البال وسعرها معقول

وصراحه النت وفرعليك التعب النزله للمعارض ومن كل المدن لكن الاسعار شوي مرتفعة ونادرا تحصل السعر المناسب

مايقرق معارض موقع كل اغلب السيارات الي في الموقع من المعارض

أنا شخصياً اشتريت من المواقع ثلاث مرات 

المرة الأولى سيارة باص نيسان موديل 2008 تجربة ممتازة ولا كنت باحصل مثلها في المعارض بسعرها ونظافتها . 

المرة الثانية سيارة ونيت ميتسوبيشي موديل 2006 تجربة ممتازة كذلك والسيارة كانت نظيفة محركات مع وجود سمكرة في زاوية 

الصندوق الخلفية وهذه السلبية الوحيدة في السيارة . 

المرة الثالثة سيارة جيب لاندكروزر جي اكس موديل 97 التجربة لك عليها بسبب السيارة شريتها بسعر غالي لكن في المقابل 

السيارة كانت نظيفة جداً في المحركات والبودي في تلقيطات مع وجود رش في باب صندوق السائق كذلك غيرت فيها بعض 

القطع مثل الباكم ومساعدات الكبوت واصلاح علبة الدركسون ووجيه وصوف وغطاء الديلكو واتوماتيك المروحية وقفل للأبواب

وتلحيم بسيط للشكمان ورش البوية الداخلية للرفارف فقط . 

اشتر من الناس الي جايه للمعارض
لا تشتري من معرض ولا من الي يحرجون

المعارض مبالغ باسعارها بشكل ماتتصور هي بالاساس ليست ملك للمعرض وصاحبها لو يبي يبيعها بسعر السوق كان باعها على الناس الي هناك بنفس اليوم ولا تنسى انه المعرض ياخذ سعي يعني يا طويل العمر بيكون سعرها اغلى من سعر السوق ب10 الاف تقريبا كحد ادنى