نصائح للمحافظه على الكفرات

اعتراضي على نقطتين 

3 و 7

تدوير او تبديل الكفرات اشوفه غلط

احيانا تحتاج خصوصا للدفع الامامي بعد كم شهر ترجع الامامي للخلف والخلف تجيبهم قدام

لان الكفرات الامامية تمسح اكثر هذا بالقصيم والرياض فقط لان الازفلت ناعم والكفرات الامامية تمسح

ولكن بالمناطق الاخرى مثل الغربية الازفلت خشن الكفرات الاربعه تمسح مثل بعض بالغالب

و بأكثر الاحيان لو بدلت الكفرات تحصل معك حذفه يمين او يسار يعني خلها على وضعها افضل

بالنسبة لرقم 7

الوخز يقصدون التيوبلس

يعني مسمار تروح تسوي رقعه داخلية وتتعب نفسك بمبلغ اكبر و وقت اكثر ليش

التيوبلس على المسامير ممتاز ولا عمره خرب و 5 ريال و اذا جيت تبدل الكفرات بعد ما تنتهي 

تحصل التيوبلس مثل ما هو لا خرب ولا نسم مكانه ولا تحبيل ولا شيء

النصايح هذي ما يكتبها الا وكلاء الكفرات عشان يكسبون اكبر قدر يقدرون له

في النقطة 3 :
تدوير الكفرات حسب نظام جر السيارة 
السحب الامامي /
الكفرات الامامية ترجع للخلف بالعكس يعني امامي ايمن يصير خلفي ايسر و امامي ايسر يروح خلفي ايسر و الكفرات الخلفية تتقدم مثل ما هي بدون شقلبة .
الدفع الخلفي /
عكس السحب الامامي بالضبط 
الدفع الرباعي /
الامامي يرجع خلفي مقلوب و الخلفي يتقدم مقلوب يعني X.

 و التدوير له طريقتين تدوير الكفرات الاربع او تدوير الخمس كفرات ( الاستبنة) و الاسهل الاربع بشرط عدم استخدام الاستبنة الا وقت الضرورة يعني بنشر كفر ركب الاسنبنة لما تشتري كفر في اقرب وقت ثم رجعه مكانه علی طول لا تشتري جديد و تخليه استبنه .

في النقطة 9 :
يختلف من كفر لكفر يعني المدی بالاختلاف 4-6 psi و قياس الضغط يفضل تشتري لك مقياس خاص فيك متواجد في ساكو او محلات الزينة و تعتمد عليه لاني من تجربة مريت فيها مع البناشر المقياس خربان و كنت اقيسه علی 40psi للاكسنت و قياس ضغط الكفر لا تتعدی 1.6 كيلو متر عشان ما ترتفع حرارة الكفر ثم يرتفع الضغط مثل بعض الناس يقيس الكفرات اذا ناوي يسافر في اول محطة علی الطريق السريع اذا كان بيعبي بنزين و هذا غلط لانه ممكن يرفع الضغط الی 50 اذا كان جيب مثل اللاند وووو .
القياس اما في الصباح او بعد 6 ساعات من الوقوف .

اضيف نقطة 12 :
اذا ناوي تسافر لفترة طويلة و خاف ان الكفرات تحبل . اقرا الضغط الاصی للكفر و ارفع للحد الاقصی و يختلف من كفر لكفربعضها 45 و بعضها 55 حسب الكفر لان الكفر القاسي بسبب الهواء ما يحبل .

اضيف نقطة 13 : حاول قدر المستطاع تساوي الكفرات اذا كان تصمينم السيارة مطابق للتساوي لان بعض السيارات الامامي مساوي للخلفي و بعضها لا الخلفي اعلی من الامامي مثل الهايلكس .
و الاهم موازنة الجنب الايمن بالايسر لان فرق رقم او رقمين يختلف من ناحية الحذفيه و استجابة الكفر للدوران و الفرملة .

و مشكور علی هذا الموضوع الجميل 

بالنسبة لرقم 3

اوافق كلام الاخ ابراهيم بعض الاحيان ممكن تبدل الاماكن وتطلع معك حذفة

ومرات تخف الحذفه ..

ومشكور ع ابموضوع الجميل

طيب ليش الوكالة صيانة الجميح تبدل الكفرات الأمامية ترجعها للخلف والخلفية للأمام كل 20 ألف أو 40 ألف كيلو


وش السر وهذي هي وكالةةةةةةةةةة وتسوي كذا

طيب ليش الوكالة صيانة الجميح تبدل الكفرات الأمامية ترجعها للخلف والخلفية للأمام كل 20 ألف أو 40 ألف كيلو


وش السر وهذي هي وكالةةةةةةةةةة وتسوي كذا

عشان تقولهم فيه حشفه يقولون لك وزن 1000 ريال

او يقولون الكفرات تعبانه محتاجه غيار و كله من جيبك

لا تاخذ الوكالة مقياس للصيانة لانهم يصيبون في شيء و يجيبون العيد في شيء و الشيء الثاني سبب الحذفة التاكل الغير متساوي في الكفرات 

اكثر شي يخرب الكفرات الوقفه الطويله
 وتحبل الكفرات مثلآ
 سيارات العايله توقف شهر
وكذلك الفرامل القويه مثلا
تمشي فوق 160 وتبي توقف السياره 
بمسافة 10 متر مثلآ

فلنم هندي هو

تمشي 160 و توفف بمسافة 10 متر هههههههههه 

يعطيك العافيه أخوي فايز.
+1

الي مومقتنع اوموفاهم ليش تتبدل الكفرات   كل كم الف كيلو لازم تتبدل
لسبب الكفرات الاماميه عليه استهلاك وضغط تتعرض للمسح اسرع لانه عليها توجيه السياره يلف الكفر وهي واقفه اوماشيه بالاضافه اذانها دفع امامي بيصير الضغط عليها اكثر من الخلفيه لان الوزن ووظيفة الكفرات بالامام اكبر لذللك تتعرض للتلف اسرع من الخلفيه عشان كذا ينصح باستبدالها وتغير اماكنها حتى تتساوى الكفرات في المسحيه وتغيرها كلها في وقت واحد 

بالنسبة لتبديل الكفرات انا مجربها كل 6 شهور او 10000 اغيرهم اول مرة اكس × مع ترصيص ثاني مرة ورا قدام
الكفرت تمشيني 75000 مرتاح او ثلاث سنوات بالاخر اغير اربعة مع بعض وبالصيف لو عندي خط اخلي الضغط 30 امان