باذن الله مسافر للمدينة المنورة

من وين بتمشي ؟؟

الرياض                            

افضل طريق تطلع ع القصيم ومن القصيم للمدينة بس بس خذ احتياطك ان من بعد القصيم مافي محطات واجد

يفيدونك الاعضاء  ان شاء الله 
لكن لا تنسى الاستبنه + ماطور الهوا 
وشيك على الكفرات  ولا تسرع 
وانتبه من تفتيش ام سدره 

أنصحك بالراجحي كأسرع بنك في المملكة بسرعة التمويل 
نص ساعة وفلوس القرض بحسابك ( إذا ما عليك إلتزامات ) 

عذراً يا شباب الرد حقي إنقلوه للموضوع اللي يسأل عن البنوك ، اخطيت في الموضوع ههههههههههههه 
لأني ماسك خط مثل راعي الموضوع هذا بس رايح لقطر ^_* 

حياك الله 

افضل وقت اخترته ما شاء الله 

الحرم في المدينة فاضي ومناسب هالوقت

تطلع من الرياض للقصيم ثم للمدينة 
أهم شي عب فل بالقصيم لأن بعد القصيم المحطات 
قليلة وأغلبها داخلية مو على الخطز

لايك للجميع 
بس بغيت اسال انا معي كورولا ٢٠١٢ هل يكفي البنزين من القصيم للمدينة

نصيحهة لاتسرع السرعة شف وش سوت فيني ضربت المكينة عندي للعلم موتري كرولا 2004 مهما كان الموتر بطل غير140 لاتتعدها نصيحه

السلام عليكم اخوي ابو عطيه .. 












- تطلع من شمال الرياض تمسك خط القصيم المهم قبل النقططه احتمال في ساهر ، بعد م تعدى نقطه تحصل قدامك ٣ سواهر ثآبته ( صلبوخ + تجيك لفه طال عمرك من تحت كبري لف فيك يمين ثمن يسار وتحصل واحد ع يسارك سآهر + بعد ٧٠ كيلو تحصل سآهر ثآبت ) .. بعد ٢٥٠ كيلو نقطه تفتيش الغاط .. فيها نزول بعدها في محطه عب من عندها ، ثمن هدي عند الغاط بتحصل ساهر عند اعمده توهم مركبينها ، فيه ساهر هناك .. بعدها طال عمرك تجيك اوسخ نقطه ام سدره بريده اذا تعديت منها ، بعدها ماعندك ساهر بس انتبه من امن الطرق والله ي هم يرصدون مخالفات الله وكيلك ، بعد نقطه ام سدره تجيك البتراء هذي اخر محطه تحصلها ، بعدها قطعه مافي محطططات بعد بتراء حط رجلك م عندك لا ساهر بس عندك امن الطرق ، تجيك لوحه المدينه المنوره ١٤٠ كيلو  حاول تمشي ١٢٠ والله حناكيه والصويدره ي هم وسخين بتحصل سواهر وامن الطرق حاول تمشي ١٢٠ بس 
















- تجيك نقطه المدينه المنوره بعد نقطه بتحصل ساهر اللي مافي احد م لقطه مسمينه ساهر نكبه ههههههههه وسلامتك واذا بغيت شي انا تحت امرك

حمل برنامج خرائط على جوالك وانصحك ببرنامجigo ميزته يطلع لك مسافة الطريق والمحطات والصرافات اللي قدامك حتى الفنادق والمطاعم والورش واي شئ تبيه يطلعه لك بالخريطه 

بالنسبة للسكن .. أحجز عن طريق البوكينق أضمن وأريح

واضح انه طريق غثيث من كثره ساهر فيه 
الله يعينك ويوصلك بالسلامة 

طريق الرياض  القصيم  المدينه  ب
عد القصيم المحطات تقريبا فيه خمس على المخارج وواضحه
انارتها فيه اللي ياليمين وفيه اللي باليسار
وازيدك اول ماتطلع من القصيم راح تجيك لوحه حقت المحطات فيه 
فيه محطه ع مخرج رقم وانت انتبه الزبده فلل البنزين
هدي السرعه عند مخرج الحناكيه والصويدره50كيلو  لانه فيه امن طرق
  فيه ساهر قبل نقطه تفتيش المدينه عند لوحه وادي الحار
  اذا شالوا قريب الله اعلم
وساهر كثير بالمدينه وركز على اللوحات الارشاديه عند الاشارات
 اخبر في اشاره قريبه من الحرم مسارها قدام فقط  اذا لفيت يسار او
فوق تحت يصورك
وانتبه من المرور السري تراه كثير ولاتوقف السياره بمكان
غلط لاجل ماتنسحب عليك
وتروح وترجع لنا بالسلامه 

المهم قبل لاتجي المدينه ب100كيلو من عند الحناكيه
تلغييييم ساهر الين توصل المدينه