لماذا يجب تغير فلتر مكيف الهواء وما هي الفترة الزمنية لغيره؟

يتنظف في كل :
1/مرة تغير زيت .
2/مرة تمسك خط ترابي او زراعي  
3/ مرة يجي فيها عج( عاصفة من الغبار ).


يتغير كل 20 الف كلم -40 الف حسب نوع السيارة و الاستخدام و المحافظة و 

يرجع على حسب المكان 

اذا كان بالمناطق الرمليه دايم عج كل اسبوعين 
اما اذا كان في المناطق الخالية من العج مع كل تغييرة زيت

مع ملاحظة لازم تغير الأصلي حتى تضمن جودة التكييف ، التجاري ما يعيش ولا يمسك الغبار مثل الأصلي . 

شكرا على هذه المعلومات و جزاكم الله خيرا 

انا كل 10 الف كيلو
اغير زيت
فلتر زيت
فلتر هواء
فلتر مكيف
بتقولون مبالغه
بقولكم الادجواء عندنا مغبره وراعي خطوط والسافي والعج قدامي
فلتر الهواء بيلقط تراب لين مايشبع وماينفع تنظفه

فلتر المكيف نفس الشي مع اجوائنا الباريسيه

لو اننا في اوروبا بقولكم غيرو فلتر المكيف كل 40 الف وفلتر الهواء كل 20 الف

ي شويخ لو بغير هذي كل شوي ماتمشي السياره ١٠٠ الف الا وانا مطلع سعر مكينة جديدة

يعني بحسبه بسيطه فلتر الهواء اغيره كل ٥٠الف يعني مرتين كل ١٠٠الف وسعره ٨٠ اصلي وكالة والسيارة اكورد ٢٠١٢ يعني ٨٠*٢٠= باعتبار انك تغير الزيت كل ٥الاف يصير كل ١٠٠الف تغير الزيت ٢٠ مره طلعت قيمة فلتر الهواء ١٦٠٠ريال بدون فلتر المكيف اللي ب ١٤٠للحبه يعني هذا هوس بالسيارات اذا انت محافظ مرره ع السياره لاتتعدى كلام الوكاله ولو اني شخصيا اشوفه مبالغ فيه

اخوي شويخ لو تغيره كل 20 الف افضل لك لانك تغير الفلتر قبل ما ينتهی عمره 

ترا فلتر المكيف يتغير كل ٦٠ الف كيلوو

بس في ناس فلوسها واجد و عمال البناشر عرفوا كيف يسرقون 

اجل كل تغغييرة زيت تغير فلتر مكيف 

شف مكيفات البيوت فيها فلاتر تجلس ٧ سنوات زي الالف

غيره كل ٣٠ الف كيلو احتياطا 

او انفخه بالهواء باستمرار كل ماحست دفع الهواء يقل 

يا الربع ترى مهب زيت هو تغيره كل 60 الف واللي يقول 40 الف واللي يقول توه

هذا فلتر له فترة معينة وزمن ويتغير ما يرتبط بالممشى ابد


ياخوي فيه ناس يجلس سنتين ونص ماوصل 60 الف يعني معناها فلتره سليم مالها دخل


الحل المثالي هو كل مرة تغير زيت تنظفه معك بدال ما هو ناشب فيه اتربة تخفف عنه لضمان فعاليته اكثر

شفته بدا يقلب لونه وتجمعت فيه اتربة وماعاد يصلح جبه على طول معك في تغييرت الزيت الجاية وصلى الله وبارك



ربعنا فيذا مافيه حل وسط ، يا ضلمه يا سراجين


يا يغير وهو زين ويقولك محافظ ولا يخليه ويهمله لين يضعف دفع مكيفه ثمن يغيره ولين طلعت روايح في موتره جاء يتشكى


طيب ليش ما نصير وسطياً في كل شي


انا تقريباً اغير زيت كل شهر واسبوع كل شهر على حسب وانظف الفلتر معي ثلاث مرات بالكثير اربعة اشوفه بدا يتغير اجيبه معي يعني اربع شهور وعليها ، ورح اركب موتري واركب مواتر 2012 وشف منهو اقوى دفع وانظف حتى ريحة مكيفي ماشاء الله من شريتها لين يومك مثل ماهي صحيح فيها منقي جو لكن الاهتمام فوق كل شي زميلي كان يمتلك نفس سيارتي وريحة مكيفه غبار وقطاوه اخر ايامها معه


هذا بسبب الاهمال ، والحرصة الزايده شينه بعد وتجيب المرض والوسوسة



بالتوفيق للجميع

غيرته على ممشى 40000 كيلو وانظفه مرتين شهرياً ولكن هذا الشهر مضطر اغيره مرتين الى ثلاث مرات بسبب اجواء جيزان خلال هذا الشهر عج طوال اليوم ولا يوقف الع الا في نهاية الشهر الجاي يعني من 26 رمضان الى تقريباً 10 او 15 ذو القعدة فما اقدر اتحمل ولا عيالي يتحملو من اشغل المكيف تحس انكـ فاك القزاز تراب وانت بالكرامة يكتم النفس فلذلك هالشهر يتغير لثلاث مرات