معلومات تفيدك في النظام ... تفضل

34 7

لايمكنك التصويت حتى الحصول على 20 نقطة على الأقل
إضغط هنا للإخفاء

als7aimy 1176
قبل 8 سنه و 9 شهر

بسم الله الرحمن الرحيم 
لعل بعضكم يتذكر موضوعي الاخير .. المخالفات الاعتباطية للمرور قبل شهرين تقريبا 
خلال الشهرين حصلت بيني وبين الاخوان بادارة المرور شوية مناوشات 
ومن خلال القراءه ومعلومات من مستشارين قانونيين وزيارتي للادارات الحكومية وزلات كلام غبية مني !!!
طلعت بشوية فوائد لعل وعسى تفيدكم وكل من يقرأ الموضوع باسردها على شكل نقاط علشان توصل للخلاصة مباشره بدون ما يقلب الموضوع سواليف.

* كيف أعرف النظام ؟؟
- ماحد في الادارات الحكومية حيعطيك النظام أو يساعدك بنسخة .. علشان لا تسويلهم قروشة اللي يعرف النظام تراه صداع كبير لهم
موقع مجلس الوزراء السعودي فية كل أنظمه السعودية أي نظام بتستفسر منه تروح لموقع مجلس الوزراء 

https://www.boe.gov.sa

*كيف أشتكي
-بعد ما تتأكد وركز على كلمة "تتأكد" أنك على حق .. لا تروحلهم ولا تتعب نفسك 
ترسل بالبريد المسجل السعودي بخمسه ريال معروض بموضوعك وفيه كل معلوماتك وشكواك باختصار وبدون بكبكه وفلسفه ومعلومات الاتصال فيك
""أحتفظ بإيصال البريد لا يضيع""!!!

*بعد الشكوى وش تسوي ؟؟
-تتبع رسالتك من موقع البريد السعودي .. وأعطيهم خمس أيام عمل من تاريخ وصول معروضك لهم تكرما منك "" منت مجبر ""
وروح لمكتب الاتصالات الادارية عندهم سواء كان مستشفى ولامركز شرطه ولا مركز دفاع مدني ولا حتى مقر عملك أنت
وخذ رقم الوارد أو رقم المعاملة حقتك ... ما لقيت معاملتك ولا قالوا ما جانا شي .
عندك خيارين أما انك تشتكيهم لادارة الرقابه والتحقيق بالبريد المسجل برضه وأرفق صورة من أيصال البريد
أو تشتكيهم للأمارة عن طريق موقع أبشر وأرسل صورة سكانر إيصال البريد .
من 10 الى 15 يوم دوام بيدقون هم عليك ويقولون لك تعال نتفاهم هههههههههههههه .
خلاص خذ رقم المعاملة منهم وتابعها .. عاد ما أنحلت مشكلتك خلال شهرين مشي المعاملة ما بين الرقابه والتحقيق ولا مرجعهم في الوزارة ولا هيئه مكافحة الفساد 
ولا الامارة .. تبغى الفصل النهائي فيها روح لديوان المظالم وأرفع عليهم دعوى .

*متى أتجة لديوان المظالم ؟
- ديوان المظالم هي المحكمة الادارية .. تقدر تتوجه لهم من بعد شهرين من تاريخ معاملتك .

-----------------
فوائد من خلال الحوسه مع المرور ونظام المرور 

-هم نفسهم ماهم عارفين النظام .. ويعوض هذا الجهل بالمنافخ والتخويف والاستفزاز.. لا تعطيه وجه ولا تخليه يستفزك
بالنهاية هو يبغاك تغلط علشان يدخلك في معمعه ثانية .. تعامل معاهم عن طريق البريد السعودي .. وأي واحد يكلمك أطلب أسمه .

- من خلال قراءة النظام ... بيعطيك مخالفة.. لاتنزل من سيارتك , يكتب لك المخالفة ويجيبها لك وهذا النظام .
ولا يحق له يحتجز رخصتك وأستمارتك علشان تنزل له .. أذا طول عليك دق على 993 وبلغهم بأنه حاجز اثباتك .

- يحق لك تسوي أي تعديل على شكل وقوة ومواصفات سيارتك "حتى الزينون بشرط وكالة" حسب الماده خمس وعشرين من النظام بشرط
1- ما تحجب الرؤية 2- ما تحجب اللوجه 3- ماهو تعديل محظور بالنظام زي البوية النيكل وللا السفاتي والبراقات أو الصدامات الشبيهه بصدامات الدوريات 
4 - أو تعديل للازعاج زي البواري اللي بنغمات .

- معلومة غريبة !!!
المرور تكلمهم تقولهم التضليل والقطع الزينه تنباع عادي ليش تخالفني .. يقولك مو شغلتي .
الا شغلته .. الماده اربعه وستين من نظام المرور.. الورش او العاملين فيها او غيرهم ..غيرهم هذي تشمل محلات الزينة والتظليل
أي مكان يتصلح فيه جسم السيارة أو يتغير شكلها أو أبعادها أو قوة محركها بدون تصريح ساري المفعول من المرور عليه مخالفه من المرور
أي تعديل على شكل سيارتك خذ عليه فاتورة من المحل .. وتأكد من كلمة "مع التركيب"
أعطوك قسيمة أشتكي محل الزينه عند المرور بالفاتورة .
يا أما المرور يسمح لك بالتعديل أو يخالف المحل .. لو دخل المرور بمشاكل مع التجار صدقني حيروق.

- المرور والعاملين فيه ما يحددون ولا يفتي من راسة .. ولا يقدر يقولك أن أي تعديل تسويه خطر على السلامة العامه .
هيئه المواصفات السعودية هي المرجعية المعتمده اللي تحدد اذا كان التعديل خطر ولا لا .. مثل التهبيط مثلا ولا الابواب اللي تفتح لفوق.
هذا مذكور بالمادة 24 من نظام المرور .

- نقطة تفتيش .. يمشي النظام على كيفة يطبقه عليك ويمشي غيرك
خذلك شاهد زيك من اللي انصقعوا قسيمة كل ما زاد العدد كل ما كان افضل... وسجلوا لوحات السيارات المخالفة 
وأشتكوا العسكري بنفس النظام السابق .

- يحق للمرور يسجلك كل المخالفات بورقة وحده لو ان شاء الله سبع مخالفات
لكن ما يحق له يخالفك نفس المخالفه مرتين بوقت قصير اذا كانت مخالفه ما تتعدل الا بورشة متخصصه.

- معلومه جانبية .. اللي يحدك أو يتلفظ عليك أو يضايقك بسيارته .. المرور ماله دخل
أشتكية للشرطه .. سجل رقم لوحته وأشتكية.

----------------------------------------------

إبلاغ

الردود