تركيب مروحة أضافية للرديتر

وعليكم السلام ورحمة الله وبركاته

النوع هذا يكون قريب من الرديتر ولو مشيت وتركتها شغاله الهواء يرجعها وتحك برديتر المكيف ويكسرة

لانها بلاستك وخفيفه الريش حقتها

كنت مركبها عندي باللومينا ونسيتها شغاله وانا امشي وكسرت الرديتر وبهذلتني

الله يعطيك العافية يا ابراهيم
بدور نوع ثاني عشان مايكون قريب من الرديتر
وبحط زر لتشغيل وايقاف المروحة عشان اذا كانت سيارة في زحمة شغلتها 

ابراهيم ليه ماطفيت المروحه بالريموت خخخ

عبدالله

اشوف الصورة المروحه مثبته بالجسر نفسه ولكن ماهي واضحه قريبه من الرديتر كثير او لا

انا ما كنت اقدر اثبتها بالجسر و كان التثبيت بالرديتر نفسه عشان كذا قريبه و مع الهواء صار فيه احتكاك

لو عندك باليارس تركب مثل الكورولا على الجسر بتكون بعيده شوي ما منها خوف

لو كان المسافة 3 سم عن الرديتر كافيه حتى لو نسيتها شغاله وانت تمشي ما عليها ضرر ولا خوف

لكن لا تحطها على الرديتر مباشرة

وترى الدفع حقها ماهو ذاك القوة يعني حقت الوكالة نفسها اقوى منها بكثير

انا اشوف لو المروحه الاساسية عندك تركب لها فاصل وتشغلها على طول لو كنت بالزحمة افضل

اصلا الظهر حرررر بالمرررة يعني حرارة الشمس وحرارة الاسفلت وحرارة المكينة وحررارة السيارات من حولينك وش تتوقع من الكمبروسر !!!!؟؟؟؟ عن نفسي بالظهر زحمة ما اشغل المكيف لان رح يكون في مجهود تقيييل على الكمبروسر والمكينة [ وجهة نظر ] وغير كدة الشمس طيبة على الشمس ^^

الشمس طيبة على الجسم زلة اصبع :]

ريال قسم بالله اللحين تأكدت انك ملحوس ههههههههههههه

بالظهر بالزحمة ما تشغل المكيف ليش هههههههههههه وش مجهود وش خرابيط

خله مجهود على الحديد ولا مجهود على صحتك ونفسك وراحتك

ريان اقصد يا ملحوس يلا بس بطلع عندي اشغال لي ساعتين متسدح بالمنتدى 

اليارس ما تحتاج مروحة اكيد عندك مشكلة في نظام التكييف
جرب تغير فلتر المكيف اللي بالدرج اول

عندك شي متوصخ اما رديتر او فلتر او ثلاجة و شيك علی ضغط الفريون و ان شاء الله تضبط امورك 

والله مالومك ياشيخ الضهر حراره غير طبعيه ركبت سياره جديده 2015 بغبارها ومكيف حقها بضهريه ماكنت مشغل شي وهي جديده فمابالك بقديمه الله ييسرها من عندها ان شاء الله بعد عيد الاضحى يتعدل الجو 

كلمني واتساب اخوي وافيدك 0568882834 عندي مراوح

لا تعب حالك اخوي اليارس  ما تحتاج مروحة المشكلة من ضعف الكمبرسر او نقص الفريون او دفع المروحة الاساسية للمكينة ضعيف

كلام العضو ابراهيم التركي صح


كانت مركبه عندي مشكلة الكوابرس والومينات انو المساحه ضيقه ف تضطر تحشرها حشر وماتصلح تفقعلك الاديتر زي ماسوت معاي


خصرت بسبتها تلحيم ب ١٠٠٠بعد المكاسره وفريون كامل وغير حق الفك والتركيب يعني يمكن ٤٠٠ ريال بسبت المروحه هادي ابو ٨٠ ريال الله يقلعها مانصحك فيها شوفها عندي ان بغيتها تعال خدها بس انصحك تدور نوع ثاني افضل

حبيبي بعطيك اياها من الآخر كمبروسور اليارس سيئ جدا و لا يتحمل 
ولف كمبروسور كورلا 2007 و بتشوف الفرق

انا نفس مشكلتك عندي ديهاتسو سيريون المكيف كان سيئ و الكمبروسور جيد 
و غيرت كمبروسور كورلا 2007 و ولفت لها مروحة قدام الرديتر 
مع انه ولا كهربائي رضي يسويها بسبب الضيق محل مررره محشور لان السيارة صغيرة 
بعدها سواها لي شخص هو حارس شركة اصلا هههههه بس ماشاء الله فاهم و دورنا في التشاليح لقيت مروحه
و ولفها و صارت مع السويتش و الآن مكيفها يكسر العظم مع انها خرده ههههههه

يعني ولف كمبروسور و شوف لك كهربائي فاهم يولف لك مروحة صغيرة مناسبة للسيارة 
و بكيفك تركب لها فاصل او دايركت مع السويتش 

و منها شيك على رديتر المكيف و الفلتر

اشتري مروحه حقت كورولا او كرسيدا قراندي اي مروحه معروفه انها نزلت بسياره معينه لاتستخدم الاشياء الاصينيه هاذي 
قيمتها رخيصه بس لو لمست رديتر المكيف رحت شوربه على 80 ريال شوفلك نوع 100ريال او اكثر والله تعيش سنين وتبرد المكينه معاها وتنزلك الحراره
ولو تبغى مروحه مرسيدس بس قوية عاليارس كلمني خاص

والله ياخوي ryyan555 أكيد تمزح !
في احد مايشغل مكيف السيارة في الظهر عندنا؟؟ ذكرتني بطريقة تفكير الطيبين ايام بداية الثمانينات .. مايشتري السيارة المكيفة لان المكيف اوبشن ماله لزمة ... يكتفي بمروحة قعادي زرقاء على الطبلون

اخوي صاحب الموضوع .. انا ارى انك قبل ماتركب اي مروحة انك تتأكد من سلامة نظام التكييف .. عهدي بالسيارات الصغيرة اليابانية مثل الكورولا والصني ان راس مالها المكيف !