واسطه لتصريح القياده

مااتوقع احد يقدر يفيدك يبو مشاري   هنا 
وقبلك رجالو بحثو عنه وماحصلو غايتهم

ربك يسهلها ان شاء الله 

خمسه ايام يمكن يتعلم شي جديد مع انه ماضنتي بس خله يروح وش وراه 

ترا التعود على الواسطه يعدم انتاجيته يصير ما يشتغل يقول عادي فيه واسطه 

خله يروح لحاله بالشمسه عشان يصير رجل ويعتمد على نفسه 

ما خربنا  غير جايك من طرف فلان 
قسم بالله ضلم للي ما عنده واسطه ليه يجي واحد يأخذها بدون تعب 

وأنا اتعب كل هذا عشان عنده واسطه كذا خلاص يتحطم  
ما وراه شي ولدك الله يخليه لك ويصلحه 

الله يجزاكم خير الولد لايزم يراجع بامه للمستشفى كل يوم الصبح وانا عندي دوام والعسكر الله يصلحهم كل ماشفوه لحاله 
صكوه بمخالفه ٥٠٠ فقلت اذا احد يخلصه بسرعه ولا الشكوى لغير الله مذله 

الله يعنيكم و يشفيها 
مفروض ولدك يأخذ ورقه من المستشفى انه مرافق ولازم يجيها وهذي سياره أبوي 
وأبوي كبير بالسن ويتعب خله يحاول يصرفهم 
او يغير البوابه شكل ولدك مايتكلم ساكت مايحاول يصرف 
والله يسهلها لكم 

اذا النقطه برا للمستشفى خله يدبرها حواري لين يفرجها الله 

اضن ان دله فاتحه بالليل مايحتاج نهار 

اخوي  انت  من  اي مدينة ؟؟    وترا بدلة  فيه  ليلي  

واتوقع   لو تحاول تشرحه  وضعه   للمدرب  المصري   ممكن

يحضره  هو  غايب    بس  انا  درست  4  ايام   ويوم الخامس اختبار

وما يعتبر دوام    بس  هو  من ناحية   السواقة الخقيقة مابيستفيد شي

بس بيستفيد   الاشارات   

وهو كم  تاريخ ميلاده بالضبط

ولدي كمل ١٧ سنه امس 

ياطويل العمر خله يدرس ويستفيد
احسن من يصدم خلق الله في الشوارع

وهذي نصيحه فقط .. دراسه ماهي ضارته
والله انكم تدلعون ورعانكم الله يصلحهم
دلع زايد .. 17 بتطلع له رخصه ..

ياحالي على زمننا مانطلعها لين شنب 
الواحد يغدي شبر ..

ولاتزعل اخوي وتحياتي لك

فيه مدرسه بالعصر 

الله يعطيكم العافيه ماقصرتم .. كيف احذف الموضوع 

تبي تحذف الموضوع ماتقدر خلاص طنش الموضوع وكانك ماتعرفه

لا تدقق يا رجال كل الامور ماشيه بستر الله و بركته
انا اذكر قبل بصيف 2001 اخذت الدورة هذي و كان اصعب شي
التلبيقه بالريوس و كان السيارات نيسان سيدرك منتهيه تطفي
كان عددنا كثير بس وناسه ذيك الايام
وقت الاختبار كانوا العساكر مشددين كان ما فيه تأمين
و معك فرصتين للاختبار اذا ما نجحت تعيد الدورة من جديد
كنت ساكن بغرب الرياض و ما في الا دله اللي بالشمال
كل يوم مشوار طويل و ما نجحت من اول مرة طبعا" انحرجت من الوالد
لكن عزز لي و عديت و كنت اسوق عادي بدون تصريح اداوم باول ثانوي

معلش طفحت معي الذكريات المعذرة على الاطالة لكن للماضي حنين بالعاصمة

ابو مشاري حط المدرب المصري كلمتين حلوين , وهو يمشي لك شغلك

انا كنت انكت مع اول ما طلعت رخصه ومشاها لي بيومين وكان رمضان

ان شاء الله تمشي معك

الله يعطيكم العافيه وانشاء لله نرجع لكم بمواضيع جميله ورائعه 
تحياتي للجميع