أضف سؤال أو موضوع جديد          

هل لدى احد منكم حلول

up 19 down 1
shikhy 61
قبل 6 سنه و شهر



السلام عليكم يأخواني انا طالب جامعي ولدي حاجه شديده للمواصلات وانا والله تعبت من كثر طلب الناس وفلان ودني وفلان رجعني اذا تقدر والله ياعالم اطلب وانا وجهي بالأرض .. انا كتبت لكم الأن بعد مااستنفذت كل الحلول الممكنه ولأن في ناس هنا أعمارهم بقد والدي ومن اصحاب الخبره فالحياه ممكن يساعدوني بحل او شي مافكرت فيه.. طبعا والدي عليه من الديون شي كثير ولا فيه مجال حتى اخذ سياره تمشي الحال ... جربت وظيفه بدوام جزئي ولكن للأسف نزل مستواي فالدراسه الكثير من غير فائده كبيره لأني ماأقدر اجمع بين شيئين .. مكافأتي 1000 ريال حق الجامعه حاولت اشوف احد يبيعني سياره تمشي الحال بأقساط شهريه على قدي الكل رافض .. مافي احد فالعائله موظف انا اكبر اخواني والحمدلله على كل حال .. لكن اللي خلاني اكتب اني وصلت لوضع ماينطاق .. الترم الماضي وقفت الدراسه مؤقتا وكنت امثل على اهلي اني اداوم وانا اروح القهوه او عند احد الاصحاب وارجع كل ذا لاني ماني قادر اتحمل التكاسي ولا ابغى احملهم زياده .. والسنه الجايه على الأبواب وماني لاقي حل وخوفي الوضع يستمر .. والله احيانا الشيطان يوسوس للشخص انه يسوي شي مو زين عشان تمشي اموره .. جلست الفتره اللي فاتت ادور وظيفه (سعوده) عشان تكفيني ادبر امر المواصلات مالقيت فكرت وفكرت بحلول اخرى بس مالقيت تخيلو بس ان التاكسي يكلفني بالشهر بين660 الى 700 ريال!! والله ماكتبت لكم الا وانا بحاله محد يعلم فيها غير ربك وماني ناقص سب من احد الاعضاء او استهزاء اتمنى اسمع راي العقلاء واذا فيه احد يقدر يساعدني بأي طريقه يقولي الله يسعدكم جميعا ... اخوكم عبدالرحمن







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ذكرتني بأيام الكلية ماغير تكاسي ووصلني يافلان ورجعني يافلان 
وشريت موتر بـ 9 آلاف فورد تورست من واحد كوري أو فلبيني ـ وبعد فترة ضرب القير .. 
وبعتها تشليح .. 

ماكنا نعرف نشتري .. تونا طلاب ندرس ... 

كانت مكافئاتي كلها على التكاسي والكتب والبحوث والحمد لله على كل حال 

بتعدي الأيام وربنا يوفقك ياshikhy  

 ضاقــت فلمـا استحكمت حلقاتــها فـُرجــت ... وكنـتُ أظنـها لن تفــرجُ  ّ  

والسلام عليكم ورحمة الله وبركـــــــــــــــــــاته


up 1 down 0
محمد عبدالله عمر 635
قبل 6 سنه و شهر



صدقت يامحمد مابعد الضيقه الا الفرج


up 1 down 0
shikhy 61
قبل 6 سنه و شهر