أضف سؤال أو موضوع جديد          

بنزل المعارض اليوم وعندي كم سؤال

up 3 down 7
جاسم 12 -251
قبل 5 سنه و 9 شهر



السلام عليكم ورحمة الله وبركاته ..

انا باذن الله اليوم نازل المعارض العصر وعندي كم سؤال
اولا انا ناوي ع فورد او لينكون موديلات 97-2000
كم تتوقعون اسعارها علما اني بالمدينه مادري هل تختلف المدن بالاسعار؟
ثانيا المعارض كم ياخذون مكاتبه؟ وهل التامين لو كان ساري ينقل باسمي والا لازم امن من جديد ثالثا كم اسعار ارخص تامين ضد الغير للي تحت 21 سنة ؟ رابعا هل اقدر ادفع مبلغ من قيمة السيارة واخلي السيارة عند المعرض لين اكمل باقي المبلغ خلال يوم بالكثير او لازم بنفس لحظة النقل؟اخيرا انا فيه واحد بالموقع عرض فورد 97 ماركيز وكلمته وخليتها خيار اخير اذا ماحصلت بالمعارض اروح له هل تنصحوني فيها؟ وهل تخدم معي 3 او 4 سنوات ؟ لاني ظالب وماعندي امكانيه اشتري سيارة كل مابغيت



واللي يقدر يخدمني يعرف احد في معارض المدينه اكون له شاكر والله يكون بالعون







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله انا ادور نفس موترك ونفس الاسئلة تدور في مخيلتي


up 1 down 1
ahamd9477 119
قبل 5 سنه و 9 شهر



الماركيز طبعا لانه كويس


up 0 down 0
ahamd9477 119
قبل 5 سنه و 9 شهر



كم المبلغ الي معك ممكن فيه شي افضل 
اسئل الله في هاذا اليوم ان يرزقك ماتتمنى ويرزق جميع الاعضاء بالي يتمنون


up 2 down 1
الرفاعي33 13914
قبل 5 سنه و 9 شهر



حدود 12 الى 13 طبعا المفروض يكون 16 وعليها لكن التامين والنقل حسب ماسمعت مرتفع وراح ياكل ربع اللي معي


up 1 down 0
جاسم 12 -251
قبل 5 سنه و 9 شهر



وعليكم السلام ورحمة الله وبركاته 

بتكلم بحكم اني امتلكت نوعين من فورد وهي لينكولن تاون كار 1998 عام 2008 

وجراند ماركيز 2001 عام 2012 الى 2015 

الفورد بشكل عام عملي وموتر كرف بس يبي لك موتر نظيف ومكينته ماجاه توظيب ولا فيه نقص 

ويكون رديتره سليم وخراطيش الموية جديده 

وبأذن الله ما راح تشتكي من شيء ابد 

مشكلة الفورد بعضلاته يعني دايم تلقاه يطلع اصوات انا اتكلم عن الموديلات القديمه من 2002 وتحت 

لكن اذا اهتميت فيه وداريته ترا بيعيش معك

بس اترك عنك الدعسات المفاجئة والتدعيس مع اللفات 

بالنسبة للاسعار ماقدر افتي لك بهالموديلات لكن مشكلة الفورد النظيف غالي وراعيه متمسك فيه والمنتهي رخيص وطايح في كبد راعيه 

بس نصيحتي لك دور 1998 ع الاقل او 1997 كحد اقصى ويكون نظيف جدا ولا جته صدمات قوية خصوصا بالامام والبيبان 

واهم شيء ضربات الرصيف انتبه لا يكون قد جته 

ترا الفورد اذا جاك نظيف عز الله انك شريت موتر 

المكاتبه صارو ياخذون 200 ريال والنقل 400 والتأمين من 650 الى 850 بالنسبة للي فوق 21 سنة اما اللي تحت مادري والله 

بالنسبة لسؤال هل تقدر تدفع مبلغ وبعد يوم تدفع الباقي نعم تقدر تدفع عربون وبكرة تكمل الباقي 


up 1 down 0
camry grandi 99 7274
قبل 5 سنه و 9 شهر



اخوي كامري المكاتبه ماهي هي النقل؟ انا اذكر تدفع مبلغ مكاتبة فقط والتامين وبس طبعا كلامي قبل سنتين لما نقلت سيارتي اللي معي حاليا


up 0 down 0
جاسم 12 -251
قبل 5 سنه و 9 شهر



لو تدفها الى 15 بتجيبلك ماركيز 97 نضيف ولا تدقق في البودي
اهم شي مافيه صدوم قويه يعني اذا رفرف مو مشكله
ولا باب مو مشكلة اهم شي المتحركات والشاص تكون سليمه 
واما كم تخدم على حسب استخدامك ممكن تجلس معك 3 سنوات وممكن ماتكمل معك سنه اذا ماتحافظ على الموتر



up 2 down 0
الرفاعي33 13914
قبل 5 سنه و 9 شهر



التأمين لاينقل الآن بالنظام الجديد مالك الا تسوي تامين جديد

تحت 21 اقل تأمين ب 1300 ريال

فوق 21 اقل تامين ب 800 ريال

واذا بتدفع عربون وتكمل المبلغ بعدين تقدر اهم شي راعي الموتر اذا بالحراج .. او المعرض اذا كانت بمعرض يكون موافق

وتكمل المبلغ بعدين بس اذا تراجعت عن الشراء يروح عليك العربون اعتقد 


up 2 down 0
max_9ms 2356
قبل 5 سنه و 9 شهر



و عليكم السلام و رحمة الله و بركاته
اذا بتآحذ فورد خذ 1998 و فوق
اذ تبغى سيارة كرف و مكيف ممتاز عليك بالكوريلا من 2001 و فوق
المعارض يأخذون مكاتبة و نقل 300 ريال و فوق
و التأمين لازم تدفع حسب تاريخه اذا جديد او قديم و ينقل باسمك يعني تختلف القيمة ويصير التأمين من تاريخ نقله باسمك اعتقد
تقدر تدفع باقي المبلغ اليوم الثاني بس انصحك تخلص امورك وتأخذ موترك
بعض المعارض حرامية يسرقون بعض الأشياء من السيارة
ملاحظة أخيرة لازم السيارة تكون مفحوصة



up 1 down 1
مخاوي الطرقة 394
قبل 5 سنه و 9 شهر



لا يالغالي المكاتبه والنقل تختلف 

اول كانت المكاتبة رخيصه على 35 ريال والحين وصلت 200 

اذا شريت من المعرض نفسه ما يحسب عليك مكاتبه لكن لما بتروح تسوي مكاتبة عند معرض يحسب سعرها غير تكلفة النقل 

طبعا هي كلها نصب في نصب والا هي ورقة ووقع عليها وانتهينا ليه 200 ريال ,,,,,,,؟؟


up 0 down 0
camry grandi 99 7274
قبل 5 سنه و 9 شهر



الله يجزاكم خير ي اخوان واللي عندده شي بعد لايبخل انا بحدث الموضوع لين العصر عشان استفيد وبعد مارجع من المعارض راح انزل كل شي من اسعار وتامين و ... و... طبعا اذا سمح لي نظام المنتدى خابره لازم موضوع كل 3 ايام :)


up 0 down 0
جاسم 12 -251
قبل 5 سنه و 9 شهر



اذا حصلت سياره وفحصت وعجبتك تقدر تدفع عربون للمكتب 500 وتقوله باقي المبلغ اكمله في نفس اليوم في الليل مثلا وهو بيقولك طيب بس اذا ماجيت في الوقت المحدد بتروح عليك ال 500



up 0 down 1
Pro rare 447
قبل 5 سنه و 9 شهر



لا تتسرع في شراء السيارة
ولازم لازم تفحص وتتأمل في نتيجة الفحص وحسبها زين لان اكيد السيارة ما بتكون خالية من العيوب لكن في عيوب عادية وفي عيوب بتكرهك في السيارة وبتخسرك
وقبل تودي السيارة الفحص افحصها ع السريع وتأكد من كل الأشياء الأساسية وسوقها شوي ..
انا كنت مثلك وهذي خلاصة تجربتي
وان شاء الله تلاقي سيارة نظيفة و تريحك


up 1 down 1
mohammed-66 111
قبل 5 سنه و 9 شهر



سؤال يالربع...ع طاري المكاتب وغيرها

هل المعرض يجدد لي الاستمارة والفحص....لاني بوطي سيارتي بمعرض ومنتهي فحصها واستمارتها؟


up 0 down 0
المسلم اخو المسلم 417
قبل 5 سنه و 9 شهر



اذا قدرت حاول تخطف رجلك وتروح الرياض الخيارات اكثر واعتقد الاسعار احسن من المدينة


up 0 down 0
dawwy 266
قبل 5 سنه و 9 شهر



دامك بالمدينه ف اتوقع الاسعار مناسبه عندكم ولو نزلت جده افضل وافضل
بحكم ان جده فيها سيارات كثير مستورده من امريكا ف انصحك ب ماركيز او تاونكار امريكي افضل من السعودس اللي بتلقاه مكرووف ومكسر من كل جهه

تلقا لك تاونكار من 98 الين 2001. سعره مايتعدا ال 16  موتر مريح وهادئ وصبور ورزه بالتوفيق ان شالله


up 1 down 0
شكلين مابحكي 3160
قبل 5 سنه و 9 شهر



اللي يصلح للكرف الفكتوريا والماركيز
التاون كار يصلح للكرف لكن راح تعاني شوي من الكهرباء اللي فيها علشان المواصفات وكذا
وجربت ماركيز 99 و2000 وفكتوريا 97 وتاون كار 95
الـ99 نظافتها نص ونص ومشت معي سنة وغيرت خلال هالسنة الدفرنس 3 مرات والقير مرتين

الـ2000 مع عمي وماشية معه له سنتين..يروح خطوط الرياض والكويت ويفر فيها يوميا وما تطلب كثير

الـ95 استخدمته شهر والحين ابي ابيعه...كل يوم مشكلة علشان نظافتها موب ذيك الزود

الـ97 شراها أبوي عام 2007 من صالات...وأخوي استخدمها 4 سنين كلها تفحيط سرعة حفريات خطوط ومشت معنا
استخدمته عام 2011 الى يومك هذا...غيرت قبل شهر المكينة والقير والدفرنس من بعد ما سوى فيها اخوي ههههههههههه



نصيحتي لك...مهما كان السعر دور عالنظيف..ماعليك من البدي أهم شيء باقي السيارة من محركات وكهرباء وعضلاتها
خذ الماركيز أو فكتوريا...لاتاخذ تاون كار كاستخدام طالب
وأغلى شيء حوالي 19 الف موديل 2000
وللـ98-99 على 17 الف
وللـ97 على 15 الف
وماعليك من اضافات السيارة اللي تغريك مثل العدسات والسستم....الخ
أفضل شيء لك تاخذ نص فل..سيت السواق كهرب والراكب يدوي...مكيف فرار...العداد عادي...ارقام سرية...كراسي مخمل
المساعدات كلها يايات...راح ترتاح فيها
..............................
في الفل اوبشن يجيك عداد الكتروني ومكيف الكتروني واسيات الراكب والسواق كلها كهرب وجلد...ومساعدات الخلفية هيدروليك
انصحك فيها كفخامة وكذا...في الاستخدام يكرف بس موب مثل النص فل
................................
في وارد أمريكي وفي السعودي والفرق بينهم...السعودي شكمانين والامريكي شكمان واحد
السعودي في تكاية في النص لحاله...الامريكي يجي لكل سيت تكاية صغيرة...السعودي رديتره أكبر من الأمريكي
................................
من ناحية القطع...العضلات إذا ما تقدر على الأصلي عندك أمريكي من شركة MOOG معروف بالتحمل وكذا
المحرك والقير خذ أصلي...الزيت عبي موتركرافت 10W30...زيت القير موتركرافت كل 150 الف
الدفرنس بس زد عليه إذا هو ناقص
..................................
إن شاء الله أفدتك


up 2 down 0
3llawi96 3114
قبل 5 سنه و 9 شهر



الله يجزاكم خير ماقصرتوا انا نزلت فعلا وشفت الاسعار وحصلت ماركيز ولنكون لكن صرفت نظري عن اللنكون بعد ماسمعت عن غلاء بعض قطعه والان باقي الماركيز موديل 99 وباذن الله يكتب اللي فيه خير


up 0 down 0
جاسم 12 -251
قبل 5 سنه و 9 شهر



اللينكون قطع البدي اللي غاليه والديكور فقط. عدا ذالك. سعر القطع نفس الماركيز  والفكتوريا وولو عاد بي الوقت لاخذت تاونكار. موتر فخم ورزه 


up 0 down 0
شكلين مابحكي 3160
قبل 5 سنه و 9 شهر