أضف سؤال أو موضوع جديد          

كم حدك.- سوم - كيف اسوم

up 10 down 8
s1s1s1 -55
قبل 6 سنه و 10 شهر



السلام عليكم 
يلفت انتباهي طريقة الكثير من البائعين عندما يعرض سيارته للبيع 
تجده في الغالب لايذكر جميع التفاصيل عن سيارته واحيانا لا يرفق صورة للسيارة 
ويقول سوم !!!
وبعضهم تجار كبار يستوردون سيارات مستعمله من امريكا ويوم يعرضها ،،، يقول سوم !! 
ما تعتقدون ان هذه الطريقة القديمة في البيع ( سوم ) طريقة غبية تنم عن جهل البائع في التسويق ?
أليس من المفروض في البائع وخصوصا من يستورد سيارات باعداد كثيرة ان يحدد هو مبلغ البيع بعد اخذ هامش ربح محدد ويترك الطريقة البليدة ( سوم )

ولذلك اتمنى من الجميع عدم سوم اي سيارة مالم يحدد البائع سعرها !
حتى يرتدع من اراد النصب والاحتيال في المفاوضات عن اسلوبهم الغبي 

وشكرا لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اغلب الي يقولك سوم
تلقاه حاط سعر فباله ان مجاه السعر عن طريق السوم
يقولك السوم وصل 48 والبيع 50

طبعا هو يبي 50 من البدايه بس بعد ماشاف السومات ماوصلت لهذا السعر يجيك بالكذبه المعروفه
( سيمت على الجوال + سيمت من صديق + سيمت خارج الموقع )
وفالنهاية ماتلقى احد سامها بس يبي يصولها ل50

ولاحظ هالحركة في كل الاعلانات تجدها 


up 13 down 1
شويخ من أرض مكناس 2823
قبل 6 سنه و 10 شهر



اذا الاعلان ناقص المشكلة في الي يردون عليه ويسومون , واذا قال سوم عطه سعر قريب من سيارته يزعل ويحدها ويجي بعد 3 اشهر يقول تابعوا اعلاني السابق


up 1 down 0
ibo3276 448
قبل 6 سنه و 10 شهر



اخوي طرحك جميل   و كلام مظبوط
انا عن نفسي   ماعندي  سوم  وخرابيط  
  احط  سعر محدد  وخلاص   


up 2 down 1
abd_alrhmn 2352
قبل 6 سنه و 10 شهر



بغض عن النظر عن وضع الحد  بعضهم يقول سوم يوم تسوم يقعد يدعي عليك ويسخط 
حبيبي فلوسي عندي و سيارتك عندك وليه حاطها على السوم يوم انك تزعل من اللي يسوم 
.....
غير كذا الناس اللي تسوم على تفاصيل ناقصه تلقى البايع مايصدق خبر ان أحد  رفع السوم
ويظل متمسك بسومات ناس مايدري هم صاملين ولا ورعان تلعب 


up 1 down 1
البـــراء 385
قبل 6 سنه و 10 شهر



والله يا حبيبي انا اسوم بخراجي 
ان عجبه كان بها وان ما عجبه فلوسي عندي وسلعته عنده 


up 1 down 1
salah.e 472
قبل 6 سنه و 10 شهر




ما يصير يالغالي تسوم بخراجك و انت باخس السلعة
كثيرين في الموقع فاهمين السوم غلط يكسر قيمة السيارة ويقولك انا اسوم على قد فلوسي
طيب دور شي على قد فلوسك اذا ما معك اللي يكفي


up 2 down 1
maktoob110 371
قبل 6 سنه و 10 شهر



اهم شيء يقول لك سوم
وتسوم ويقولك لاتبخس
طيب عطني حدكَ!


up 2 down 0
كلاسيكي1 -46
قبل 6 سنه و 10 شهر



لا والله الطمع الله يكفينا شره .. 

لو يحط حد معقول…  اذا هو شريطي يحط هامش ربح معقول…  واذا يبي الفكة منها يحط قريب من قيمتها بالسوق
مايبي يحدد سعر ويخاف تجيب اكثر .. ارضى بالمقسوم 

القناعة كنز لا يفنى 


up 2 down 0
شرقااااااوي 653
قبل 6 سنه و 10 شهر



صدقت والله يا خوي المفروض البايع يحط سعر وبعد كذة الصامل يتفاوض معاه بالمعقول وبتفقوا باذن الله


up 1 down 0
dawwy 266
قبل 6 سنه و 10 شهر



الحين البايع يزعل اذا احد بخس سلعته 
طيب ترا حتى المشتري يزعل لما يشوفك حاط سعر خيالي ع قرمبع
استغرب من نظام الموقع مافيه خانة للسعر المطلوب ومافيه رقابه ع ارتفاع السعر مثل مافيه ع البخس
جنب الرد فيه ابلاغ عن بخسس سلعه لكن مافي اي شي يخص ابلاغ مبالغه في السعر ليه؟
والله شي يقهر ،على سبيل المثال كابرس 96 يسام ب10 ويجي المعلن يقول لاتبخسون ياخي ماترضونها والله ودك تطلع رجلك وتدعسها بفمه
والا اللي يجيك معه سيارة ماشيه 500 الف ويبي يبيعها بسعر سيارة ماشيه 200 الف،ليه كذا؟انا بصراحة اتمنى احيانا لو كان لي قدرة ماديه اهاجر اعيش في الريف الامريكي واطق لي لنكون 2003 مايتعدى 4000 دولار وتامين 150 دولار وبيت ب100 الف تمليك واعيش احسن حياة
مع احترامي بلاد الحرمين امن وامان لكن الاسعار احرقت الشعب حرق ولا مجيب


up 1 down 1
جاسم 12 -251
قبل 6 سنه و 10 شهر



السلام عليكم 

في الامارات مافي شيء اسمه على السوم


هذه ثقافة المشتري عندنا إذا أحد قال له على السوم يمكن يعطي البايع ربع قيمة السلعة السوقية و يرفض يشتري من عنده

الحمد لله في وعي من الشاري ولا يخلي تاجر يضحك عليه و يقول له سوم و الخ 


أذكر قبل سنتين رحت مع قريب لي نشتري سيارة من جده قال لي مسيومه ب 115 و انا قلت له مالي دخل بالسوم انا سعري 100 الف تبيع ولا لأ و اشتريتها ب 105

الحمد لله لما قال لي سوم طنشته و قلت له سيارتك عندك و فلوسي عندي نزل لي 10 الاف ريال 

انا أعتقد ان المشتري لازم يغير ثقافته مش البايع

تحياتي


up 0 down 1
khaled al baloushi 240
قبل 6 سنه و 10 شهر