كم حدك.- سوم - كيف اسوم

اغلب الي يقولك سوم
تلقاه حاط سعر فباله ان مجاه السعر عن طريق السوم
يقولك السوم وصل 48 والبيع 50

طبعا هو يبي 50 من البدايه بس بعد ماشاف السومات ماوصلت لهذا السعر يجيك بالكذبه المعروفه
( سيمت على الجوال + سيمت من صديق + سيمت خارج الموقع )
وفالنهاية ماتلقى احد سامها بس يبي يصولها ل50

ولاحظ هالحركة في كل الاعلانات تجدها 

اذا الاعلان ناقص المشكلة في الي يردون عليه ويسومون , واذا قال سوم عطه سعر قريب من سيارته يزعل ويحدها ويجي بعد 3 اشهر يقول تابعوا اعلاني السابق

اخوي طرحك جميل   و كلام مظبوط
انا عن نفسي   ماعندي  سوم  وخرابيط  
  احط  سعر محدد  وخلاص   

بغض عن النظر عن وضع الحد  بعضهم يقول سوم يوم تسوم يقعد يدعي عليك ويسخط 
حبيبي فلوسي عندي و سيارتك عندك وليه حاطها على السوم يوم انك تزعل من اللي يسوم 
.....
غير كذا الناس اللي تسوم على تفاصيل ناقصه تلقى البايع مايصدق خبر ان أحد  رفع السوم
ويظل متمسك بسومات ناس مايدري هم صاملين ولا ورعان تلعب 

والله يا حبيبي انا اسوم بخراجي 
ان عجبه كان بها وان ما عجبه فلوسي عندي وسلعته عنده 

ما يصير يالغالي تسوم بخراجك و انت باخس السلعة
كثيرين في الموقع فاهمين السوم غلط يكسر قيمة السيارة ويقولك انا اسوم على قد فلوسي
طيب دور شي على قد فلوسك اذا ما معك اللي يكفي

اهم شيء يقول لك سوم
وتسوم ويقولك لاتبخس
طيب عطني حدكَ!

لا والله الطمع الله يكفينا شره .. 

لو يحط حد معقول…  اذا هو شريطي يحط هامش ربح معقول…  واذا يبي الفكة منها يحط قريب من قيمتها بالسوق
مايبي يحدد سعر ويخاف تجيب اكثر .. ارضى بالمقسوم 

القناعة كنز لا يفنى 

صدقت والله يا خوي المفروض البايع يحط سعر وبعد كذة الصامل يتفاوض معاه بالمعقول وبتفقوا باذن الله

الحين البايع يزعل اذا احد بخس سلعته 
طيب ترا حتى المشتري يزعل لما يشوفك حاط سعر خيالي ع قرمبع
استغرب من نظام الموقع مافيه خانة للسعر المطلوب ومافيه رقابه ع ارتفاع السعر مثل مافيه ع البخس
جنب الرد فيه ابلاغ عن بخسس سلعه لكن مافي اي شي يخص ابلاغ مبالغه في السعر ليه؟
والله شي يقهر ،على سبيل المثال كابرس 96 يسام ب10 ويجي المعلن يقول لاتبخسون ياخي ماترضونها والله ودك تطلع رجلك وتدعسها بفمه
والا اللي يجيك معه سيارة ماشيه 500 الف ويبي يبيعها بسعر سيارة ماشيه 200 الف،ليه كذا؟انا بصراحة اتمنى احيانا لو كان لي قدرة ماديه اهاجر اعيش في الريف الامريكي واطق لي لنكون 2003 مايتعدى 4000 دولار وتامين 150 دولار وبيت ب100 الف تمليك واعيش احسن حياة
مع احترامي بلاد الحرمين امن وامان لكن الاسعار احرقت الشعب حرق ولا مجيب

السلام عليكم 

في الامارات مافي شيء اسمه على السوم


هذه ثقافة المشتري عندنا إذا أحد قال له على السوم يمكن يعطي البايع ربع قيمة السلعة السوقية و يرفض يشتري من عنده

الحمد لله في وعي من الشاري ولا يخلي تاجر يضحك عليه و يقول له سوم و الخ 


أذكر قبل سنتين رحت مع قريب لي نشتري سيارة من جده قال لي مسيومه ب 115 و انا قلت له مالي دخل بالسوم انا سعري 100 الف تبيع ولا لأ و اشتريتها ب 105

الحمد لله لما قال لي سوم طنشته و قلت له سيارتك عندك و فلوسي عندي نزل لي 10 الاف ريال 

انا أعتقد ان المشتري لازم يغير ثقافته مش البايع

تحياتي