أضف سؤال أو موضوع جديد          

قصتي مع الميكانيكية

up 18 down 1
moathyaseen 1393
قبل 6 سنه و 4 شهر



السلام عليكم جميعا
قصتي مع الميكانيكية
قبل فترة صرت اسمع صوت طقة لسيارتي اذا رحت يمين او يسار بشكل سريع
او اذا دعست فرامل على سرعات خفيفة والصوت عالي نوعا ما
المهم رحت الصناعية ورحت عند ما يقارب ال 10 ميكانيكيين وقلت اذا حدد المشكلة نفسها اكثر من ميكانيكي تكون هي المشكلة
رحت عندهم ولا واحد حددلي مشكلة مثل الثاني
الاول يقلي تكلفة صيانتها 500 ريال لاني بفك الكمر الحديد كامل وبغير الجلود
الثاني قلي المشكلة من جلود التوازن تكلفك 550 ريال مع القطع
الثالث يقلي المشكلة عندك من الدودة وتكلفك 1200 ريال وعلى الاكيد
الرابع قلي مشكلتك من الفرامل تجارية
الخامس ما عرف المشكلة اصلا هههههههه
المهم الكل يفتي من راسه ولا اتفقوا على المشكلة
المهم قلت بروح عند العضيب يشيك عليها
قلي 50 ريال فحص قبل لا تدخل السيارة
قلتله ابشر – طلع يفحص السيارة وطبعا طلعت معه ويدعس فرامل بكل قوته ويحرك الدركسون تقول كانه طالع يحارب
قلتله شوي شوي وانت بتفحص - لعن اهل السيارة وهو يفحص فيها
المهم بالاخير يقلي يبيلها تربيط فقط واحنا ما نربط السيارة – وديها عند ورشة يربطلك بطن السيارة
حسيتهم يصرفوني والدليل انهم ما اخذو 50 ريال حق الفحص – والسبب انه ما يبي يحمل نفسه مسؤولية عشان فاتورة الفحص
المهم رحت بوديها للتربيط يقلي 150 ريال
طفشت وانا ادور ومن ورشة للثانية
المهم قلت لصديقي السالفة وقلي اغسلها بستم يروح الصوت
اذا ما نفعت ما تضر
وديتها غسيل بستم غسيل من تحت صح مع تنظيف بالاسفنج لبطن السيارة كلها
والنتيجة اختفاء الصوت نهائيا
لو اني رديت على ابو 1200 ريال وغيرت الدودة كان خسرتها عالفاضي
ولا لو رديت على ابو الكمر الي بيفك الهيئة الامامية كاملة
طبعا عالاكيد ما رح يرجعها مثل ما كانت اول ورح يظل الصوت موجود
نصيحة مني
قبل لا تعطي سيارتك للميكانيكي تأكد 1000000 % من المشكلة
ولف على 20 ميكانيكي حتى لو انت متأكد من المشكلة
منت خسران شي
واعتذر عن الاطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
و أيضاً فيه شيء مهم قبل ما تودي سيارتك للميكانيكي اطرح مشكلتك بمنتدى حراج والرجال ما راح يقصرون


up 8 down 2
أبومحمد15 287
قبل 6 سنه و 4 شهر



أنا مره خرب علي السلف و الكل قال تغير سلف .. مع أن العطل بسيط جداً و يبغا له ربط مسمار معين نسيته 




up 2 down 0
legaacy -315
قبل 6 سنه و 4 شهر



والله انك صادق ما يقصرون
لكن وش انزل الاعلان
اقول فيه اقول عندي صوت طقة في السيارة

اذا ما اطلعت في السيارة واسمعت الصوت بنفسك ما رح توصل لنتيجة
لان سبب اصوات الطقة كثيرة جدا


up 0 down 0
moathyaseen 1393
قبل 6 سنه و 4 شهر



انا قبل اودي سيارتي لاي عطل فيها ادور عن عطل مشابه للي عندي بحراج وبالمواقع المعروفه واحاول اطبق اللي يقولونه وبعدن انتقل للخطوة اني اروح لميكانيكي واكثر من واحد ودائما اضيق مجال العطل عشان لما اروح اكون عارف ان العطل بهالمكان واي واحد يقولي نفك شي ماله علاقه فيه اعرف انه غشيم


up 1 down 0
جاسم 12 -251
قبل 6 سنه و 4 شهر



انا كان عندي صوت مثل وصف صاحب الموضوع و رحت للورش اللي يقولي جلد بودي و اللي يقولي مقصات و رحت عند شخص الوالد يتعامل معه و قالي مسمار دودة يحتاج فك دودة و يشد و يضبط انا ما اقتنعت و الوالد يقول خلاص سلمها الرجال شغل 4 ساعات ب 400 ريال و ما ارتحت و مريت واحد و جرب السيارة و شد مسامير التوازن مجانا 


لا تثق باحد لو تتعامل معه من سنوات لان العلاقة مصلحة 


up 1 down 0
khalidoo 1167
قبل 6 سنه و 4 شهر