نقل الملكية ونظام التامين
5
8
إضغط هنا للإخفاء
السلام عليكم ورحمة الله وبركاته
يعلم الله اكتب هالموضوع وانا بالكاد اتحرك من المشاوير اللي ضربتها اليوم
طبعا شريت سيارة ورحنا ننقل ملكية المعرض الاول طافيه الكهربا رحنا الثاني قال 500 نقل و300 مكاتبه ورفض بكافة الطرق ينقص ريال واحد
المهم وافقنا قال روحوا امنوا اول رحنا للدرع العربي قال 2800 لانك اقل ممن 21 سنة سحبت عليه رحت المتحده قال 1900 700 تامين و1200 فرق العمر
وافقت وقلت يالله قالي لاهنت عطني بطاقتك وصورة منها ورقم المبنى والرمز البريدي و... انفرط علي بطلبات ماعمري سمعتها .. قلت ليه؟؟ قال والله جايتنا من يومين ولازم نطبقها وقالي روح للبريد السعودي اطلب خدمة واصل وجيبها لنا هالمعلومات
قلت طيب وفرحت لان باخر الشارع فيه مكتب المهم واروح له الا مقفل بسلسله كبر راسي للاصلاحات واروح لفرع الميقات وبرضه واضرب مشوار 25 دقيقه لسلطانه واخذتها منهم وارجع 25 دقيقه ثانية للمعارض اخذت المبايعه والاوراق ورحت للتامين
رجعت للمعرض قالي عليك مخالفات قلت سددها قال ناخذ منك رسوم قلت سددها وخير سددها وقلت له اخذتوا مني 800 عشان ورقتين وتبون تاخذون مني رسوم عشان تحويل بالجهاز وانت جالس؟ ضحك وقال خلاص ماناخذ شي وعطاني ورقه تم وقال مبروك عليك
اللي بقوله هل فعلا التامين محتاج كل هالمعلومات؟ ليه ماتكفي بطاقتك ليه رقم سكن و.. و.. وتعقيد واسمعوا البشرئ السيئه الزول بالمعرض يوم سالته مافي امل يتعدل هالنظام قالي لا اصلا اسعار التامين بتواصل ارتفاعها وراح تشوف الاشهر الجايه كم حيوصل!!
صار نقل السيارة اصعب من ايجاد وفحص السيارة اصبح له ميزانية ثلث قيمة السيارة ..خصوصا بالنسبه لطالب مثلي الله يصبرنا وانا حالف ماراح اجدد التامين ولاراح ادفع شي لهم لان برايي مو حقها 1900 ان طالت 1200 اكتفيت بهالمره عشان النقل فقط
إبلاغ
الردود
وش دخل واصل بالسالفة !
1
0
يعني منقولة جاهزة باسمك 2250 ريال
وش المكاتبة بعد ! كل المعارض النقل 350 او 400 ريال مايأخذون غيرها
1
0
الجمعه قبل الماضيه اشتريت سياره والمبايعه والتآمين والنقل 1300 ريال لاغير وما في كل هذه الطلبات
0
0
0
0
0
0
0
1
3
0
بعص النص يصدم عبط واستعباط وغير تقدير الورش الفلكي بقطع الوكاله ويروح المصدوم يشتري تشليح مستعمل او تجاري هاذي ميزانيه على ظهر الشركه ثقيل والله وغير الي يتفق مع اصحابه اصدموني واعطيكم نسبه الوضع مايطمن ياجماعه الخيرالله يستر
انا لو بأمن بأمن والغيه بعد كم يوم200ريال اخسرها بس دام انه من الاساس لو ماصدمت طول السنه ماخذ هلله
1
2
2
0
الاستماره والاثبات بس
قبل 10 سنه