نصايحكم بخصوص ترك السيارة واقفة لشهور

عادي جدا 


بس اذا فيه احد يشغلها  نو بروبلم 


وإذا كان الموتر أمريكي 

تراه مايحب الوقفه ع طول جلد بلوف لو شهر 

بالذات الماركيز والفكتوريا

الكفرات عبها هوا لحد ماتحجر عشان ماتخرب ومثل ماقلك مدرس عاطل لو ترسل احد كل اسبوع يشغلها فتره  افضل

اذا في احد يشغلها ممتاز واذا افصل البطارية ونزل زيت المكينة وارفع الكفرات عن الارض وقفها على اي شي وسلامتك 3 شهور ماهي كثيرة على وقفة السيارة

ينزل زيت المكينه هههههههههههه


التخزين لسنوات طويله يتم تعبيه المكينه فل زيت 



عشان ماينزل تحت بالكرتير  وينشف الرأس واللي فيه 


ياحلو 

اذا بتدخلها في البايكه زين واذا عليها شمس اشتري شراع الازراق وغطها  عب الكفرات زياده مثلن اذا هي 35 حطها 45 

 غير زيت المكينه جديد  علشان تبقى لزوجته قويه اذا جيت تبي تحركها  افصل البطاريه اذا مافيه احد يشغلها   وسلامتك 3 شهور تعبتر مده بسيطه 

اسمع نصيحتي انا مجرب

عندي سياره اخذتها زيرو وممشاي عليها قليل وقفتها شهرين ما حركتها بس اشغلها

الجلد كلها رايحه قامت تطلع لي اصوات وطلعت لي مشاكل كلها بسبب هالوقفه


نصيحه مني لك حاول تشغلها وتمشي عليها كل اسبوع مره وحده

واهم من هذا كله تكون واقفه في ظل ما تشوف الشمس

هذا الي عندي وسلامتكم ....

دام الوقفه بسيطه حول الثلاث شهور . اعطي مفتاحها لواحد ثقه ياخذ فيها لفه ابو خمس دقايق ويرجع يوقفها . 

تكمله لتعليقي الاعلى .. 
طبعا مره في الاسبوع . هذي الطريقه تغنيك عن رفع الكفر و وتفريغ الزيوت وكل شي .... 

هلا مدرس عاطل وييييينك اختفيت يا رجل انت وركاب الالماني
لايكين ترحيب

* تحت مظله
* غطاء شكمان
* تشغيلها مره وحده أسبوعياً أما السيارات الأمريكية ذات الثمان سلندر القديمة يجب تحريكها وتمغيطها
* هواء كفرات فل