أضف سؤال أو موضوع جديد          

ليش هالشي صاير حلم؟

up 22 down 20
جاسم 12 -251
قبل 5 سنه و 9 شهر



ليش صار حلم مستحيل تحقيقه او شبه مستحيل انك تحصل ميكانيكي يستطيع ان يحدد العطل من اول مرة
وياليته من ثاني او ثالث مرة اغلبهم ضربة حظ
تجيه عندك مثلا تاخير في القير لو تلف الصناعيه نادر ماتحصل احد يكشف لك تلقاه يسالك كم سوال ثم يصلخك بجواب قاصم يبيله توظيب ليش كذا ؟؟
ليش اذا صار عندي حرارة في السيارة ماحصل جواب اكيد يجي يقلك غير الطبات يمكن منها طيب غير الغطا يمكن منه شوف جرب ... الخ الخ
ياخي انا ابي خراب واحد قطعه وحده ماهو تخمين وحزر فزروالمشكلة ان اغلب الناس تلقاه يغير ويخسر نفسه وبالاخيرمايتصلح الخراب ويترك الورشة ويروح ورشة ثانيه ليه؟ ارجع للعامل اجلده جلد والله طلع عيونه من راسه لين يردلك خسايرك ياخي لعبوا فينا يجربون في سياراتنا والله اني اذكر واحد افغاني اشتغل فترة في مطعم في المدينه وبعد شهرين حصلته في محل اديترات في مجمع القبلتين... شلون اصلا يفتح ورشة وماعنده شهادة ميكانيكا؟ والله ي شباب يمكن اني عصبت وانفعلت زيادة عن اللزوم لكن الموضوع يستحق تفكير احسب خسارة وحده تقدر بـ 1000 ريال لمواطن واحد واحسب 10 مواطنين جو للورشة في شهر ثم احسب كم ورشة في المدينة والله تطلع مليارات تنصرف على سباكين طبعا السبب الاول مادري من وين لكن الجهة المسؤولة المفروض ماتعطي تصريح فتح ورشة الا اذا عندك مختص بشهادة لانها ورشة ماهي مطعم والا بقالة والسبب الثاني الشعب اغلب الشعب يغير ويكمل يصلح ويصرف فلوس ع خراب مايسوى ياخي طلع عين السباك من راسه خذ حقك منه طفشه لين يكره شغلته ويتركها .......اتذكر صارتلي حادثة مع ميكانيكي هندي خرب لي المكينة وطلب نصف توضيب والسيارة كانت قطعها نار وصلت مع شغل اليد 5 الاف وعليها والله دفعته القيمة كاملة ولادفعت ولاريال وبعد ماخلص قالي لاعد تجي انا ماشتغلك بعد كذا قلت كل تبن انت تبي واحد غشيم تلعب عليه مايعجبك اللي ياخذ حقه



خلاصة الموضوع ياشباب المفروض مانسكت عن الورش لان والله الورش اذا شافوا سيارة جايه قالوا هلا بالفلوس ثم سدحوا لك قائمة مانت محتاج لها كله عشان اجورهم ,ماعندي مشكلة انهم ياخذون حق شغل اليد لكن انهم ياخذونه ومايصلح الخراب واروح اصلح لا والله ارجع ه وادفعه الفلوس والمفروض كلنا نكون كذا ليش تستحي تقول ماني راجع له خلاص مفحالي لو كل واحد طالب بحقه كان عرفوا السباكين ان مالهم مكان هنا لكنهم شافوا ناس غشمان يدفع ولايبالي


اعذروني لكن والله موضوع محرق قلبي اني اشوفهم يستنزفون فلوسنا على قلة فائدة وينحرق قلبي لما اشوف مقاطع الدول الغربية يشتغلون شغل محترم ونظيف على السيارات والله اللي هنا مايشتغلون واحد بالمية منه واتذكر مقولة "وجدت اسلاما بلامسلمين ووجدت هنا مسلمين بلا اسلام"
والسلام .. مجرد فضفضه وواقع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الميكانيكي الفاهم يحدد لك المشكلة و يصلح و يعطيك ضمان مثل ترايستار ويقولون لك اذا ماصلحنا الخراب لاتدفع لنا و لا ريال


اما باقي الورش يخرب لك السيارة اكثر و ياخد منك فلوس


up 1 down 0
chevrolet zr1 612
قبل 5 سنه و 9 شهر



معروفه حركات الورش الله يهديهم
لا تنسى استخدامنا العنيف للسيارة - يكشتون داخل البرعلى كامري - النترا ينط الرصيف - غسيل السيارة الشبه يومي
*أتمنى طرح موضوع كامل ومثبت عن الورش النصابه والغشاشه وذكر أسمائها بالصور والفواتير ونرتاح منهم
(هيئة مستهلك مصغره داخل منتدى السيارات)
أنا مثلاً طلبت بضاعه من شركة تجارية مقرها دبي والناقل شركة أرامكس / هذه الشركة المسماة بشركة أرامكس 
يعطوني موعد وأجلس أنتظرهم / تتصل علي الشركة التجارية هاه جاك طلبك !!! يعني مهزلة 17 يوم وهم بجنبنا في دبي
والطلبات تجي من باريس وأمريكا خلال 7 أيام فقط
والطلب جداً صغير ووزنه 400 جرام ولو أذكره كان كل الأعضاء يضحكون


up 1 down 0
ع ب د ا ل ل ه ا ل ح ر ب ي -72
قبل 5 سنه و 9 شهر