أضف سؤال أو موضوع جديد          

يرحم امك اذا منت جاد لا تنزل اعلان وتبهذل خلق الله

up 12 down 8
Ahmad356 516
قبل 8 سنه و 6 شهر



شخص بالموقع منزل اعلان تروح تشوف السياره يعطيك الحارس المفتاح تشيك عليها تقوله ابي افحصها كمبيوتر يقلك جيب الميكانيكي عندي وبالنسبه للسعر طالب 2000 ريال دفعه اولى على حسابه البنكي لضمان الجديه والنصب والاحتيال 

واحد منزل اعلانه ترسله خاص تحط رد ع موضوعه ولا يرد ترسل ع جواله تتصل معطيك طناش اجل منزل اعلان هياط 

واحد ثاني يقلك الموتر نظيف عالشرط عالفحص يبيله دفرنش وقيره مضروب !!!

وغيرهم الكثير هذي حصيله اسبوعين من اسوء نوعيات اعضاء موقع حراج 


بصراحه يجب التشديد على مثل هؤلاء المعلنين بالذات النصابين والغشاشين 


وطبعا مايهون اصحاب السومات الخرافيه من العهد الجوارسي 

والله ان المعارض اهون من بعض الاعضاء عالاقل كل شي على بينه قدامك

والله المستعان 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


صحيح وانا صارت معي مع واحد الله يصلح الحال بس

شفت الصور وكلمته على الخاص وقلتله حدك وقلتله بشوف الموتر وقالي زين




وادق عليه جوال مقفل واخلي واحد من الاخوان يتواصل معه


وسوا نفس اللي معي يعني بالعربي الرجال ماعنده لاموتر ولا غيره وجالس يطقطق على الشعب


up 5 down 0
ما بنكسر صابر 2688
قبل 8 سنه و 6 شهر



طبعا يوم قلتله بشوف الموتر واتواصل معك قالي زين
ادق عليه مايرد او مقفل وارسله رساله خاصه بالمنتدى ويرد على الناس بالاعلان ولا يرد علي



ويوم ارسلتله احد الاخوان تجاوب معه بسرعه بس يوم جا الصدق ماقام يرد عليه نفس اللي صار معي

!!!!!!!!!!!!!!!!



up 3 down 0
ما بنكسر صابر 2688
قبل 8 سنه و 6 شهر



لايفوتك اللي يدخل من عضضوية ثانية ويقول امس شريت مثل هالسياره بمليار ونص خخخخخخخ


الحمد لله ان الادارة تكتب " عضو جديد " جنب الاسم عشان توفر علينا عملية التحري خخخخخ



up 6 down 0
YASSER505 4173
قبل 8 سنه و 6 شهر



يارجال انا منزل اعلان ما اخذت ساعتين وحذفته ابي ابيع سيارتي وجاك ورع مطفي النور يقول تبيع 14 الف


بالله اعربلي شعورك


انا داري اني دخلت مخرج 16 بس قلت اعبر عن شعوري لانه رافع ضغطي


up 4 down 0
pjlcjl jljjj 318
قبل 8 سنه و 6 شهر



اخوي شوف موقع حراج انا فيه لي  سنتين وسبعه شهور    

 واعرف عينات هذي  فيه ناس تبخس من غرض تخريب الاعلان  وهايط على فاضي وناس فاضيه تحب مشاكل  واذا تناقشت معه قال هذا حراج واسوم بكيفي اوكيه سوم بكيف بس لا تبخس 

  يعني مثلا  جيب لكزس 2011 يسوا فوق 280 الف يجي واحد يسوم 70 الف  هذا حرام بعينه  

 وثاني شي الناس   الي تقول والله شريت موترك  وابشر انشاء الله اتصل عليك هذا اعرف انه يسلك لك ماهو شاري نصاب 

  وفيه ناس يحط اعلان  وينزل كل شي ويحط رقم جواله  تجي تتواصل معه  بعام  يعطيك اشكل  بخاص برضوو يعطيك اشكل 

 بجوال برضوو يعطيك اشكل ويقفل جواله  >>>>>> هذا لا تعليق   

 وفيه  ناس  تحط اعلان ونصابين  ويكذبون على ناس يعرض جوال بلاك بيري ايفون  تجي ترسل  له فلوسك يكذب عليك ويسرقك ويسحب عليك وصارت لناس كثرين علشان كذا حططو قائمه سوداء ناس ماعنده ضمير بس وين بيروح من الله 

  وفيه ناس  لا والله شهادتي فيهم مجروحه صادقين بتعامل معك وجادين بصدق  وبشراء والبيع   هذا  قليل الي تحصله  

 وفيه ناس شريطيه صراحه حتى موقع حراج  استحلووه شريطيه  معارض ناشبين لنا حتى بوموقع ناشبين  


up 6 down 0
سكودر 14929
قبل 8 سنه و 6 شهر



وفيه   ناس ترفع اسعار   سيارات   حتى لو تقارن  اسعار موقع  حراج  بشريطيه   تشوف  اسعار موقع حراج اعلى من شريطيه  


 وفيه ناس  جايه ىتتسلىى  وفاضيه    ومشاكل مع عالم    


 وفيه  ناس   مسوي ملقع  يجي يقول  تبادل راس براس  لو تشوف سيارته   ماتسوا  نص قيمه  سيارتك   


 يعني  اعط وخذ من ناس هذي 


up 2 down 0
سكودر 14929
قبل 8 سنه و 6 شهر



3  dislike
بالطقاق 


up 3 down 0
Ahmad356 516
قبل 8 سنه و 6 شهر



,,  وواحد يبيع السيارة على كلامه ويخلي الاعلان سنة ,,
او يقول السيارة شبيهه للي في الصورة . ليه خايف على سيارتك من العين . لو يوم يومين مافي مشكلة لين توفر صور 
لكن تجلس الصورة شهر
 لايك يا اخ احمد ولكل رد


up 2 down 0
الرواسي 778
قبل 8 سنه و 6 شهر



انا من رائيي ان الاداره تضع المزايده اجباريه مثل المواقع الاجنبيه 
يبدا السوم من تحت والزياده تكون 500 ريال فقط ولايقدر العضو يزايد على نفسه وفترة المزايده محدوده بوقت ((اسبوع -شهر -عشر ايام))
والسعر واضح بحيث تدخل الاعلان تقرا السعر مايحتاج تسأل وعندك خيار تفرق ب500 فقط مومعقول السوم 20 ويجي واحد مطفي يقول اسوم 40 وهوكذاب


up 2 down 1
pt 2011 1389
قبل 8 سنه و 6 شهر



أنا أؤيد وضع خيار المزاد ونرجو التحديث من ادراة الموقع كي يحلو مشاكل البائعين فكثير لا يعرضون سياراتهم للبيع من أجل البخس وشكرا


up 1 down 0
mujahead 267
قبل 8 سنه و 6 شهر



كل هذا كوم والللي يحط صوره مو لسيارته ويقول اعتذر لصاحب الصوره لا لا تعتذر يا تحط صوره سيارتك ولا لا تنزل اعلان من الاساس


up 2 down 0
.o m a r . 238
قبل 8 سنه و 6 شهر



تدرون وش الي يقهر الي   يحط اعلان   ولا  يحط  صوره    
مثل   يقول مسجل Sony  ولا يحط  صوره


up 0 down 0
zezo2468 263
قبل 8 سنه و 6 شهر



اسعار الموقع شاطحة بقوة مثلا السيارة تسوى 10 الآف تلقى الأعضاء يسومونها ب 15 وصاحبها يحدها ب 20؟؟؟؟؟؟
الموقع صراحة يغرر بك بس لا نزلت السوق عرفت الكلام هذا كله


up 1 down 0
ssulltan 1509
قبل 8 سنه و 6 شهر



ما نقول الا الله يهدي هذولا الشريطيه الهدايه احسن من ان ندعو عليهم الله يهديهم ويرزقهم الرزق الحلال


up 2 down 0
هارون 422
قبل 8 سنه و 6 شهر



شوف ياغالي انا على طول اطلع من الاعلان اذا قريت اعلان مكتوب به / ونطلب من الله الزود او سيمت بـ 70000 الف والبيع بـ70500 هههه سلامات يابو الشباب ؟ واللي كاتب تحديث للدخول على تفاصيل الاعلان الرجاء الدخول هنا <--- ( لو يبي يبيع كان باع من زمان ماعلق السياره 4 شهور ؟)


up 2 down 0
شكلين مابحكي 3160
قبل 8 سنه و 6 شهر



موقع حراج ممتاز جدا وريحنا من دوخة المعارض عن طريقه بعت سيارة وجهاز آيفون وشريت سيارتين وشاشة سيارة وجهاز بلاك بيري
وجميعها كانت موفقة ولله الحمد وإن شاء الله موقع حراج في تطور مستمر


up 1 down 0
nnmm 1414
قبل 8 سنه و 6 شهر



السياره نظيفه مره ومايعيبها شي


بس مرشوشه رش تجميلي


القير موظب توظيب كويس وانا بنفسي مشرف على شغلهم


المكينه فيها جلد بلوف وتغييرها ماتكلف !!!



السياره نظيفه بس مقلوبه قلبه بسيطه ماتاثر


السياره نظيفه بس مصدومه فالبدي والشاص ماجاه شي سليم


اهم شي الشاص اما البدي طز فيه ههههههههههههه



صدقت اخي شاااااااااااااقح لا ويقوللك كل شئ تماااااااام بس فيه وفيه وفيه وفيه اجل ياخوي وش اللي مافيه


up 0 down 1
khaledsaeed 26
قبل 7 سنه و 11 شهر



صلو على النبي عليه الصلاة والسلام


up 0 down 0
الجهني123 -15
قبل 5 سنه و 7 شهر