شوركم 750li vs s600 vs 300cSRT8

انت راعي سرعة ودعس خذ كرايسلر ال ٦٠٠ماتصلحلك ولا ٧٥٠ صيانتهم مكلفة

أحلى شي في البي ام دبليو تغيير الزيت كل ست شهور و سيارة كرف

أحلى شي في المرسيدس ال v12

الكرايزلر أعتقد مكانه في هالموضوع غلط


من تجاربي الشخصية البي ام دبليو قليل الصيانة و خدوم و مواصفاته أفضل من المرسيدس طبعاً من نفس الفئة 


المرسيدس صيانته رخيصة و قطعه رخصيه 


تحياتي 

انصحك لاتشتري شي فوق طاقتك وماتحتاجه !
اشتر سيارة تناسب استخدامك ومنطقتك الي انت ساكن فيها

ال٦٠٠ قطعه غالية وموديله قديم 

البي ام حلو بس اهم شيء الممشى يكون مناسب

الكرايسلر حلو وموديله جديد بالنسبه للباقين وبتلقى شيء ممتاز ونظيف 

من وجهة نظري الكرايسلر افضلهم

بي ام دبليو 750
 

الكرايزلر سيارة شعب قطع غيراها مقارنة بالمارسيدس و البي ام
ببلاش غير الورش إلي تتصلح فيها و مدى انتشارها في المملكة

غير أنها أحدثهم موديل

اعرف واحد من الشباب كان متردد بين البي ام والكرايسلر وفي الاخير خذ كرايسلر srt8 ويمدحه حيل . 

مواصفات - سعر افضل - موديل احدث - صيانه ارخص واقل اعطال - شبابي اكثر - والاهم طربه الصوت والشكل 

الكرايسلر ياحبيبي 
بس حط فبالك العزل والراحه فيها ماتقارن بالالماني ابدا
بس عندك القوة والشكل هي الافضل 

اقولها لك ولا تزعل وخذ كلامي بعين العقل 
المرسيدس والبي ام 
ما دام تبي تاخذ مستعمل وتاشور عليه 
بالذات ذا الموتري 
تراك منت قدها ابدا ومنت قد صيانتها 
لانه واضح ان الميزانية عندك مش ولا بد 
هذي السيارتي تبي لها صرفية خاصة كل شي 
بالذات اذا كانت الاستعمال اليومي او الكرف بمعنى اصح 

لا تزعل من كلامي ولا تاخذه بمحمل شخصي 
شخص جرب تجربه وحب يعطيك اياها 

توات صح عليك ومعك حق

اذا راعي سفريات خذ مرسيدس بس s500  والله مريحه بخط وتطربك  ذا راعي مشاوير  وسفر على خفيف  اس ار تي تجمع بين السياره الرياضيه والشبابيه والفخامه بتوفيق 

الكرايسلر قطعها جداا مناسبه الاستهلاكيه فقط 
بل اني انصدمت ان مساحات القزاز الاصليه ارخص من حثت الكورلا !!
مساحات الكرايزلر الطقم بي 50 بالوكاله والكورلا تقريبا 140 وعليها 

يا شباب تراكم كل واحد يقول يبيلها ميزانيه ومدري ايش طيب تعرفون صاحب الموضوع ياخي يمكن راتبه فوق 25 ومرتاح ما تدرون عنه ويبي سياره مريحه له 

والله ي صاحب الاعلان اذا تسمع شوري من مجرب للبي ام واللكزس والبانوراما 
ابعد عنهم
موديلاتهم نوعا ما قديمه وشي طبيعي بدت تطلب 

برأيي حط فلوسك الي معك بشي جديد افضلك بمليون مره وبتدعيلي
كشخة ذا السيارات وقتها قصير وبعدين تحس نفسك عادي كن معك اقل نوع من السيارات
ناهيك عن ثقل بيعها 

من طرحك للموظوع اتوقع ميزانيتك بحدود ال٩٠ الف
فحطها بجديد وكاله والبدائل كثيره باقل سعر وافضل منيزات ومالك ومال وجع الراس 
والصيانه 

اخ رابح الهدف من النصح مو عشان ممكن راتبه عالي وماعنده مشكله
عزيزي حتى لو راتبه ٤٠الف ماجا راتبه وهو حاط ركبه 
مهما كان راتبك مايخليك تاخذ سياره تطلب صيانه وتدفع راتبك عليها
اجل اخذ بي ام وكاله واقسطها وتبقى ع الضمان والصيانه المجانيه افضلي
وانا من ناحيتي نصحته من تجربه
والله العظيم اتحمل ونيت وكاله بقراطيسها ولا اخذ سياره تمص قلبي عشان اكشخ

وش جاب العنز للكنز
     وش جاب الثرا للثريا
         اكيد اكيد البي ام لبى قلب قل قلبه فديت اصطباته لاشتغلت وانوار الداخلية يا لبييييه 
تدخلك جو رومانسي غصب 
والسيارات هذي تنفع للمعصبين لانه هذي السيارة تخليه ريلاكس غصبا عليه وتخليه محترم بعد مع الناس
البانوراما 600 حليوة وكشخة لكن موب حلاوة البي ام ليى قلبه المغموس بالعسل ههههه
الكريسلر حلو وفخم لكن ماله هيبه مثل الالماني 
خذلك بي ام ازينك
واذا تبي بي ام موديل 2011 فئة 750 لارج فل كامل نظيف وعلى الشرط ومعاه لوحة مميزة 9999 وبسعر كامري 
150 الف ريال اذا تبيه كلمني خاص