اللي له خبر بالمرور والمخالفات يدخل

وعليكم السلام 
معلومه خاطئة وانسى ياصاحبي تتحول دورلك سلفة وسدد
وبعد ماتتوضف سدد الي اخذت منه
لاتفوتك الوضيفه
اذا القطاع الي سجلت فية ممتاز والف مبروك مقدما

الله يبارك فيك ومحتار بعد بالقطاع اللي اخذته السجون

سدد نصيحه       

الله يوفقك ويسهل امورك وولد عمي انقبل معك في ابها وودى اوراقه الاسبوع الي راح
وان شاءالله تنحل مشكلتك وشد حيلك
وبالتوفيق ياغالي 

http://haraj.com.sa/118567987/

maan لو معي 12 الف مدخلت العسكريه الله يسعدك ههههههههههههههههههههههههه

ماتوقع لها دخل القسايم بالتوظيف ومن قال لك هالكلام 
اللي اعرفه عند تجديد البطاقه او الرخصه او الاستماره 
او كرت العايله والجواز هذي تحتاج تسدد 

وسالفة انك تحولها على اخوك مستحيل 

القبول المبدئي مالها شغل المخالفات لكن اذا قبلوك قبول نهائي وعطوك اوراق البصمه والعمده وانت شف الاوارق اذا مكتوب شرط مايكون عليك مخالفات عندهم  الله يعينك سددها ولا اسحب عليهم افضلك تدور غير العسكريه لكن اذا مافيه كويس اضن النظام هذا من شروط الامن العام باقي القطاعات العسكريه ماهو اجباري لكن  انت تقول بسجون ان شاء الله مايطلبونها منك بنسبه انك تحطها بااسم اخوك وين ياحبيب مقدم على سياره سائق اضافي انت مستحيل تجي  وتوفيق 

وعليكم السلام و رحمة الله و بركاته 

بالنسبة لنظام انك تحولها هذا اأول مرة اسمع فيه و لا أظن الكلام صحيح 

لكن بالنسبة للعسكرية فيه قطاعات مو لازم تسدد 
و فيه قطاعات اذا ما تقدر تسدد يخلونك توقع ورقة انك تسدد أول ما تستلم المبلغ اللي يجيك بعد الدورة
و هالكلام متأكد منه . بس ما أدري هل يشمل كل القطاعات أو لا .

و بالتوفيق إن شاء الله

وش دخل ام المخالفات باالوظيفة 
الا كانوهً نظام جديد
توهم حاطينوهً 

^^
الأمن العام لازم تسدد

الله يعينك لازم تسدد
والي يقول اعرف واسطة يخفضلك المبلغ اقوله كذاااب
قبل مااسافر وكان عندي تجديد جواز سفر قالولي عليك مخالفات روح سدد
ويطلع علي مبلغ 17 الف ريال ورحت كلمت النقيب الفلاني
ومدير الجوازات نفسه يعرف زوج اختي واصحاب من زمان ولا نفعت الواسطات غير الي في الاستخبارات والمرور 
ما نفعت الواسطات ورحت سددت غصبا عن انفي كامل المبلغ 
يا رجال حتى العسكر عليهم مخالفات ساهر وسددوها 
مااشوف الا العسكري يسبدفي نظام ساهر والي جابه ههههه

سبحان الله ما أحد قال كلمه نافعه ..
كلّنا نكره ساهر ونلعن اليوم اللي جاء فيه
ولكن أستغرب اللي يكون عليه مخالفات ألف أو ألفين ويستمر في المخالفات حتى تصل للعشرة آلاف وعشرين وهناك من يتباهى أن عليه تسعين ألف .
كما سبق وقلت أن ساهر من أوله لآخره خطأ في خطأ .. ولكن ربي أعطاني عقل وشي مفروض عليْ غصب عن خشمي ولا أقدر أن أقف أمامه أو أغيّره لماذا أتمادى ووأوصل الموضوع لآلاف مألفه وأنا بالأخير مسدد مسدد رغم أنفي ..
أين العقل والمنطق هنا !!!!

يحرمون الواحد من الوظيفه حتى يسدد 
ما بقي الا يمنعونك تنام مع حرمتك الا بعد ما تسدد 

تقبلو مروري اول شي عندي فكره لو تسويها شركة ساهر او المرور
تريح ناس كثير الفكره انو اي شخص خلال 6شهور او بكيفهم
ماجات عليه قسمه يسقطون عنه قسيمه وبكذا الين تخلص قسايمه
لاكن ان جاب قسيمه قبل الموعد المحدد تثبت عليه قسيمه وحده ماتنشال
وبكذا الواحد لو غلط فقسيمه يحاول انو يفتح المهم الله يوفقك الجميع