أضف سؤال أو موضوع جديد          

للفائده فقط بعض الاصلاحات في ماركيز 99

up 16 down 13
جاسم 12 -251
قبل 5 سنه و 9 شهر



السلام عليكم ورحمة الله وبركاته

حصل قبل فتره اني اشوف تهريب زيت القير لما اوقف السيارة لفتره 10 ساعات وحولها بقعة بحجم اليد
في البدايه ماكنت شايل همها لكن ضايقتني وماقدرت اصبر طبعا رفعتها اولا وحاولت اشوف التهريب وين وكان فيه تهريبات مو بس تهريب بين المكينة والقير اثار لزيت المكينة وزيت القير قلت يبي لها شغله وخليتها يوم وماقدرت اصبر رحت لورشة واحد هندي قال كارتير قير ووجه كارتير وفلتر بس والزيت سويت اللي قاله وبرضه المشكلة رجعت من ثاني يوم انا بيني وبينكم مارجعت له لأسباب اولا شفت الكارتير القديم وكان مضروب ومعووج من جهات يعني ماني مستخسر تغييره وايضا الفلتر والوجه قلت يعني كم اخذ مني 70 ريال؟ اعتبرها حقت التغيير ورحت لمركز يشتغلون فيه مجموعه من الجنسيه السورية او التركيه مادري والله المهم اني قبل جربتهم في تنظيف الثروتل وكان شغلهم نظيف رحت له وكشف قالي صوفة قير امامي وصوفة المكينة الخلفيه وكارتير المكينه وعلبة الدركسون عليها تندية قالي شوف بتمشيك كذا لكن لازم تنتبه للزيت لانقص انا ماني فايق يوميا اطلع العيار واعاير قلت بصلحها قالي طيب نفك المكينة نرفعها وننزل القير وهذا مكلف جدا قلت توكل بس ودامنا شغالين شغالين سجل كل القطع والصوف والوجيه واي شي تشوفه مستهلك او يحتاج تغيير سجله لي وانا بعد يوم اجيك اخذ منك القطع اشتريها وتركبها قالي كذا افضل لان صعبه عليك بس تغير صوفة وبعدين لو يجي شي تفك من جديد المهم بعد يوم اتصل علي وعطاني قائمة طلبات ورحت له اشيك واشوف وكانت القطع كالتالي

:جلد طرمبة زيت الجربوكس 40 ريال
وجه طرمبه زيت الجربوك 40 ريال
صوفة جربوكس خلفي وامامي الوحده 45
صوفة التعشيق 45
صوفة مكينة امامي 45
صوفة مكينة خلفي 85
وجه كارتير المكينة 140
وجه قاعده السيفون 50
وجه غطا البلوف يمين 85
وجه غطا البلوف يسا 85
جلد مسامير غطا البلوف75
وجه الصدر 3 قطع تجي الوحده 40 ريال
وجه القزوز 25
معجون وجه الماني 20
فلتر زيت فورد اصلي 15 ريال
علبة دركسون مجدد مالقيت غيرها طبعا 245
لي دركسون 220
حساس egr 300 ريال
زيت قير العلبه 12 ريال
زيت مكينة العلبه 15 ريال
عمود التعشيق 120 ريال **** طبعا هذا جابه لي راعي الورشة لانه ماعلمني فيه الا وانا مخلص وجاي قلت جيبه انت
بكره عمود الكرنك برضه هو جابها وسعرها 150
كارتير المكينة برضه من عنده 150
ياساتر صلخني بمبلغ جامد والله لكن على امل انها تخدم معي لفتره سنتين او سنة بالكثير قلت وجبت القطع وركبتها واستلمت السيارة خلال يوم يعني يوم كشف ويوم فك وتشييك كامل ويوم تركيب ثلاث ايام بالضبط استلمت السيارة من عنده وقالي مابيك تروح للبيت الان ابيك تروح لمحل اديترات مقابل له غير الطبات حقت الاديتر لانها معدومة مبين ان عندك تهريب قديم وهو صادق كان عندي تهريب قبل اذا عبيت الاديتر للحد المطلوب يبدا يهرب ويقل الما رحت للمحل قالي تعال الصبح الصبح سحبت ورحت لواحد غيره وغيرت الطبات والموية وكلفتني قطع وشغل يد 180 ريال


انصلخت بمبلغ جامد والله وطفرت والان قاعد انتظر الصباح عشان اروح للبنك اسحب حق البنزين هههههههههههههههههههه > مستانس اني ماطفرت بعيد عن يوم 25
المهم موضوعي هذا للفايده باسعار القطع اما شغل اليد اخذ على كل شي 1400 ريال > ملاحظة حركة الكاميرا والفلاش تنجح اذا كان التهريب في مكان ضيق او ماتقدر توصل له سقط الجوال بس واضبط اعدادات التصوير وباذن الله تحدد التهريب وين واعذروني لقلة الصور والله كان بخاطري اصور كل القطع واماكنها لكن ماجات ع مانبي انشغلت واهم شي وصلت الاسعار والاجور











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ييض للله وجهك .. وماهي خساره بسياره توديك وتجيبك .... والله يعوضك . ولايك ياعسل


up 1 down 0
مستريح البال 1 1780
قبل 5 سنه و 9 شهر



الله يعطيك العافيه اضمن لك ان شاء الله 5 سنوات ماتبلش بالمكينه والقير والاديتر

افضل شئ اذا غيرت قطعه غير اللي جنبها دامها رخيصه وشغل اليد واحد

بس لاحظت الحاجات الغاليه جابها من عنده
لازم تاخذ منه فواتير


up 1 down 0
منخشق 674
قبل 5 سنه و 9 شهر



جزاكم الله خير .. حتى انا لاحظت هالشي اخوي منخشق لكن للضمانه طلبت الفواتير + جميع القطع المستبدله شلتها معي يعني معصي يستفيد منها عديتها قطعه قطعه القديمه واخذتها معي


up 2 down 1
جاسم 12 -251
قبل 5 سنه و 9 شهر



اتوقع لو سياره ثانيه كان دفعت اقل شي 3000 الاف ريال اذا مو اكثر غير شغل اليد 


up 1 down 0
088mansour 798
قبل 5 سنه و 9 شهر



نوع زيت القصر تلقاه بعصى العيار 

تايب أم أو ميكرون في


up 1 down 0
محمد فورد 511
قبل 5 سنه و 9 شهر



نعم اخ محمد قالوا لي عن الامر هذا لكن للأسف بعد ماغيرت وانتهيت قلت التغييره الجايه اركز شاكر مرورك


up 0 down 2
جاسم 12 -251
قبل 5 سنه و 9 شهر



الله من الرخص هاذي لو في موتري الكامري اقل شي بتاكل 6000 قطعها الموت 
الفلتر لحالة ب180 ريال وبعد حب الخشوم نقصلي 20 ريال طلع ب160 ريال لان قطعها قطع افالون 
والصراحة ماشاءالله عليك نفضت الموتر ويابلاش وبيخدم معك سنين
وتعجبني غيرت كل شي بعضهم يغير قطعه ويجلس شهر ثم يرجع يغير قطعه وهكذا
اما انت ماقصرت والف شكر على التقرير الرائع وواصل يامبدع


up 7 down 2
الرفاعي33 13914
قبل 5 سنه و 9 شهر



السلام عليكم
الله يخلف عليك
اخوي عندي سؤال للاستفاده لو سمحت :
انت صاحب قومات وتغير قوي ومفاجئى للجربوكس ؟
لان القطع هذه ما تخرب بالشكل ذا الا بسبب القومات القويه ... بغض النظر عن العمر الافتراضي للقطع


up 1 down 1
dub_r-50 435
قبل 5 سنه و 9 شهر



يا جاسم معلييش وانا أخوك بقييمك ايجابي قيمتك سلبي العذر والسموحه


up 1 down 0
حسن البشري. 59
قبل 5 سنه و 9 شهر



ي ذيبان التكلفة كاملة شغل يد و قطع
كم طلعت ?


up 1 down 0
البلاههدي -11
قبل 5 سنه و 9 شهر



يعطيك الف عافية اخوي جاسم
في انتظار باقي ابداعاتك لبى قلبك


up 0 down 1
t o m a h a w k 761
قبل 5 سنه و 9 شهر



يعطيك العافية 
ولايك موضوع ممتاز


up 0 down 0
باترول 2020 2624
قبل 5 سنه و 9 شهر



ماشاء الله والله يعوض عليك بدبل الدبل لكن بغيت اسالك كم تكلفة القطع وشغل اليد كامله لاهنت


up 0 down 0
الشمري ....
قبل 5 سنه و 9 شهر



جاسم

لك مني 3لايكات بس بعد ما يسمحولي اقيمك
قيمتك بالسالب العذر منك


up 0 down 0
moathyaseen 1393
قبل 5 سنه و 9 شهر



الله يعطيكم العافيه جميعا اخوي دوب ار سواقتي سواقة شيبان الا بحالة طواري لكن السيارة تو شاريها ونفضتها  ..الاخوان اللي سالوا عن التكلفه القطع كلها طلعت حول 2000 اقل شوي يمكن وشغل اليد 1400 يمكن تقولون غالي لكن تراني رفعت المكينة ونزلت القير ونظفه لي قبل يحط الزيت القديم عشان مايصير شي لاقدر الله لاني غيرته كامل 12 علبة


up 0 down 0
جاسم 12 -251
قبل 5 سنه و 9 شهر



اضف ان بعض القطع كان باقي فيها عمر يمكن كم شهر نص سنة لكني مابي افك المكينة والقير لمدة سنتين ع الاقل عشان كذا اي قطعه ممكن تستهلك حتى لو مافيها تخريب او عطل غيرتها وخذي نصيحتي للكل اذا فكيت المكينة او القير لاتكتفي باصلاح العطل شوف القطع اللي تستلزم فك القير او المكينة وغيرها حتى لو باقي فيها عمر ماتدري وش يصير


up 0 down 1
جاسم 12 -251
قبل 5 سنه و 9 شهر