أضف سؤال أو موضوع جديد          

برنامج Google maps الرائع واهميته

up 25 down 30
benz lover -78
قبل 10 سنه



السلام عليكم اخواني اقدم لكم برنامج الملاحة الشهير google maps هذا البرنامج سبحان الله ما اقدر اخطي خطوة من البيت بدونه يخلصني من زحمة مايعلم فيها الا الله تختار المكان بمربع البحث يعطيك خيارات اذا طلع المكان الصحيح تضغط عليه وتجيك تحت صورة سيارة والمسافة اضغط على السيارة يجيك اكثر من خيار للطرق ان وجد مع المدة وحالة الطريق ولو في حادث يبان معاك عشان تسلك الخدمة وتتعداه 
 الالوان : 

الاخضر تعني طريق سالك 

الاصفر سالك ولكن ببطئ 

الاحمر ازدحام شديد

الاحمر الغامق معناها الطريق واقف كليا ازدحام شديد جدا وتقدر تعرف قبل ماتوصلهم من الخريطة نفسها تقدمها باللمس يبان وش جاييك قدام وتهرب مع مخرج او تغير مسارك وفيه ميزة رائعة يعطيك الطرق الاسرع او الابطأ مثلا كنت بالدائري وواقف الطريق اذا الخدمة اسرع يجيك خط رصاصي مكتوب فيه faster 1min المعنى اسرع بدقيقة اذا طلعت كلمة slower 1 min المعنى انه ابطأ بدقيقة بالمسار اللي انت ماشي فيه

وتقدر اذا احد ارسلك موقع عبر الوتس اب تفتح البرنامج ويوصفلك ويعطيك بكل دقة متى بتوصل باذن الله تعالى واي استفسار انا حاضر 

بالنسبة للتحميل سهل اذا اي فون جوالك من apple store واذا سامسونج google play 

وحياكم جميعا 













إبلاغ إبلاغ



الردود


من أفضل البرامج في الخرائط 


up 1 down 0



يشرفني اكون اول من يرد عليك فعلا برنامج ممتاز جدا وانا من الناس الي م اقدر استغنى عنه 
وفيه ميزة بعد يمكن م تعرفها هو اذا م عندك نت برا البيت تقدر تشبك ف البيت وتحط المكان اللي تبيه مجرد م يشبك بس 
تقدر تطلع برا البيت وبيكون شغال معك بدون نت 
ي رب وصلت لك الفكرة 


up 8 down 10
mo.sabry 47
قبل 10 سنه



البرنامج جميل لكن بالنسبه لي في المدينة اماكن كثيره ماحصلها في البرنامج ياليت اخوي اذا تعرف طريقه اضيف فيها المواقع
بحيث اضيفها ع السيرفر ويستفيد الناس كلهم مو بس احفظ الاحداثيات لي انا


up 2 down 2
جاسم 12 -251
قبل 10 سنه



بس هو مبني على التوقعات يعني ما يجيب التحويلات او اذا في صيانة او لو في حادث والطريق مسكر


up 4 down 5
dawwy 266
قبل 10 سنه



كيف توقعات ياخوي مربوط بالاقمار الصناعية ومرات واجد انقذني من ازدحامات حتى ماتوقعت طرق تكون فاضية بالذروة وفعلا صحيح التحويلات تتحدث كل فترة


up 2 down 9
benz lover -78
قبل 10 سنه



البرنامج ممتاز لكن عيبه أنه لازم نت .. عندك خرايط ثانيه تقدم لك معلومات الزحمه و أوفلاين ما تحتاج نت نهائي مثل خرائط نوكيا here و مجاناً 




up 2 down 2
legaacy -315
قبل 10 سنه



يعني عادي ممكن يدخلك شارع وتلاقي في تحويلة او مسكر واسأل أهل الرياض 


up 0 down 1
dawwy 266
قبل 10 سنه



dawwy 

البرنامج يتحدث بشكل شبه يومي و كل التحويلات عندنا مغطيها و بدقه و يعطيك الطريق البديل 





up 2 down 1
legaacy -315
قبل 10 سنه



برنامج جميل لكن اتمنى محد يعرفه
يكفي الهبل اللي بالشارع هذا يقرا ف واتس وهذا يحنحن بالجوال وهذا مع خويه طاقين حنك ومعطل الخط
وهذا مع زوجته يتضارب والحفره من جنب والمصري اللي يقطع الشارع قدامك كنه يقولك اصدمني
والحفره اللي طحت فيها علشان تفتك من الغبي اللي بس يضغط فرامل
وانت يالي طالع تخلص مشوار. ترجع واخلاقك زفت بسبب المواقف اللي تصيرلك
يمين مافي اخطر من السواقه بالسعوديه انا صرت اتنقى واختار الشارع والشخص الي امشي وراه لو اوصل بكره بس مايكون غبي؟؟؟؟ّ!!


up 9 down 4
الجهني-rc -132
قبل 10 سنه



برنامج ممتاز وفادني كثير في جده والرياض ولا تنسى برنامج اي قو(iGO) موجود في شاشة السيارات الاندرويد .


up 2 down 0
متعب2300 572
قبل 10 سنه



للي يستخدم بيانات كثير حله تشغل البيانات مع الموقع gps عشان ما يصرف 

اذا مشغل بيانات فقط بيصرف كثير اذا مشغل الموقع مع البيانات بكون اسرع و ما بيصرف شي 

اخر نقطة البرنامج يعتمد على الجوالات وليس الاقمار الصناعية بتحديد الزحمة يعني كل واحد ماشي بالطريق منه البرنامج بيحدد الزحمة بالطريق 


up 0 down 1
super x 175
قبل 10 سنه



ان استخدمه الصراحة فكني من اني اشتري لي شاشة عشان الملاحة واحطه على القمر الصناعي بالنسبة لي اطلق شكله وحلا واوضح للمكان اللي بي تجيه ويعلمك اذا كان منطقة عمل ولا لا زي قاعة نوارة جمبها حفريات ومطلعلي وبلانسبة لموضوع الزحمة صحيح بس يطلعلي خط ازرق انه الطريق مافيه زحمة هذا الفرق واللي حمل اخر تحديث له بيعرف الكلام ذا


up 1 down 0
ahamd9477 119
قبل 10 سنه



بصراحة من افضل برامج الملاحة علي الاطلاق 
وجهة نظر مجربة 


up 3 down 0
abo shojon -39
قبل 10 سنه



جداً رائع .. وحاب أضيف معلومة ــ

إذا المكان ماطلع معاك في قائمة البحث بالجوال .. ادخل هذا الموقع بالإنترنت 

https://www.google.com.sa/maps/ 

وإبحث عن المكان المطلوب وإنسخ المعلومات ولصقها بالجوال ــ مثال ـ 

أنا كنت أبحث عن إدارة النقل بالرياض ماكان يطلع إلا (وزارة النقل) وأنا أبي الإدارة .. 

ويوم بحثت بالموقع ضغط بالماوس على موقعهم عطاني هذه المعلومات 

2350، الصحافة، الرياض 13315 7513

رقم + إسم الحي والمدينة  + رقمين  ... هذه انسخها كاملها وحطها بالجوال وعلى طول يجيب لي مكان النقطة .. 

الطريقة تسهل عليك إذا ماقدرت تجيب مصطلح البحث .. وياما طلعت فروع لتويوتا بهذه الطريقة ..

شكرا ً ياصاحب الموضوع  

والسلام عليكم ورحمة الله وبركـــــــــــــــــــاته 


اهل الرياض حملو تطبيق دليلة الرياض 


up 3 down 0



تطبيق جميل ويفيد بزحمات الرياض وجده


up 2 down 0
abraheem1434 8
قبل 9 سنه و 9 شهر